1 Jɔnn 5:6 - UWONBƆR A GBƆNPƆŊ LIKƆƆNL

⁶ Yisa Masiya le ye wan nan dan nin nnyum nin ncham. Naa ye nnyum a binba bu le u nan dan ni, amaa nnyum nin ncham bu. Le Kasi a Naaŋ jin ni siɛra, nan bu-n Kinaaŋin ye ibamɔn le.

Uwumbɔr aagbaŋ

⁶ Yesu Kristo le ye u nan dan dulnyaa wee ni na, le Jɔnn muin u nnyun ni. Baah nan ku u na, le waasin nyan. Naa ye ke Jɔnn muin u nnyun ni baanja la, bi nan ku u ki kpee, le waasin nyan. Uwumbɔr Aafuur Nyaan mɔk timi ke nimina ye mbamɔn la; ba pu? Nfuur Nyaan ye mbamɔndaan la.

1 Jɔnn 5:6 ပူးပေါင်းရင်းမြစ်များ

Matiu 26:28

N cham man ye Uwonbɔr a poorin sɔ, ncham man kpaar ki wur bininfob takpem bu, wee bi kan tibir a jiɛnper nan.

Matiu 3:16

Waah fun Yisa Uwonbɔr a nyunful diɛ-n, le Yisa nyan nnyumin weem. Libol nmɔn le kitilangbɔŋ loor, le u kan Uwonbɔr a Naaŋ kaah jiirin u bu ki nann ulanjel, ki nan wonn u bu.

Tibɔnyaan ti Mak ŋmee ti na 14:24

Le u bei bi ke, “N cham le yen, le n cham li kpaar ki wur, bininfob takpem bu, ki wɔɔn ke Uwonbɔr poo tipoor pɔn na.

Tibɔnyaan ti Luk ŋmee ti na 22:20

Baah ji nan jin kunyiɛg a jiir ki diɛ a bɔɔn le u ji yuur kiyiinyɔɔgin, ki ke, “Kiyiinyɔɔg nan li ye Uwonbɔr a poopɔnn tan be n chamin, ki kpaar sei ni nan.

Jɔnn 14:17

Ni ma ye ibamɔn a Naaŋin. Dulinya nan a ninfob kaa li fir gaa wi, nan bu-n baa nyi kan wi, laa baan bin biɛ wi. Amaa ni nyi u, nan bu-n u be nin ni le ki li be ni ni.

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Jɔnn 15:26

“Utiter, wan wee n yin tun u wee un nyann Baa-n ban nin, ki ye ibamɔn a naaŋ kan nyann Baa-n ban nin dan ke, u li ji n siɛra.

Jɔnn 16:13

Amaa u ma, wan ye ibamɔn a naaŋin, nan dan ke, u li che ni biɛ ibamɔn biɛn. Waa li pag u tɔɔl a pɔɔm bu; u li pag waah gbir tan nin a binba le, le u li bei ni niwann nan la chaan nin ŋa.

Jɔnn 3:5

Le Yisa jiin ke, “N beiŋ ibamɔn le, uba kaa li fir kɔɔ Uwonbɔr a naamin ni, see ke bi ma u nin nnyum nin Kasi a naaŋin.

Jɔnn 4:10

Le Yisa jiin u ke, “Ni ye ke a nyi Uwonbɔr a piin nin wan miɛŋ nnyunyukaam nan ke, a bi li baan u le u bin seiŋ limiɛfol a nyum.”

Jɔnn 4:14

amaa wan biɛn nyun nnyum man wee n tenn win ke nnyunyum kaa ji li choo wi. Ibamɔn, nnyum man wee n tenn win yin kpann nnyunbunkaam le ki bun u poolin ki sei u limiɛfol lan kaa jɔɔ diɛmi.”

Jɔnn 6:55

Nan bu-n n gbanann ye tijiir le ibamɔn le n cham ye nan nyu le ibamɔn.

Lituln 8:36

Baah nan nɔɔ nsan nmɔn ki chaa n-yonn man nin, le bi tan kan nnyum nba kaah dɔ, le lijafaal n bei Filib ke, “Lig nnyum sɔ. Ba yin ŋa wee ŋaa li fum Uwonbɔr a nyunfulaa?”

Rom Yaab 3:25

Uwonbɔr nan ta U le ki mann tibir a manug, baah ŋa u chamin yada-n bu. U tun man ki ban un wɔɔn u bamɔn le, nan bu-n, U nan jɔɔ limɔril, kaa dar bininfob ban tun tibir n-yonn man wee Yisa Masiya kaa la nan dan dulinya nan yaan nin a tuli yi,

Efesusi 1:7

Yisa a chamin bu le ti kan nkpenim a manug, ni ma ye tibir a jiɛn per, Uwonbɔr a nyunyunbasanl takpenlin bu

Kolosiya 1:4

nan bu-n ti gbir naah ŋa Yisa yada man, nin naah jiɛ Uwonbɔr a ninfo gannkaabin man na,

1 Timoti 3:16

Ti biɛn chee tibɔwoonkaarin kaah polig man ti wonjiɛnlin na: U nan degirin nin tigbanann na, Kinaaŋ nan wɔɔn waah kan nnyaŋim man na, Malakam nan kan wa, Bi nan mɔɔn u bɔr ki sei ibol biɛn na, Bi nan ŋa u yada dulinya nan yaan na, U nan ta u don paab nin jilimau.

Taitus 3:5

le U fee ti gab, naa ye ibuchin toon le ti tun ni, amaa U nyunyunbasanl bu. U fee ti gab waah nan fun ti nnyum ki sei ti nmaal pɔɔn nin kinaaŋ pɔŋ Kasi a Naaŋ a pɔɔm bu,

Hiibru Yaab 10:29

Mambu, ni tiɛr ke baa a tudaril kpaan nin uninfo wan taah Uwonbɔr a bija a taal bu nan n kan naa, wan ŋa ncham man ye Uwonbɔr a poorin tijaginn a ŋaar, wee ncham nmɔn ŋunn udaan, wee udaan ji sug Uwonbɔr a nyunyunbasanl a Naaŋin naa?

Hiibru Yaab 12:24

ni foon Yisa wan ye usandanfaar tipoopɔnn n bu ban na, nin ncham jɔg kaam man pag ibamɔn ki jon Ebiɛl a chamin ban na.

Hiibru Yaab 13:20

Uwonbɔr wan ye nposɔɔndaan wan nan ta tipoor tan kaa jɔɔ diɛmin a cham ki fiin ti yudaau Yisa wan ye upeekpaaŋanin nkumin nin,

Hiibru Yaab 9:14

Mambu ke, Masiya ma a chamin tun nan jon man na, uma wan kaa jɔɔ igalin wee kinaaŋ kan be u ni kaa jɔɔ diɛmin nan che u ta uba ki mann kumanug ki sei Uwonbɔr, ki ŋunn ti potiɛri a toon yan yin liin ti kɔɔn nkumin nin, wee nin che ti fir jiɛn Uwonbɔr wan foo-n!

Hiibru Yaab 9:7

Amaa biminmanib a yudaau a binba le nan ti kɔɔ kunanboŋ kan be poolin nin taaliba libinl a poolin, u nan ti ŋmag ncham le ki kɔɔ, nan wee u li ta mann ubaantɔɔl a bir bu, nin bininfob kaah tun tibir tan wee kaa nyi.

1 Piita 1:2

ban wee bi nan gann, wee ti Baa Uwonbɔr pii nan nyi ke bi li gann bin, ŋa bi kasi, Kasi a Naaŋ a toon bu-n, ki che bi chee Yisa a mɔb le u cham n ŋunn bi: Linyunyunbasanl nin nposɔɔn li be ni bu takpem.

1 Piita 3:21

le nnyum nan, nin si Uwonbɔr a nyunfulin lan fee ni mu gabin a taai yin, kaa ye tigbanann a jaginn a funya, amaa tipoor tan wee ti poo ke ti li jɔɔ nbinben ŋan ki jiin Uwonbɔr paamin bu, li fee ni ki gab Yisa Masiya a kum a fiim bu.

1 Jɔnn 1:7

Amaa ni ye ti choon nwonween nin, a li ke waah be nwonween nin man nin ke, tim nin nim jɔɔ nɔɔnintab, le Yisa wan ye U Bija-n a cham li ŋunn ti biɛn nan a bir.

1 Jɔnn 4:10

Njiɛm sɔ: Naa ye ti jiɛ Uwonbɔr le, amaa Uma jiɛ ti, le ki tunn U bija le u nan mann tibir a manug ti yaa bir bu.

Tibɔkpiirkaan 1:5

Linyunyunbasanl nin nposɔɔn lan ji nyan Yisa Masiya, wan ye ibamɔn a siɛradaau win, kibininkpeeg kan chinn fii nkumin, nin wan ye dulinya nan a bɔrtiib biɛn a bɔru win li be ni ban. Wan jiɛ ti wee ki ta u cham ki nyan ti tibirin nin,

Tibɔkpiirkaan 5:9

Le bi gaah ilan pɔɔn ki ke, “Fin le kpaan nin a yuur kugbɔŋ nmɔn ki loor ndaagimin, nan bu-n fin le bi nan kɔr, le a ta a cham ki da bininfob ki sei Uwonbɔr ki nyan imaal biɛn nin ileen biɛn, nin bininfob biɛn nin ibol biɛn ni.

Tibɔkpiirkaan 7:14

Le n jiin ke, “N yudaau, fin le nyi.” Le u len ke, “Bi ma ye ban nyann limug takpenl a poolin; ki ye ban wee bi ta Kipeebigin a cham ki ŋunn biwan yɔɔr le ti nin peen.