1 Jɔnn 3:16 - UWONBƆR A GBƆNPƆŊ LIKƆƆNL

¹⁶ Ni niɛ nan le che ti biɛr njiɛm kaah ye nan: Yisa Masiya kaah nan gaa ti kum ki kpe-n. Ni ŋan nin ti mu nkpo ti nabum bu.

Uwumbɔr aagbaŋ

¹⁶ Yesu nan sil timi aasisiiyaan ki kpo ti pu. Nima le cha ti bee ngeehm aah ye pu na. Ni ŋan ke ti mu ga ŋmaa kpo tinaabitiib pu.

1 Jɔnn 3:16 ပူးပေါင်းရင်းမြစ်များ

Matiu 20:28

Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”

Jɔnn 10:11

Min le ye upeekpaar ŋan nin. Upeekpaar ŋan nin le taa u miɛfol ki kpenn ipee.

Jɔnn 10:15

a li ke Baa-n kaah nyim man nin wee n mu nyi Baa-n, le n ta n miɛfol kpenn ipee-n.

Jɔnn 13:34

N sei ni nsiim pɔm le: Ni li jiɛ taba. Ni kpaa le ni li jiɛ tab ke maah jiɛ ni man nin.

Jɔnn 3:16

Mambu Uwonbɔr kaah jiɛ dulinya nan kagin bu le u ta u bija gaŋ sei ti, ke wan ŋa u yada ke waa li kpo, amaa u li kan limiɛfol lan kaa jɔɔ ndiɛmi.

Lituln 20:28

Ni li ŋmag niba nbamɔm nin ipee yan biɛn wee Kasi a Naaŋ ta ŋubin ni nɔɔn ke ni li guu-n. Ni li guu Uwonbɔr a ninfobin na, ban wee U ta U cham ki daa-n.

Rom Yaab 16:4

Bi nan ta bi miɛfol ŋa kidaŋin le min bu. Naa ye n yaa binba amaa biwonjiɛm a laginn ban kaa ye Juu yaabin biɛn a pool sɔɔn bi bu.

Rom Yaab 5:8

Amaa Uwonbɔr kaah mag ki wɔɔn ti U tɔɔl a jiɛm man wee U jiɛ ti-n ye nan le: Taah le la nan ye tibirdamin, le Masiya kpo ki sei ti.

2 Korenti 4:12

Ni bu nkum be mi toon ni le ti ni, amaa le limiɛfol mu be mi toon yin ni bu.

Efesusi 5:2

ki li be njiɛm a binbema, ke Masiya kaah jiɛ ti ki ta u ba ki mann kumanug kan jɔɔ nbaam mɔɔm ki sei Uwonbɔr ti bu man nin.

Efesusi 5:25

Piidam, ni li jiɛ ni piiba, ke Masiya kaah jiɛ biwonjiɛm man wee ki kpo bi bu-n,

Filipi 2:17

Hali ni ye bi kpaarim le wur ke libawol a daam le bi ta mann kumanug ki jiin ni yada kan wee ni jɔɔ nin Uwonbɔr n bu ke, n pool peen le ni mɔm ni biɛn nan bu.

Filipi 2:30

nan bu-n ni nan gur wama nin un kpo Masiya a toon yin bu, ki ta u miɛfol ki tun ki seim naah kaa bi li fir terim nan ni.

1 Tesalonika 2:8

Taah jiɛ nim takpemin bu le che ti nan mɔɔn Uwonbɔr a bɔŋann nin ki sei ni, naa ye tibɔŋann nin a binba amaa ki ban ti junn ti miɛfol ni bu taah ban nim takpem n bu.

Taitus 2:13

A li ke taah le jɔɔ tama ki guu ti kaar a daalin, le ti lig lidaal lan wee ti Wonbɔr gbingbemilin nin ti feegabdaan Yisa Masiya kaah na yin degirin nin kupag man,

1 Piita 1:18

Nan bu-n ni nyi ke naa ye tiwann tan boon ke tikurninann bee salima le Uwonbɔr nan ta mann nkpenim a manug ki fee ni ki nyan nbinben man kaa jɔɔ bu wee ni yaajam nan ta sei ni-n ni,

1 Piita 2:24

Uma tɔɔl le nan tu ti yaa bir u gbanann nin lidapunpunl bu, wee nin che ti kpo tibir bu ki kan limiɛfol nbuchin binben nin ban; u daŋin bu le ni kan kutebug.

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

1 Jɔnn 2:6

Wan ke u be nin Uwonbɔr ke, ni kpaa le nin u li be ke Masiya kaah nan be man nin.

1 Jɔnn 2:9

Wan ke uma be nwonween nin amaa wee ki sin nan u nabig ke, udaan la be libunbɔnlin le.

Tibɔkpiirkaan 1:5

Linyunyunbasanl nin nposɔɔn lan ji nyan Yisa Masiya, wan ye ibamɔn a siɛradaau win, kibininkpeeg kan chinn fii nkumin, nin wan ye dulinya nan a bɔrtiib biɛn a bɔru win li be ni ban. Wan jiɛ ti wee ki ta u cham ki nyan ti tibirin nin,

Tibɔkpiirkaan 5:9

Le bi gaah ilan pɔɔn ki ke, “Fin le kpaan nin a yuur kugbɔŋ nmɔn ki loor ndaagimin, nan bu-n fin le bi nan kɔr, le a ta a cham ki da bininfob ki sei Uwonbɔr ki nyan imaal biɛn nin ileen biɛn, nin bininfob biɛn nin ibol biɛn ni.