1 Jɔnn 4:6 - UWONBƆR A GBƆNPƆŊ LIKƆƆNL

⁶ Tim nyan Uwonbɔr ban le, le uninfo wan biɛn nyi Uwonbɔr pelig ti bɔr, amaa wan kaa nyan Uwonbɔr ban kaa pelig ti bɔri. Taah ŋaan man ki biɛr ibamɔn a Naaŋ nin tibɔkar a naaŋ le yen.

Uwumbɔr aagbaŋ

⁶ Tima kan, ti ye Uwumbɔr yaab la. Unii umɔk nyi Uwumbɔr na pel taah len pu na. Unii umɔk kaa ye Uwumbɔr yoo na aa pel taah len pu na. Nimina le ga cha ti bee binib bi kpa Uwumbɔr Aafuur Nyaan mu ye mbamɔn na, ni binib bi ye Yesu aadin aabɔnabtiib na.

1 Jɔnn 4:6 ပူးပေါင်းရင်းမြစ်များ

Tibɔnyaan ti Luk ŋmee ti na 10:22

N Baa le ta ni nan biɛn ki seim; uba kaa nyi Bija-n kaah ye wan ni see Baa nmɔn a binba, le uba mu kaa nyi Baa nmɔn kaah ye wan ni see Bija-n nin ban mu wee Bija-n gann ki kpiir ki wɔɔn ni.”

Jɔnn 10:16

N jɔɔ ipee iba yaa ye likpinkpenl nan a peei. Ni kpaa le n taan itɔɔl ni. I mu li pel n kukɔl, wee i nlabir ipee iba yan nɔɔ tab ki jɔɔ upeekpaar uba.

Jɔnn 10:27

N yaa pee pelig n kukɔl le; n nyi i, le i nɔɔm.

Jɔnn 10:3

Wan dɔ guu-n li loor ntimansanmɔnn ki sei u, le ipee-n pelig u kukɔl. U yi u pee yin a yin le ki ta i nya.

Jɔnn 13:20

N bei ni ibamɔn le, wan chee maah tunn wan biɛn a bɔr ke u chee n bɔr le; le wan chee n bɔr ke u chee wan nan tunimin a bɔr le.”

Jɔnn 14:17

Ni ma ye ibamɔn a Naaŋin. Dulinya nan a ninfob kaa li fir gaa wi, nan bu-n baa nyi kan wi, laa baan bin biɛ wi. Amaa ni nyi u, nan bu-n u be nin ni le ki li be ni ni.

Jɔnn 15:26

“Utiter, wan wee n yin tun u wee un nyann Baa-n ban nin, ki ye ibamɔn a naaŋ kan nyann Baa-n ban nin dan ke, u li ji n siɛra.

Jɔnn 16:13

Amaa u ma, wan ye ibamɔn a naaŋin, nan dan ke, u li che ni biɛ ibamɔn biɛn. Waa li pag u tɔɔl a pɔɔm bu; u li pag waah gbir tan nin a binba le, le u li bei ni niwann nan la chaan nin ŋa.

Jɔnn 18:37

Le Palati ke, “Tɔ a ye ubɔr le!” Le Yisa jiin u ke, “A jɔɔ ibamɔn nin ŋaah pag ke n ye ubɔr nmɔn. Ibamɔn buu, ni ma bu le bi mam, ni ma bu le n dan dulinya nan yaan, n nan ji ibamɔn a siɛra. Le ban be ibamɔn paamin pelig n bɔr.”

Jɔnn 20:21

Le Yisa ji nan bei bi ke, “Nposɔɔn li be nin ni! N Baa kaah nan tum man nin, man le n mu tun ni.”

Jɔnn 8:19

Tɔ le bi baan u ke, “A Baa be laa?” Le Yisa jiin ke, “Naa nyi min bee N Baa, ni bi nyi min ke, ni bi li nyi n Baa mu.”

Jɔnn 8:23

Amaa le u ji tugir ki len ke, “Ni nyan tum nan yaan le; min nyan paab le. Ni ye dulinya nan yaab le; min kaa ye dulinya nan yaa wi.

Rom Yaab 1:1

Pɔɔl, wan ye Masiya a toontunnu, wee U yim ki gannim ki ŋaam ntoon ke n mɔɔn Uwonbɔr a bɔŋann nin,

Rom Yaab 11:8

a li ke naah sɔb man Uwonbɔr a gbɔŋin nin: “Uwonbɔr le ta kinaaŋ kpiiŋ ki sei bi, ki sei bi inunbil yan kaa ga nin itul yan kaa gbiri, hali ki nan kpaa dinan.”

1 Korenti 14:37

Ni ye uba tiɛr ke u ye ulinlenn bee u jɔɔ Kinaaŋ a piini ke, ni ŋan nin u yaadaan n biɛ ke nan wee n sɔb ki sei ni nan ni ye Uyudaan a siim le.

2 Korenti 10:7

Nim lig nan wee uninfo fir ga nin u numbim a binba nle. Ni ye uba jɔɔ tidindann ke u ye Masiya yaau ke, u li nyi ke ti mu ye Masiya yaab le, ke waah ye man ni.

2 Tesalonika 1:8

U li dar ban kaa nyi Uwonbɔr a tuli nin ban kaa ŋa ti Yudaau Yisa a bɔŋann nin yada-n.

1 Timoti 4:1

Kinaaŋ len na, ke idajoorikaa-n, bininfob bibam na li ta bi yada gab, ki nin nɔɔ nnaanbiim man ye bilinlarib nin npɔniim kaah wɔɔn nan.

2 Piita 3:2

N ban ni li tiɛr imɔleen yan wee kasi a linlem nan pag isaŋ yan nan jon nin, nin nsiim man wee ti Yudaau nin ufeerin nan che u tooi yin ta sei nin.

1 Jɔnn 4:1

N jɔtiib ni laa ŋa kinaaŋ biɛn yada, amaa ni mag kinaaŋ biɛn njee ki nyan Uwonbɔr ban na, nan bu-n tibɔkar a linlem takpem dan dulinya nan yaan na.

1 Jɔnn 4:4

Nim, n bijiɛkaam, ni nyan Uwonbɔr ban le ki nyaŋ ba, nan bu-n wan be ni ban nin yab ki jon wan be dulinya nan yaan nna.

1 Jɔnn 4:8

Uninfo wan kaa jiɛ u tab ke waa nyi Uwonbɔr i, nan bu-n Uwonbɔr ye wan jiɛ le.

1 Jɔnn 5:19

Ti nyi taah ye Uwonbɔr a buwaab, le dulinya munl nan be ulinlaril a nɔɔn.

Juud 1:17

Amaa, n jɔtiib, ni li tiɛr nan wee ti Yudaau Yisa Masiya a tooi pii nan pagin buu.