1 Jɔnn 4:9 - UWONBƆR A GBƆNPƆŊ LIKƆƆNL

⁹ Uwonbɔr kaah wɔɔn ti waah jiɛ ti man sɔ: U nan tunn U bija gaŋin dulinya nan yaan ke nin che ti kan limiɛfol kibig nmɔn bu.

Uwumbɔr aagbaŋ

⁹ Uwumbɔr nan tun ni Ujapɔnbaal dulnyaa wee ni ke ti nan kan limɔfal li kaa kpa ndoon na u pu. Nimina le mɔk timi ke u gee timi.

1 Jɔnn 4:9 ပူးပေါင်းရင်းမြစ်များ

Tibɔnyaan ti Mak ŋmee ti na 12:6

Ukpadaan nmɔn a bijiɛkaag le ni nan gur u ban, le u tun u bitoontum nmɔn ban, ki ke, “Bi li jiin bi ba ki sei n tɔɔl a bija nmɔn.

Tibɔnyaan ti Luk ŋmee ti na 4:18

“Uyudaan a Naaŋ be nim, nan bu-n U ma kpaar nkpam jaa n bu, ke n mɔɔn u bɔr ŋan nmɔn ki sei bilanjiim. U tunim ke n pag feeja a bɔr ki sei biloondiikɔɔb, wee ki ligir bijɔɔm a num, ki nyan limugildam bi mugilin,

Jɔnn 10:10

Unaayigin dan le u nan su ki ku ki bii; min dan le ke bin kan limiɛfol, ki kan li nin linungbeel.

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Jɔnn 3:16

Mambu Uwonbɔr kaah jiɛ dulinya nan kagin bu le u ta u bija gaŋ sei ti, ke wan ŋa u yada ke waa li kpo, amaa u li kan limiɛfol lan kaa jɔɔ ndiɛmi.

Jɔnn 3:18

Waa yin bii wan biɛn ŋaa u yada, amaa wan biɛn kaa ŋaa yada pii si nbiimin le nan bu-n waa ŋa Uwonbɔr a Bija gaŋin yada.

Jɔnn 5:23

ke bininfob biɛn li tenn Bija-n jilima ke baah tenn Baa-n jilima nan nin. Wan kaa sei Bija-n jilima ke waa sei Baa wan nan tun win, jilima.

Jɔnn 6:29

Le Yisa jiin ke, “Uwonbɔr a toonl ye nan le: Ŋaam wan wee u nan tun nin yada.”

Jɔnn 6:51

Min le ye boroboro kan fo-n wee ki nyan paabin. Ni ye uninfo wan ŋman boroboro nan ke, u yin be le ki gbaa be. Boroboro nan le ye n gbanann, tan wee n yin ta sei dulinya, dulinya nan a miɛfol bu.”

Jɔnn 6:57

Ke Baa wan fo-n kaah nan tum wee n be ki jɔɔ limiɛfol Baa-n bu-n, man mu le wan ŋman n gbanann li jɔɔ limiɛfol n bu.

Jɔnn 8:29

Wan nan tunimin be n ban; waa jaam n binba, nan bu-n n gbaa ŋaan nan gbee u num le.”

Jɔnn 8:42

Le Yisa bei bi ke, “Ni ye Uwonbɔr le ye ni Baa ke, ni bi li jiɛm, nan bu-n n nyann Uwonbɔr ban le ki be do daandaan nan. Maa dan n baantɔɔl a pɔɔmin ni; amaa u ma nan tum.

Jɔnn 9:3

Le Yisa ke, “Naa ye uja nan bee u baa nin u na le ŋa tibiri, amaa ni sei yaag le ke bininfob nkan Uwonbɔr a pɔɔm kaah yin tun man u miɛfolin.

Rom Yaab 8:32

Uwonbɔr wan kaa nan yii U tɔɔl a bija a kum bu, amaa le ki ta u mann kumanug ki sei ti biɛn, ke ni yin ŋa nii wee waa ji li fir ta U ki kpiɛ tiwann tan biɛn gurin bu ki sei taa?

Hiibru Yaab 1:5

Malaka u la ba wee Uwonbɔr la nyi len ke, “Fin le ye N bijaa; dinan a daal N ŋa a Baa”? Bee, “N li ŋa u Baa, wee u mu n ŋa n bijaa”?

1 Jɔnn 3:16

Ni niɛ nan le che ti biɛr njiɛm kaah ye nan: Yisa Masiya kaah nan gaa ti kum ki kpe-n. Ni ŋan nin ti mu nkpo ti nabum bu.

1 Jɔnn 4:10

Njiɛm sɔ: Naa ye ti jiɛ Uwonbɔr le, amaa Uma jiɛ ti, le ki tunn U bija le u nan mann tibir a manug ti yaa bir bu.

1 Jɔnn 4:16

Ni bu ti pii nyi le ki ŋa yada nin Uwonbɔr a jiɛm man wee U jɔɔ nin ti-n. Uwonbɔr ye wan jiɛ le. Wan jiɛ ke, udaan be nin Uwonbɔr le, le Uwonbɔr mu be nin udaan.

1 Jɔnn 5:11

Siɛra nmɔn sɔ: Uwonbɔr sei ti limiɛfol lan kaa jɔɔ diɛma, le limiɛfol nmɔn be U Bija-n ban le.

1 Jɔnn 5:13

N sɔb tiwann nan ki tenn nim ban ŋa Uwonbɔr a Bija a yinlin yada ke nin che ni biɛ ke ni jɔɔ limiɛfol lan kaa jɔɔ ndiɛm.