1 Jɔnn 3:22 - UWONBƆR A GBƆNPƆŊ LIKƆƆNL

²² ki li kan nan biɛn wee ti miɛ U, nan bu-n ti chee U siima, ki tun nan li gbee U num.

Uwumbɔr aagbaŋ

²² Ti kii waamɔb la, ki ŋani tiwan ni piir usui na. Nima pu, taah mee u tiwan ni na, u tii timi.

1 Jɔnn 3:22 ပူးပေါင်းရင်းမြစ်များ

Matiu 17:5

Piita a mɔb kaa la nan lu tumi, le kitalangbɔŋ peŋ nyan paab ki nan degin bi bu, le bi gbir likukɔl liba pag kitilangbɔŋin, ki ke, “N bija sɔ, wan wee n num gbee, ni pelim u bɔr man.”

Matiu 21:22

Nan biɛn wee ni li miɛ Uwonbɔr ni bu, ni ye ni ŋa yada ke, ni sin li kan.”

Tibɔnyaan ti Mak ŋmee ti na 11:24

Ni ma bu le n bei ni ke, ni li jɔɔ yada ni sufu ni ke naah miɛ ki ban niwann nan ni nmɔn ni pii gaa niwann nmɔn na, le ki sin li kan.

Jɔnn 14:13

Le n li ŋa naah li miɛ nan biɛn n yinl bu, wee Baa-n kan kupag Bija-n bu.

Jɔnn 15:10

Ni ye ke ni chee sei n siimin ke, ni li be nin n jiɛmin yaan, ke maah chee sei n Baa a siimin man wee ki be u jiɛmin yaan man nin.

Jɔnn 15:7

Ni ye ke ni be nin min wee n mɔleen be nin ni ke, ni baan naah ban nan biɛn bu ke, ni li kan ni.

Jɔnn 6:29

Le Yisa jiin ke, “Uwonbɔr a toonl ye nan le: Ŋaam wan wee u nan tun nin yada.”

Jɔnn 8:29

Wan nan tunimin be n ban; waa jaam n binba, nan bu-n n gbaa ŋaan nan gbee u num le.”

Jɔnn 9:31

Ti nyi ke Uwonbɔr kaa pelig tibirdam a wonmiɛli. U pelig wan nyi Uwonbɔr ki tun u bamin a wonmiɛl le.

Lituln 17:30

Iyoo yan nan jon nin, wee bininfob kaa nan nyi Uwonbɔr nan, waa nan gar bi bir bu. Amaa daandaan nan, u ke uninfo biɛn nkpenn u binbema.

Lituln 20:21

N bei Juu yaab nin Girig yaab biɛn ke bin kpenn bi binbema ki jir Uwonbɔr ban, ki ŋa ti Yudaau Yisa yada.

Filipi 4:18

N gaa tiyɔr takpem ke ti yab tan lagira; n nin jɔɔ nan biɛn wee n ban, maah gaa ipiin yan biɛn wee ni nan ta sein Ipaforɔditusi n ni. Ki ye kumanug kan jɔɔ nbaam mɔɔm wee Uwonbɔr a num gbee le.

Kolosiya 1:10

Ti miɛ ni niɛ le ke ni fir be nbinben man kpaan ki gbee Uyudaan a num niwann biɛn nin: Ki lo iloon yan ye itoon ŋan biɛn a looi, ki yabirig nin Uwonbɔr a nyinyim.

Hiibru Yaab 13:21

un sei ni nan ŋan biɛn wee ni ta tun u bam, ki che ni tinn nan li gbee u num, Yisa Masiya, wan ŋan nin npagim iyoo yan kaa jɔɔ ndiɛm bu. Ibamɔn.

Jemisi 1:5

Ni ye ni ni uba par nlam ke, u yaadaan n miɛm Uwonbɔr wan tenn bininfob nin tibuchinn wee kaa galin uba-n li ta sei u.

Jemisi 4:3

Ni ye ni miɛ ke, naa ga, nan bu-n ni miɛ nin tipotiɛbir le, ni miɛ ke ni ta ŋa ni baantɔɔl a gbanann a bam le.

Jemisi 5:16

Mambu, ni kpiir ni bir ki wɔɔn taba, ki li miɛ Uwonbɔr ki tenn taba wee ni kan kutebug. Ubuchinn a wonmiɛl jɔɔ npɔɔn le mitoon yin.

1 Jɔnn 2:3

Ti nyi ni ye ti chee Uwonbɔr a siimin ke, ni ma li che ti biɛ U.

1 Jɔnn 5:14

Nan bu wee ti jɔɔ tidindann Uwonbɔr ban sɔ: Ni ye ti miɛ U nan nɔɔ nin U sufu a bam ke, U gbir ti miɛm le.