1 Korenti 1:23 - UWONBƆR A GBƆNPƆŊ LIKƆƆNL

²³ amaa ti mɔɔn Masiya a kum lidapunpunl bu nle: Tibɔr nmɔn ye litangbag gbiɛrikaal le Juu yaab ban, le ki ji ye ijɔr leen ban kaa ye Juu yaabin ban.

Uwumbɔr aagbaŋ

²³ Le ti tuk bi Kristo aah kpo ndɔpuinkoo pu ki tii bi pu na. Ni ye liŋuul aabɔr le ki tii Juu yaab, ki ye kijɔrk aabɔr ki tii binib bi kaa ye Juu yaab na mu.

1 Korenti 1:23 ပူးပေါင်းရင်းမြစ်များ

Matiu 11:6

Tikaar be wan kan limugil wee kaa ta n bɔr gab nan bu.”

Matiu 13:57

Mambu le bi ŋuui nan fii u bu. Le u bei bi ke, “Ulinlenn kaa jɔɔ jilima u baantɔɔl a tiŋ nin u niin ni.”

Tibɔnyaan ti Luk ŋmee ti na 2:34

Le Simiɛn nan kaab jaa bi bu, le ki sin bei kibigin a na Meri ke, “Uwonbɔr gann kibig nmɔn ke u li che Iziral yaab takpem n lu yɔli u bu; le bininfob takpem mu li kan nŋmarim u bu. Uma nan yin ye limagil lan wee bininfob takpem li pag ki bii u nan;

1 Korenti 1:18

Masiya a kum lidapunpunlin bu-n a bɔr ye ijɔrig le ki sei ban borin, amaa tim ban kan feegabin n ma ni ye Uwonbɔr a pɔɔm le.

1 Korenti 1:21

Uwonbɔr tɔɔl a lamin bu che dulinya nan yaab a lam kaa fir biɛ wi. Ni nan gbee Uwonbɔr a num nin baah nan ke nan ye ijɔr leen nin kaah nan mɔɔn wee bininfob ban nan ŋa yada-n kan feeja-n bu.

1 Korenti 1:28

U gann nim ban kaa ye nnaam a ninfob dulinya nan yaan nin nim ban kaa nan ye niba-n, amaa le ki ŋa nan wee dulinya yaab tiɛr ke ni ye niba-n yɔli.

1 Korenti 2:14

Wan kaa jɔɔ Kinaaŋ nmɔn kaa cheel tibɔr tan nya Uwonbɔr a Naaŋin ban ni, tibɔr nmɔn ye ijɔr leen le ki sei u, le waa li fir biɛ ti taai yi, nan bu-n ti ye kinaaŋ a leen le.

1 Korenti 2:2

Amaa maah nan be ni ban ni, maa nan ban n biɛ niba ki ji kpiɛ see Yisa Masiya nin u kum lidapunpunl nbu.

1 Korenti 4:10

Tim ye tijɔri le ki sei Masiya, amaa nim ye bilandam le Masiya ban! Tim ye ndaburim le, amaa nim ye bipɔɔndam le! Ni jɔɔ jilima, amaa tim kaa jɔɔ jilima!

2 Korenti 4:5

Naa ye ti mɔɔn ti baantɔɔl a bɔr le, amaa ti mɔɔn Yisa Masiya a bɔr le, ke u ma ye ti Yudaau, le tim ye ni toontum, Yisa bu.

Galantiya 3:1

Nim Galantiya yaab, tijɔri nan! Unyɔgdaan u la baa ŋmarin ni sufuu? Yisa Masiya a kum lidapunpunlin bu a bɔr nan kar ki wɔɔn ni npaan nin ni tɔɔl a numin.

Galantiya 5:11

N nabum, ni ye n la bi mɔɔn lipunjiil a bɔr le ke, ba ŋa wee bi ji mugirim maa? Ni ye man ke igalin yan nan ŋa lidapunpunl bu n gab yɔliu.

Galantiya 6:14

Min kaa li nyi ki fa ligbingbanli, see ti Yudaau Yisa Masiya a dapunpunlin a binba bu, u dapunpunl nmɔn le ku kutingbɔŋ nan a kɔlisa n gbanann nin, le n mu a kɔlisa nyan kutingbɔŋin na.

Efesusi 3:8

Min le joor kaa yabi Uwonbɔr a ninfob nmɔn biɛn a sisiigin, amaa ni biɛn yɔli, Uwonbɔr a nyunyunbasanl bu le U gannim ki seim nsan ke: N mɔɔn ki wɔɔn ban kaa ye Juu yaabin Masiya a jɔɔm man kaa li fir ban kan ni,

Hiibru Yaab 12:2

Ni che ti ta ti num ki tɔɔn Yisa bu, wan ye ti yada a piinim nin njoorimin. U nan jin fala lidapunpunl bu nin limɔril kaa san ifa, nmɔn man nan dɔ guu nbu, ki kal Uwonbɔr a naangbɔŋ bu u nɔɔjiim paam.

1 Piita 2:8

nin, “Litangbagil lan che bininfob gbiɛr nin litangbagil takpenl lan che bininfob lur.” Bi gbiɛr li le, nan bu-n baah kaa chee Uwonbɔr a bɔrin bu, wee ni mu ye Uwonbɔr kaah siin bi man le yen nin.