1 Jɔnn 3:24 - UWONBƆR A GBƆNPƆŊ LIKƆƆNL

²⁴ Ban chee U siimin be U ban le, le U mu be nin bi. Ni nan le che ti biɛr ke U be nin ti: Kinaaŋ kan wee U sei ti nbu le che ti nyi.

Uwumbɔr aagbaŋ

²⁴ Unii umɔk kii Uwumbɔr aamɔb na, u bi Uwumbɔr ni. Uwumbɔr mu bi u ni. U tii timi Waafuur Nyaan, nima le cha ti bee ke u bi ti ni.

1 Jɔnn 3:24 ပူးပေါင်းရင်းမြစ်များ

Jɔnn 10:38

Amaa ni ye ke n ŋa ni ke, naah kaa le ŋa min yada nan, ni ŋa ligarilin yadau, wee ni mann biɛ ke Baa-n be n ni, le n be Baa-n ni.”

Jɔnn 14:17

Ni ma ye ibamɔn a Naaŋin. Dulinya nan a ninfob kaa li fir gaa wi, nan bu-n baa nyi kan wi, laa baan bin biɛ wi. Amaa ni nyi u, nan bu-n u be nin ni le ki li be ni ni.

Jɔnn 17:21

ke bi biɛn n ŋa nba; ke Ŋaah be nni wee n mu be A ni man nin. Che bi mu li be nin tima wee dulinya yaab n ŋa yada ke Fin le tunim ni.

1 Korenti 3:16

Naa nyi ke nim le ye Uwonbɔr a wonjiɛndiig nnaa, le Uwonbɔr a Naaŋ be ni nii?

1 Korenti 6:19

Naa nyi ke ni gbanann ye Kasi a Naaŋ a diig lee? Naa ye u ma le Uwonbɔr ta u ki sei ni nnaa? Naa ye niba

2 Korenti 6:16

Kuwonjiɛndiig nin kutingbandiig jɔɔ baa a mɔcheel nin tab baa? Tim le ye Uwonbɔr wan fo-n a diig. A li ke Uwonbɔr kaah len ke, “N li be nin bi, ki li choon nin bi, Ki li ye bi Wonbɔru, wee bi mu ye n ninfob.”

1 Tesalonika 4:8

Mambu uninfo wan yii kaa nɔɔ nwɔɔnim nan ke, naa ye uninfosaal le u yii amaa u yii Uwonbɔr wan sei ni U Kasi a Naaŋin le.

2 Timoti 1:14

Li ŋmag tinyɔɔŋann tan wee bi nan ta wɔɔniŋ nna, Kasi a Naaŋ kan be ti ni-n li teriŋ wee a fir ŋmag ti nbamɔm.

1 Jɔnn 2:24

Ni che naah nan gbir nan npiinimin nin li be ni sufu ni na. Ni ye ni tun man ke ni mu li be Bija-n nin Baa-n ban.

1 Jɔnn 2:3

Ti nyi ni ye ti chee Uwonbɔr a siimin ke, ni ma li che ti biɛ U.

1 Jɔnn 2:5

Amaa wan biɛn chee u mɔbonlin ke, Uwonbɔr a jiɛm ŋa ibamɔn udaan ban na. Ni niɛ nan le che ti biɛr taah be nin Uwonbɔr man:

1 Jɔnn 2:6

Wan ke u be nin Uwonbɔr ke, ni kpaa le nin u li be ke Masiya kaah nan be man nin.

1 Jɔnn 3:22

ki li kan nan biɛn wee ti miɛ U, nan bu-n ti chee U siima, ki tun nan li gbee U num.

1 Jɔnn 4:7

N jɔtiib, ni che ti li jiɛ taba, nan bu-n njiɛm nyan Uwonbɔr ban le. Uninfo wan biɛn jɔɔ njiɛm ke Uwonbɔr le ma u, le u nyi Uwonbɔr.