1 Jɔnn 3:1 - UWONBƆR A GBƆNPƆŊ LIKƆƆNL

¹ Ni lig ti Baa Uwonbɔr kaah pu ki jiɛ ti tan lagir man, ke bi li yi ti ke Uwonbɔr a buwaab! Man mu le ti sin ye! Nan bu wee dulinya yaab kaa nyi ti-n ye baah kaa nyi Uwonbɔr nle.

Uwumbɔr aagbaŋ

¹ Lik Tite Uwumbɔr aah gee timi sakpen pu na. U yin timi ke waabim. Le ti mu sil ye waabim. Dulnyaa aanib aa nyi Uwumbɔr. Baah kaa nyi Uwumbɔr na, nima pu le baa nyi ti mu.

1 Jɔnn 3:1 ပူးပေါင်းရင်းမြစ်များ

Tibɔnyaan ti Luk ŋmee ti na 20:36

le baa ji na li kpo; nan bu-n bi na yin nann malakam le. Bi ye Uwonbɔr a buwaab le, baah ye nkum a fiim a buwaabin bu.

Jɔnn 1:12

Nin ni ma biɛn ni, ban biɛn nan gaa win, nin ban nan ŋa yada u yinl bu-n, le u nan sei bi nsan ke bin nin ŋa Uwonbɔr a buwaab.

Jɔnn 11:52

le naa ye bi bol a binba bu, amaa Uwonbɔr a bum ban yaalin, ke un lagin bi bogil liba wee bi ŋa ninfo uba.

Jɔnn 15:21

Bi yin ŋaa ni nan le n yinl bu, nan bu-n baa nyi Wan nan tunimi.

Jɔnn 16:3

Bi li tun ni nan biɛn, nan bu-n baa nyi Baa-n bee min ni.

Jɔnn 17:25

“N Baa Wan ye tibuchinn daan, hali dulinya yaab kaah kaa le nyiŋin, min nyiŋ, le bi nyi ke Fin le tunim.

Jɔnn 3:16

Mambu Uwonbɔr kaah jiɛ dulinya nan kagin bu le u ta u bija gaŋ sei ti, ke wan ŋa u yada ke waa li kpo, amaa u li kan limiɛfol lan kaa jɔɔ ndiɛmi.

Rom Yaab 5:8

Amaa Uwonbɔr kaah mag ki wɔɔn ti U tɔɔl a jiɛm man wee U jiɛ ti-n ye nan le: Taah le la nan ye tibirdamin, le Masiya kpo ki sei ti.

Rom Yaab 8:19

Niwann nan wee Uwonbɔr naan nan biɛn le guu le bi sufu ŋa sili ki lig lidaal lan wee Uwonbɔr na yin kpiir U naachimin ni.

Rom Yaab 8:21

ke tiwann naan wann tɔɔl li nya nburim a yomirin, ki kɔɔ Uwonbɔr kaah ta wiib kan jɔɔ kupag ki sei U buwaabin yaan.

Rom Yaab 8:32

Uwonbɔr wan kaa nan yii U tɔɔl a bija a kum bu, amaa le ki ta u mann kumanug ki sei ti biɛn, ke ni yin ŋa nii wee waa ji li fir ta U ki kpiɛ tiwann tan biɛn gurin bu ki sei taa?

2 Korenti 6:18

“Wee N li ye ni Baa, le ni mu li ye N naachim nin N bisiɛm, Uyudaan wan jɔɔ npɔɔn le len man.”

Galantiya 3:26

Ni biɛn nan ye Uwonbɔr a buwaab le naah ŋa Masiya yada-n bu.

Galantiya 3:29

Ni ye Masiya le ye ni ke, man ke ni ye Abiraham a yaabili le, ki li ji u faal ke Uwonbɔr a mɔsiinlin kaah wɔɔn man nin.

Kolosiya 3:3

Nan bu-n ni kpou, le ni miɛfol woo Masiya ni le ki be Uwonbɔr ban.

1 Jɔnn 3:10

Ni niɛ le che ti biɛr ban ye Uwonbɔr a buwaab nin ban ye ulinlaril a buwaab: Ban kaa tun nan ŋan bee kaa jiɛ bi nabumin kaa ye Uwonbɔr a buwaabi.

1 Jɔnn 3:2

N jɔtiib, daandaan nan ti ye Uwonbɔr a buwaab le, le taah na yin be man kaa la kpiir wɔɔn ti. Amaa ti nyi ke u nan degirin ke, ti yin be le ke uma-n, nan bu-n ti na yin kan u le ke waah be man nin.

1 Jɔnn 4:17

Ni niɛ nan bu, njiɛm ŋa dede ti ban na le ti li fir jɔɔ tidindann tibɔr a jidaal, nan bu-n ti nann U le dulinya nan yaan.

Tibɔkpiirkaan 21:7

Wan fir ki nyaŋ ke udaan li kan lifaalin biɛn, le N li ye u Wonbɔru le u mu li ye N big.