1 Jɔnn 4:4 - UWONBƆR A GBƆNPƆŊ LIKƆƆNL

⁴ Nim, n bijiɛkaam, ni nyan Uwonbɔr ban le ki nyaŋ ba, nan bu-n wan be ni ban nin yab ki jon wan be dulinya nan yaan nna.

Uwumbɔr aagbaŋ

⁴ Maabim, ni ye Uwumbɔr yaab la. Uwumbɔr Aafuur Nyaan mu bi nisui ni na jer kinimbɔŋ ki bi dulnyaa wee ni na. Nima pu le ni nyaŋ Yesu aadin aabɔnabtiib ngbaan.

1 Jɔnn 4:4 ပူးပေါင်းရင်းမြစ်များ

Jɔnn 12:31

Daandaan nan ni foo Uwonbɔr nji dulinya nan a ninfob a bɔra; daandaan nan bi li ŋɔɔr dulinya nan a bɔrbig nnyan.

Jɔnn 14:30

Maa ji li pag nin ni ki yuuri, nan bu-n dulinya nan a bɔrbig le chaan nin. Waa jɔɔ n pɔɔmi,

Jɔnn 16:11

le ki jiin libɔjil paam bi galin na, nan bu-n daandaan nan dulinya a bɔrbigin pii biiu.

Jɔnn 17:23

Le n li be nin bi wee A li be nim. Che bi li jɔɔ nmɔkpaa bamɔn na. Wee nin che dulinya yaab nbiɛ ke Fin le tunim le ki jiɛ bi hali ke ŋaah jiɛm man nin.

Rom Yaab 8:31

Ti ni yin len ke nii ki jiin ni niɛ nan paam maa? Ni ye Uwonbɔr si ti chaŋ ke, ŋma li fir kɔnn taa?

Rom Yaab 8:37

Aai nin ni ma biɛn ni, ti jon ban nyaŋa Masiya a jiɛmin bu.

1 Korenti 2:12

Kinaaŋ kan wee ti gaa-n, kaa ye dulinya nan a naaŋi, amaa ki ye Kinaaŋ kan nyan Uwonbɔr ban le. U li che U naaŋin ter ti wee ti biɛ u piini nmɔn.

1 Korenti 6:13

“Tijiir ye lipool yaal le, le lipool ye tijiir yaan.” Ni ye ibamɔn le, amaa Uwonbɔr li bii niwann nilee nmɔn biɛn. Tigbanann kaa ye nan wee ti li jɔɔ tun iwanjaab toon ni, amaa ti ye Uyudaan yaan le, le Uyudaan mu ye tigbanann.

2 Korenti 4:4

Dulinya nan a weem jɔɔn ban kaa ye biwonjiɛm a potiɛriya, ni bu baa ga Masiya a bɔŋann nin a wonweemi, u ma ye Uwonbɔr a nunaŋ.

2 Korenti 6:16

Kuwonjiɛndiig nin kutingbandiig jɔɔ baa a mɔcheel nin tab baa? Tim le ye Uwonbɔr wan fo-n a diig. A li ke Uwonbɔr kaah len ke, “N li be nin bi, ki li choon nin bi, Ki li ye bi Wonbɔru, wee bi mu ye n ninfob.”

Efesusi 2:2

Naah nan be nsiim a biim nin ni toonbirin ki nɔɔ dulinya nan a sam nin kutingbɔŋ nan a yudaau a naamin, nin kinaaŋ kan tun nin bininfob ban kaa jɔɔ limɔcheelin.

Efesusi 3:17

wee Masiya li be ni sufu-n ni yada bu. Le n miɛ u ke un che ni fir ki sir nbamɔm ki baan inyaan njiɛmin,

Efesusi 6:10

Nan joor ye nan le, ni li jɔɔ ngbananpɔɔn nin Uyudaan nin u pɔɔn takpemin bu.

1 Jɔnn 2:1

N bijiɛkaam, n sɔb kugbɔŋ nan le ki tenn ni, ke nin laa che ni tun tibiri. Amaa ni ye ke uba tun tibir ke, ti jɔɔ wan gaa pag tenn ti Baa-n ki kpiɛ ti bu, Yisa Masiya, Ubuchin daan nin.

1 Jɔnn 2:13

N sɔb kugbɔŋ nan le ki tenn nim ban ye baam, nan bu-n ni nyi u wan nan be npiinimin nbu. N sɔb le ki tenn nim ban ye iwanpɔlin, nan bu-n ni nyaŋ titoonbir daan nin na. N sɔb le ki tenn nim ban ye n buwaab, nan bu-n ni biɛ ti Baa-n nna.

1 Jɔnn 3:20

iyoo yan wee ti sufu bii ti ke ti jɔɔ igalin ke, ti li nyi ke Uwonbɔr jon ti sufu nmɔn na, ki ye wan nyi niwann biɛn.

1 Jɔnn 3:24

Ban chee U siimin be U ban le, le U mu be nin bi. Ni nan le che ti biɛr ke U be nin ti: Kinaaŋ kan wee U sei ti nbu le che ti nyi.

1 Jɔnn 4:13

Ti nyi taah be nin Uwonbɔr le U mu be nin ti, nan bu-n U sei ti U naaŋin na.

1 Jɔnn 4:16

Ni bu ti pii nyi le ki ŋa yada nin Uwonbɔr a jiɛm man wee U jɔɔ nin ti-n. Uwonbɔr ye wan jiɛ le. Wan jiɛ ke, udaan be nin Uwonbɔr le, le Uwonbɔr mu be nin udaan.

1 Jɔnn 4:6

Tim nyan Uwonbɔr ban le, le uninfo wan biɛn nyi Uwonbɔr pelig ti bɔr, amaa wan kaa nyan Uwonbɔr ban kaa pelig ti bɔri. Taah ŋaan man ki biɛr ibamɔn a Naaŋ nin tibɔkar a naaŋ le yen.

1 Jɔnn 5:19

Ti nyi taah ye Uwonbɔr a buwaab, le dulinya munl nan be ulinlaril a nɔɔn.

1 Jɔnn 5:4

Uwonbɔr kaah ma nan biɛn nyaŋ dulinyau. Nnyaŋim man nyaŋ dulinya sɔ: Hali ti yada-n.

Tibɔkpiirkaan 12:11

Bi nyaŋ wa kipeebig a cham bu nin bi siɛram bu baa nan jiɛ bi miɛfolin ki tan kaagi ki sul jir bɔɔn ki nyan nkumin ni.