1 Jɔnn 4:17 - UWONBƆR A GBƆNPƆŊ LIKƆƆNL

¹⁷ Ni niɛ nan bu, njiɛm ŋa dede ti ban na le ti li fir jɔɔ tidindann tibɔr a jidaal, nan bu-n ti nann U le dulinya nan yaan.

Uwumbɔr aagbaŋ

¹⁷ Ti gee binib mbamɔm ke ti li kpa lipobil bundaln Uwumbɔr ga ji binib tibɔr na. Ba pu? Yesu aah bi pu na, ti mu bi kina le dulnyaa wee ni.

1 Jɔnn 4:17 ပူးပေါင်းရင်းမြစ်များ

Matiu 10:15

N bei ni ibamɔn le, lidaal lan wee Uwonbɔr nan yin ji bininfob tibɔrin, kitiŋ nmɔn yaab a tudaril na li jo Sodom nin Gomoriya yaab yaal.

Matiu 10:25

Ni ŋan nin wan tinn a binbem li be ke wan wɔɔnn u a binbemin, le uyom mu li be ke u yudaau kaah be man ni. Ni ye bi nan yin uniindaan Beelizebul ke (nnaanbiim a bɔru) bi nin yin yin u niin yaab ke baa?

Matiu 11:22

Amaa n bei ni le, lidaal lan wee Uwonbɔr na yin ji bininfob tibɔr nan, ni tudaril na li jo Taya nin Sidonn yaab yaal.

Matiu 11:24

Amaa n bei ni le, tibɔr a ji daal, ni tudaril na li jo Sodom yaab yaal.”

Matiu 12:36

Amaa n bei ni le, tibɔr a ji daal Uwonbɔr na li ji uninfo biɛn tibɔr nin baah pag tibɔyɔɔr tan biɛn nin bu.

Jɔnn 15:20

Ni li tiɛr imɔbon yan wee n nan pag ki sei nin na: ‘Utoontunn kaa yab jon u daau wi.’ Ni ye bi nan mugirim ke, bi li mugir ni mu. Ni ye bi chee sei n wɔɔm ke, bi li chee sei ni mu a wɔɔm.

Jɔnn 17:22

N ta kupag kan wee A nan ta seimin ki sei ba, ke nin che bin ŋa nba ke taah ye nba man nin:

Rom Yaab 8:29

Ban wee Uwonbɔr pii nan nyi ki bon ke bi na li chee ki kpenn ki li be ke u bija-n kaah be man nin, wee nin che U bija nmɔn nŋa kibininkpeeg u nabum takpem a sisiigin.

Hiibru Yaab 9:27

A li ke uninfo kaah ye un kpo nba bu man nin, wee ni bɔɔn ke bin ji u tibɔr man nin,

Jemisi 2:13

nan bu-n, ban kaa san bikpiɛtiib kunyunyunbaagin, Uwonbɔr mu na li ji bi tibɔr kaa yin san bi kunyunyunbaagi. Linyunyunbasanl jon tibɔr a jima.

Jemisi 2:22

Ni kan ke u yada nin u toon nan lagin tab le ki tun, le u yada nan ŋa nbamɔm u toon a tum bu.

2 Piita 2:9

Ni ye Uyudaan ŋa man biɛn ke, U nyi waah li ŋa man ki fee ban ye biwonjiɛmin ki jaa bi mugilin, amaa le ki guu ban kaa ye bibuchimin tibɔr a ji daal, nin waah na tugir ki dar bi tuli man.

2 Piita 3:7

Uwonbɔr a mɔleen iba nmɔn le U ji ta guu papaab nin tum kan be daandaan nan ke nŋmi n nan gaa, ni si le ki guu tibɔr a ji daal nin ban kaa ye biwonjiɛmin a biim.

1 Jɔnn 2:28

Tɔ daandaan nan n bijiɛkaam ni li be u ban na, wee u nan degirin ke ti li jɔɔ tidindann ki laa san ifa u jirimin daali.

1 Jɔnn 2:5

Amaa wan biɛn chee u mɔbonlin ke, Uwonbɔr a jiɛm ŋa ibamɔn udaan ban na. Ni niɛ nan le che ti biɛr taah be nin Uwonbɔr man:

1 Jɔnn 2:6

Wan ke u be nin Uwonbɔr ke, ni kpaa le nin u li be ke Masiya kaah nan be man nin.

1 Jɔnn 3:1

Ni lig ti Baa Uwonbɔr kaah pu ki jiɛ ti tan lagir man, ke bi li yi ti ke Uwonbɔr a buwaab! Man mu le ti sin ye! Nan bu wee dulinya yaab kaa nyi ti-n ye baah kaa nyi Uwonbɔr nle.

1 Jɔnn 3:3

Uninfo wan biɛn jɔɔ tama Uwonbɔr ni ke, udaan ŋa uba le kasi ke Yisa kaah be man ni.

1 Jɔnn 3:7

N bibankaam, ni laa che uba nlar ni ki kɔɔn kulɔŋi. Wan tun nan ŋan nin uma ye ubuchin, a li ke Yisa kaah ye ubuchin man nin.

1 Jɔnn 4:12

Uba kaa la nyi kan Uwonbɔr i; amaa ni ye ti jiɛ tab ke, Uwonbɔr li be nin ti, le U jiɛm n ŋa dede ti ban.