1 Jɔnn 3:23 - UWONBƆR A GBƆNPƆŊ LIKƆƆNL

²³ U siim sɔ: Ke ti ŋaam U bija Yisa Masiya a yinl yada, wee ki li jiɛ tab ke waah siin ti man nin.

Uwumbɔr aagbaŋ

²³ Waah tuk timi ke ti li ŋani pu na le ye ke: ti gaa Ujapɔɔn Yesu Kristo ki kii, ki li gee tɔb, uma Yesu aah tuk timi pu na.

1 Jɔnn 3:23 ပူးပေါင်းရင်းမြစ်များ

Matiu 22:39

Nan kpiɛ milee nann chinchinn a siim nmɔn le: ‘Li jiɛ a kunkɔɔn tab ke ŋaah jiɛ a ba man ni.’

Tibɔnyaan ti Mak ŋmee ti na 9:7

Iyaayoo nmɔn le kitilangbɔŋ nan piin bi bu, le bi gbir likukɔl kitilangbɔŋin a paab ke, “N bijiɛkaag sɔ, ni chee u mɔba man.”

Jɔnn 1:12

Nin ni ma biɛn ni, ban biɛn nan gaa win, nin ban nan ŋa yada u yinl bu-n, le u nan sei bi nsan ke bin nin ŋa Uwonbɔr a buwaab.

Jɔnn 13:34

N sei ni nsiim pɔm le: Ni li jiɛ taba. Ni kpaa le ni li jiɛ tab ke maah jiɛ ni man nin.

Jɔnn 14:1

“Ni laa che ni mug ni sufu. Ni gaa Uwonbɔr jiu; ki gaa n mu jiu.

Jɔnn 15:12

N mɔsiinl ye nan le: Ni li jiɛ tab ke maah jiɛ ni man nin.

Jɔnn 17:3

Daandaan nan limiɛfol lan kaa jɔɔ ndiɛm nmɔn ye nan le: Ke bin biɛ fin wan ye ibamɔn a Wonbɔru win, nin Yisa Masiya, wan wee a tun nin.

Jɔnn 2:23

Tɔ waah nin nan be Jerusalam yuglagir a chiigin ni, bininfob takpem nan kan ligaril a siɛram yan wee u nan ŋaan nin le ki ŋa u yinl yada.

Jɔnn 3:18

Waa yin bii wan biɛn ŋaa u yada, amaa wan biɛn kaa ŋaa yada pii si nbiimin le nan bu-n waa ŋa Uwonbɔr a Bija gaŋin yada.

Jɔnn 6:29

Le Yisa jiin ke, “Uwonbɔr a toonl ye nan le: Ŋaam wan wee u nan tun nin yada.”

Lituln 16:31

Le bi jiin bei u ke, “Ŋaam Uyudaan Yisa yada, wee ki kan feegab, fin nin a niin yaab biɛn.”

Efesusi 5:2

ki li be njiɛm a binbema, ke Masiya kaah jiɛ ti ki ta u ba ki mann kumanug kan jɔɔ nbaam mɔɔm ki sei Uwonbɔr ti bu man nin.

1 Tesalonika 4:9

Daandaan nan ki jiin kunabitiig a jiɛmin paam, naa ji ye ti sɔb le ki sei ni, Uwonbɔr le wɔɔn ni tɔɔl naah li jiɛ tab man.

1 Timoti 1:15

Ni niɛ nan ye ibamɔn le, ni kpaan nin bininfob n gaa ti nbamɔm: Masiya nan dan dulinya nan yaan ke u nan fee tibirdam le jaa, min le ye tibirdaan ki jon bi biɛn.

1 Piita 1:22

Naah mann niba kasi wee ki jɔɔ ibamɔn a mɔcheelin wee ki jiɛ ni nabum ibamɔn ni, ni li jiɛ tab nin ni sufu biɛn na.

1 Piita 4:8

Nan jon niwann biɛn ye ni li jiɛ tab le nbamɔm, nan bu-n njiɛm deginn tibir takpem bu le.

1 Jɔnn 2:7

N jɔtiib, naa ye nsiim pɔm le n sɔb ki tenn ni, amaa nsiim kpegim, man wee ni nan jɔɔ npiinimin nin. Nsiim kpegim le ye tibɔr tan wee ni gbirin.

1 Jɔnn 3:11

Tibɔr tan wee ni gbir npiinimin nin sɔ: Ke ti li jiɛ taba.

1 Jɔnn 4:15

Uninfo wan chee ke Yisa ye Uwonbɔr a Bija ke, Uwonbɔr be udaan ban, le udaan mu be nin Uwonbɔr.

1 Jɔnn 4:21

Le U sei ti nsiim nan: Uninfo wan biɛn jiɛ Uwonbɔr ke, ni kpaa le nin u li jiɛ u nabig mu.

1 Jɔnn 5:13

N sɔb tiwann nan ki tenn nim ban ŋa Uwonbɔr a Bija a yinlin yada ke nin che ni biɛ ke ni jɔɔ limiɛfol lan kaa jɔɔ ndiɛm.