1 Jɔnn 4:8 - UWONBƆR A GBƆNPƆŊ LIKƆƆNL

⁸ Uninfo wan kaa jiɛ u tab ke waa nyi Uwonbɔr i, nan bu-n Uwonbɔr ye wan jiɛ le.

Uwumbɔr aagbaŋ

⁸ Uwumbɔr ye ngeehm la. Nima pu na, unii u kaa gee unaabitiib na, waa nyi Uwumbɔr.

1 Jɔnn 4:8 ပူးပေါင်းရင်းမြစ်များ

2 Korenti 13:11

Ni joorimin n nabum, n chabir ni le, ni li ban nbinben ŋan na, ni gbirim maah len nan nan, ni li jɔɔ lipotiɛl libau, ki li be nin nposɔɔn, le Uwonbɔr wan jɔɔ njiɛm nin nposɔɔni li be nin ni.

Efesusi 2:4

Amaa Uwonbɔr a jiɛm kaah yab ki sei ti-n bu, wan a nyunyunbasanl yab,

Hiibru Yaab 12:29

ni ma bu “Ti Wonbɔru nmɔn ye nŋmi man gaan le.”

1 Jɔnn 1:5

Tibɔr tan wee ti gbir u ban sɔ, le ti bei ni nan: Uwonbɔr ween le; libunbɔnl kaa be U ban kolibi.

1 Jɔnn 2:4

Wan len ke, “N nyi u,” amaa wee kaa tun Uwonbɔr kaah siin man nin ke, udaan por tibɔkar le, le ibamɔn nin kaa be u ban ni.

1 Jɔnn 2:9

Wan ke uma be nwonween nin amaa wee ki sin nan u nabig ke, udaan la be libunbɔnlin le.

1 Jɔnn 3:10

Ni niɛ le che ti biɛr ban ye Uwonbɔr a buwaab nin ban ye ulinlaril a buwaab: Ban kaa tun nan ŋan bee kaa jiɛ bi nabumin kaa ye Uwonbɔr a buwaabi.

1 Jɔnn 3:6

Wan biɛn be nin Yisa kaa gbaa tun tibiri. Le wan gbaa tun tibir mu kaa la kan u bee ki nyi wi.

1 Jɔnn 4:16

Ni bu ti pii nyi le ki ŋa yada nin Uwonbɔr a jiɛm man wee U jɔɔ nin ti-n. Uwonbɔr ye wan jiɛ le. Wan jiɛ ke, udaan be nin Uwonbɔr le, le Uwonbɔr mu be nin udaan.

1 Jɔnn 4:7

N jɔtiib, ni che ti li jiɛ taba, nan bu-n njiɛm nyan Uwonbɔr ban le. Uninfo wan biɛn jɔɔ njiɛm ke Uwonbɔr le ma u, le u nyi Uwonbɔr.