1 Jɔnn 4:12 - UWONBƆR A GBƆNPƆŊ LIKƆƆNL

¹² Uba kaa la nyi kan Uwonbɔr i; amaa ni ye ti jiɛ tab ke, Uwonbɔr li be nin ti, le U jiɛm n ŋa dede ti ban.

Uwumbɔr aagbaŋ

¹² Unii ubaa aa kee kan Uwumbɔr. Ti yaa gee tɔb kan, Uwumbɔr bi ti ni la, nima le ti gee tɔb mbamɔm, waah ban pu na.

1 Jɔnn 4:12 ပူးပေါင်းရင်းမြစ်များ

Jɔnn 1:18

Uba kaa nyi kan Uwonbɔr i, amaa U ma Uwonbɔr a binba, wan be Baa-n a logilin che bi biɛ wa.

1 Korenti 13:13

Daandaan nan tiwann titaa nan le be, ti ma ye Yada, Tama nin Njiɛm, amaa njiɛm mu le jon ni biɛn.

1 Timoti 1:17

Daandaan nan, Ubɔr wan kaa jɔɔ ndiɛm, wan kaa kpegi, wan wee baa ga, Uwonbɔr uba, Uma ŋan nin jilima nin kupag hali nin iyoo yan kaa jɔɔ ndiɛmi. Ibamɔn.

1 Timoti 6:16

U yaa binba ni le limiɛfol lan kaa jɔɔ ndiɛmin be, ki be nween man yaan wee uba kaa li fir foon niin ni, uba kaa la nyi kan wi, bee ki li fir kan wi. Uma kpaan nin jilima ki ye npɔɔn takpendaan hali nin iyoo yan kaa jɔɔ diɛmi. Ibamɔn.

Hiibru Yaab 11:27

Yada bu Moziz nan nyan Ijibir, kaa san bijawaam ubɔr a ŋuul bu; u nan jɔɔ limɔril le, nan bu-n u nan kan Uwonbɔr wan wee baa ga-n le.

1 Jɔnn 2:5

Amaa wan biɛn chee u mɔbonlin ke, Uwonbɔr a jiɛm ŋa ibamɔn udaan ban na. Ni niɛ nan le che ti biɛr taah be nin Uwonbɔr man:

1 Jɔnn 3:24

Ban chee U siimin be U ban le, le U mu be nin bi. Ni nan le che ti biɛr ke U be nin ti: Kinaaŋ kan wee U sei ti nbu le che ti nyi.

1 Jɔnn 4:16

Ni bu ti pii nyi le ki ŋa yada nin Uwonbɔr a jiɛm man wee U jɔɔ nin ti-n. Uwonbɔr ye wan jiɛ le. Wan jiɛ ke, udaan be nin Uwonbɔr le, le Uwonbɔr mu be nin udaan.

1 Jɔnn 4:20

Ni ye uba len ke, “N jiɛ Uwonbɔr,” amaa wee ki nan u nabig ke, udaan ye tibɔkardaan le. Nan bu-n wan kaa jiɛ u nabig kan wee u ga win ke, waa li fir jiɛ Uwonbɔr wan wee waa ga win ni.

1 Jɔnn 4:6

Tim nyan Uwonbɔr ban le, le uninfo wan biɛn nyi Uwonbɔr pelig ti bɔr, amaa wan kaa nyan Uwonbɔr ban kaa pelig ti bɔri. Taah ŋaan man ki biɛr ibamɔn a Naaŋ nin tibɔkar a naaŋ le yen.