1 Korenti 1:20 - UWONBƆR A GBƆNPƆŊ LIKƆƆNL

²⁰ Ni ye man ke, ulandaan nin be laa? Bee ubiɛndaan nin be laa? Bee ban jɔɔ nnyinyin dulinya nan yaan nin be laa? Naah ye Uwonbɔr taa dulinya nan a lam le ki labir ijɔrig aa?

Uwumbɔr aagbaŋ

²⁰ Bilankpalb bi la? Binibiwolm mu bi la? Dandana aanib bi kpak kinikpakpak na mu bi la? Uwumbɔr cha dulnyaa wee aalan ŋa yɔli.

1 Korenti 1:20 ပူးပေါင်းရင်းမြစ်များ

Matiu 13:22

Ndibim man lu ikunkon nin nan mu le ye wan gbir Uwonbɔr a bɔr, amaa le dulinya nan a mugil nin njɔɔm a bam lu ki nyagin i bu, le taa li fir naan ni.

Jɔnn 12:31

Daandaan nan ni foo Uwonbɔr nji dulinya nan a ninfob a bɔra; daandaan nan bi li ŋɔɔr dulinya nan a bɔrbig nnyan.

Lituln 17:18

Le ban wɔɔnn wee bi yi biba ke Epikurusi, ki yi biba mu Sitoog nan, mu nan dan ki nan far limɔkpel nin Pɔɔl. Le bi ni biba nan pag nin tab ke, “Wan be jabin nan mu ke baa?” Le biba jiin ke, “Ni nann ke u pag iweenchaan iba a bɔr le-n.” Bi nan len man babu, Pɔɔl nan mɔɔn Yisa a bɔŋann nin le nin u kum a fiim.

Rom Yaab 1:20

Uwonbɔr kaah nan naan dulinya n-yonn man nin, le bininfob kan Uwonbɔr wan kaa ga-n a binbem, nin U Pɔɔm man kaa jɔɔ diɛmin, le U wonaaŋin ji che bininfob biɛ U, ni bu baa jɔɔ nan wee bi li ta pag ke baa nyi.

Rom Yaab 1:22

Hali nin baah pag ke bi ye bilandam nan biɛn ni, bi kpann tijɔri le

1 Korenti 1:19

Ni sɔb Uwonbɔr a gbɔŋin ke, “N li bii bilandam a lam ki che bibiɛndam a biɛm npaar yɔli.”

1 Korenti 1:26

N nabum, ni li tiɛr naah nan ye ban, n-yonn man wee Uwonbɔr nan yin ni. Ni takpem kaa nan ye ban jɔɔ nlam tininforin nin; takpem mu kaa nan ye jilima a ninfobi; le ni takpem mu kaa nan ye nnaam a ninfobi.

1 Korenti 1:27

Amaa Uwonbɔr gann ban wee dulinya nan yaab yi bi ke tijɔri nle ke bin jin ban ke bi ye dulinya nan a landamin ifa; ki ji gann ban wee dulinya yaab yi bi ndaburimin ke bin jin ban ye bipɔɔndam dulinya nan yaan nin ifa.

1 Korenti 1:28

U gann nim ban kaa ye nnaam a ninfob dulinya nan yaan nin nim ban kaa nan ye niba-n, amaa le ki ŋa nan wee dulinya yaab tiɛr ke ni ye niba-n yɔli.

1 Korenti 11:32

Amaa ni ye Uyudaan jin ti tibɔr ke, ti ga litudaril le na li ŋa man wee ti laa won nan kpo nin dulinya yaabi.

1 Korenti 2:6

Ti pag nlam a bɔr ki tenn binunwondam ban chegir Uwonbɔr a samin nin le, amaa naa ye dulinya nan a lam man wee bi jɔɔ wɔɔn nni bee dulinya nan a bɔrtiib ban kaa na yin jɔɔ tinyɔɔr kaah ŋmag nlam man n ni.

1 Korenti 2:8

Dulinya nan a a bɔrtiib, uba kaa be ki nyi nlam nmɔn ni. Bi bi nyi mi ke, baah nan bi li kpaa ti Yudaau, wan ye jilimadaan nni.

1 Korenti 3:18

Ni laa lar niba. Ni ye uba tiɛr ke u ye ulandaan le dulinya nan yaan ke, un ŋaam u ba “kujɔrug” wee ki fir ŋa ulandaan.

1 Korenti 3:19

Dulinya nan yaab a lam ye ijɔrig le Uwonbɔr ban. Ke naah sɔb Uwonbɔr a gbɔŋin ke, “Uwonbɔr ta bilandam a lam le ki pen choo bi;”

1 Korenti 6:2

Naa nyi ke biwonjiɛm le na yin ji dulinya nan yaab tibɔraa? Ke ni ye nim le na yin ji dulinya nan yaab tibɔr ke, ba ŋa naa kpaan nin ni mann nbɔfinfim nan naa?

Jemisi 4:4

Nim ban kaa si bogiliba nan, naa nyi ke nim ban jɔɔr dulinya nan kujɔtiigin ŋa Uwonbɔr ni dataag lee? Wan jɔɔr dulinya nan kujɔtiig ke, udaan ŋa Uwonbɔr u dataaga.