1 Korenti 1:27 - UWONBƆR A GBƆNPƆŊ LIKƆƆNL

²⁷ Amaa Uwonbɔr gann ban wee dulinya nan yaab yi bi ke tijɔri nle ke bin jin ban ke bi ye dulinya nan a landamin ifa; ki ji gann ban wee dulinya yaab yi bi ndaburimin ke bin jin ban ye bipɔɔndam dulinya nan yaan nin ifa.

Uwumbɔr aagbaŋ

²⁷ Uwumbɔr nyan binib bi ye bijɔrb dulnyaa ni aanib aanimbil ni na, le ki tee cha binib bi kpa nlan na ji inimɔɔn. U nyan binib bi ye bigiim dulnyaa ni aanib aanimbil ni na, le ki tee cha bipɔɔndam ji inimɔɔn.

1 Korenti 1:27 ပူးပေါင်းရင်းမြစ်များ

Matiu 11:25

Iyaayoo nmɔn le Yisa len ke, “N Baa wan ye paab nin tum a Yudaau nan, n pooriŋ, nan bu-n a ta a bɔrin ki woon bilandam nin bibiɛndam, amaa le ki kpiir ti ki wɔɔn nbuwaab finfim;

Matiu 21:16

Le bi baan u ke, “A gbir nbuwaabin kaah len man waa?” Le Yisa jiin bi ke, “Nn, amaa naa nyi karin Uwonbɔr a gbɔŋin naa? Ni sɔb ke, ‘Nbuwaab nin nbiliɛm a mɔnn le a yin kan kupag kan ŋan.’?”

Matiu 9:9

Le Yisa nyan nin yaan ki chaa, ki tan kan uja uba, le bi yi u ke Matiu, ki miin u ka u toon yin le bilanpogaab a nanbonn; le Yisa bei u ke, “Fii ki li nɔɔm ni.” Le u fii ki nɔɔ u.

Tibɔnyaan ti Luk ŋmee ti na 21:15

Nan bu-n n na li sei ni imɔbon nin nlam man wee ni dataam kaa na li fir yii bee ki niɛ.

Lituln 17:18

Le ban wɔɔnn wee bi yi biba ke Epikurusi, ki yi biba mu Sitoog nan, mu nan dan ki nan far limɔkpel nin Pɔɔl. Le bi ni biba nan pag nin tab ke, “Wan be jabin nan mu ke baa?” Le biba jiin ke, “Ni nann ke u pag iweenchaan iba a bɔr le-n.” Bi nan len man babu, Pɔɔl nan mɔɔn Yisa a bɔŋann nin le nin u kum a fiim.

Lituln 7:35

“Moziz nmɔn le Iziral yaab nan yii u ki baan u ke, ‘Ŋma ŋaaŋ ti yudaau nin ti bɔjiru waa?’ Amaa u ma le Uwonbɔr gann ke u le ye bi yudaau nin bi feeru, le u ma Uwonbɔr che Malaka pag sei Moziz kumɔɔchiɛg a ŋmiimin, ki tun u niin.

Lituln 7:54

Sitifin kaah len man nin, le liŋuul choo bininfobin takpem u bu. Le bi ŋman bi nyin.

1 Korenti 1:20

Ni ye man ke, ulandaan nin be laa? Bee ubiɛndaan nin be laa? Bee ban jɔɔ nnyinyin dulinya nan yaan nin be laa? Naah ye Uwonbɔr taa dulinya nan a lam le ki labir ijɔrig aa?

1 Korenti 1:21

Uwonbɔr tɔɔl a lamin bu che dulinya nan yaab a lam kaa fir biɛ wi. Ni nan gbee Uwonbɔr a num nin baah nan ke nan ye ijɔr leen nin kaah nan mɔɔn wee bininfob ban nan ŋa yada-n kan feeja-n bu.

1 Korenti 2:12

Kinaaŋ kan wee ti gaa-n, kaa ye dulinya nan a naaŋi, amaa ki ye Kinaaŋ kan nyan Uwonbɔr ban le. U li che U naaŋin ter ti wee ti biɛ u piini nmɔn.

2 Korenti 10:10

Bininfob biba ke, “Pɔɔl a gbann ni nann le ke upɔɔndaan uba-n, amaa le u nan foon ti ban n-yonn man ke, u ye ulanjiin le, le u mɔboi kaa ji jɔɔ npɔɔn ni.”

2 Korenti 4:7

Amaa ti jɔɔ njɔɔm man be tiyɔgir a binboli yin, le ni wɔɔn ke npɔɔn man jon niwann biɛn nyan Uwonbɔr ban le, amaa naa ye tim ban ni.

Jemisi 2:5

N nabum; ni pela man: Naa ye Uwonbɔr le gann ban ye faladam kutingbɔŋ nan a poolin, ke bi li ye biwandam yada a ŋaam bu, wee ki nan ji paab a naam a faal lan wee Uwonbɔr siin limɔsiinl ke u li sei ban ban win naa?