1 Jɔnn 4:1 - UWONBƆR A GBƆNPƆŊ LIKƆƆNL

¹ N jɔtiib ni laa ŋa kinaaŋ biɛn yada, amaa ni mag kinaaŋ biɛn njee ki nyan Uwonbɔr ban na, nan bu-n tibɔkar a linlem takpem dan dulinya nan yaan na.

Uwumbɔr aagbaŋ

¹ Maanigeekaab, binib yaa len ke bi kpa Uwumbɔr Aafuur Nyaan kan, ni taa pak bi mɔmɔk. Ni lik baah len pu na, aan ki bee ke ni ye Uwumbɔr Aafuur Nyaan le cha bi len aan naa ye. Biŋmaŋmannim chuun dulnyaa wee ni ki wiir, ki len ke bi ye Uwumbɔr aabɔnabtiib, kaa ye.

1 Jɔnn 4:1 ပူးပေါင်းရင်းမြစ်များ

Tibɔnyaan ti Mak ŋmee ti na 13:21

“Iyaayoo nmɔn le uninfo uba nan bei ni ke, ‘Lig, Masiya nmɔn sɔ’, ki ji bei ni ke, ‘U be nin yaan’ ke, ni laa chee waah len man nmɔn ni.

Tibɔnyaan ti Luk ŋmee ti na 12:57

“Ba ŋa wee naa li fir ji nitɔɔl a bɔr ki gann nan ŋan ki sei ni baa?

Tibɔnyaan ti Luk ŋmee ti na 21:8

Le u jiin ke, “Ni li nyi man, wee uba laa lar ni. Nan bu-n bininfob takpem na li dan n yinl bu, ki len ke, ‘Min sɔ,’ bee ‘Iyonn nmɔn mala.’ Ni laa nɔɔ bi.

Lituln 17:11

Beriya a tiŋ a ninfob pel Pɔɔl a bɔrin ki jon Tesalonika yaaba, le ki gaa tibɔrin nin njiɛm takpem ki dibir imɔleen nmɔn lidaal biɛn ki lig njee Pɔɔl kaah pag nan nmɔn sin ye ibamɔn naa.

Lituln 20:29

N nyi ke maa nan be a bɔɔn ke, tibɔkardam ban nann igbingbelin na li dan ni sisiigin, ki bii Uwonbɔr a ninfob.

1 Korenti 12:10

Kinaaŋ kiba nmɔn le sei uba ligaril a toon a pɔɔm, ki sei uba ilinlen leen a pagim a piini, ki sei uba npɔɔn le u biɛr nnaam a bɔgirim, ki sei uba mu ileen pɔɔn a booli a pagim, le ki sei uba mu ileen pɔɔn nmɔn a kar wɔɔn a pɔɔm.

1 Korenti 14:29

Bilinlem bilee bee bita li fir pag wee ban gurin mu n dibir nbamɔm ki biɛ tibɔr nmɔn kaa len man.

1 Tesalonika 5:20

ni laa yin ilinlen leen yɔli.

1 Tesalonika 5:21

Ni mag i biɛn liga, ki gann yan ŋan ki li ŋmaga.

2 Tesalonika 2:2

ni laa che nin ŋmarin ni potiɛli, bee ki yugin ni lam ki ta jiin ilinlen leen yan wee bibam pag bee tibɔr beikaar bee kugbɔŋ kan nyan bi ban ki ke tim ban le ki nyan nin. Imɔleen yan forin nin kaah len ke ti Yudaau a dam a daa-n pii foon nin bu.

1 Timoti 4:1

Kinaaŋ len na, ke idajoorikaa-n, bininfob bibam na li ta bi yada gab, ki nin nɔɔ nnaanbiim man ye bilinlarib nin npɔniim kaah wɔɔn nan.

2 Timoti 3:13

le tininfobir nin bilinlarib a toonbir li mann kpiɛ, le bin lar bitab le bi tab mu nlar bi.

2 Piita 2:1

Amaa tibɔkar a linlem mu nan be bininfob nmɔn ban, ke ban wɔɔnn tibɔkar kaah na li be ni mu ban man nin. Bi na li woon ki ta nan kaa ye ibamɔn ki wɔɔn ni, hali ki yii Uyudaan wan jɔɔ npɔɔn biɛn wee ki nan daa bin, ki ban nbiin man yin dan weem ki jaar biba bu.

1 Jɔnn 2:18

N bijiɛkaam, iyoo yan joor sɔ, ke naah pii gbir ke Masiya a dataag chaan nin, hali daandaan nan gbaa Yisa a dataam takpem dan na. Mambu le ti biɛ ke ni ye iyoo joor kaa le.

1 Jɔnn 2:7

N jɔtiib, naa ye nsiim pɔm le n sɔb ki tenn ni, amaa nsiim kpegim, man wee ni nan jɔɔ npiinimin nin. Nsiim kpegim le ye tibɔr tan wee ni gbirin.

2 Jɔnn 1:7

Bilinlarib takpem, ban kaa chee ke Yisa Masiya dan nin tigbanann le dulinya nan yaan nin, bi nyan le ki yal dulinya nan yaan. Bininfob nmɔn a bosu ye bilinlarib le nin Yisa a dataam.

3 Jɔnn 1:11

N jɔ laa toog nan biri, amaa li toog nan ŋan na. Uninfo wan tun nan ŋan nyan Uwonbɔr ban le. Le wan tun nan bir kaa kan Uwonbɔr i.

Tibɔkpiirkaan 2:2

N nyi ni ŋaar, ni nunman nin ni mɔril man. Ki ji nyi naah kaa ban bininfob ban a pooi to, mambu le ni nan mag ban nan ke bi ye itoon wee kaa sin ye-n ki biɛ baah ye tibɔkardam man.