1 Jɔnn 2:29 - UWONBƆR A GBƆNPƆŊ LIKƆƆNL

²⁹ Ni nyi ke u ye ubuchin ke, ni ŋan nin ni li nyi ke wan biɛn tun nan ŋan ke, Yisa le ma udaan.

Uwumbɔr aagbaŋ

²⁹ Ni nyi ke Yesu ye mbamɔndaan la. Nima pu le ni bee ke unii umɔk ŋani ni ŋan na ye Uwumbɔr aabo.

1 Jɔnn 2:29 ပူးပေါင်းရင်းမြစ်များ

Jɔnn 1:13

Bi yin ye nbuwaab ban kaa nan ye ncham a maaŋ, bee tigbanann a bam, bee uja a bami, amaa Uwonbɔr a bam.

Jɔnn 7:18

Wan pag u tɔɔl a bɔr ke u pag man un kan u tɔɔl a jilima le, amaa wan tun ki ban Uwonbɔr wan nan tun win kan jilima ke u ye ubamɔndaan le; waa jɔɔ igalin iba.

Lituln 10:35

Amaa U gaan ibol biɛn ban san u, ki tun nan ŋan nin le.

Lituln 22:14

“Le u len ke, ‘Uwonbɔr wan ye ti yaajam a Weemin pii ganiŋ le, ke a biɛ u bam, ki kan U ninfo Buchiu, ki ji gbir u mu a mɔnn.

Lituln 3:14

Ni yii Kasi daan nin Ubuchin daan le ki bei Palati ke un nyan uninfo kurin ki sei ni.

2 Korenti 5:21

Tim bu le Uwonbɔr nan che wan kaa jɔɔ tibir labir tibirdaan, u ma bu le ti na yin ŋa Uwonbɔr a buchim.

Hiibru Yaab 7:2

le Abiraham nan nyan waah jɔɔ nan biɛn piig a poolin libaba ki sei u. Chinchinn, Melikizɛdɛg a yinl a taai le ye “Tibuchinn a bɔru”; le ki ji ye “Salem a bɔru” le li mu a taai ye “Nposɔɔn a bɔru.”

Hiibru Yaab 7:26

Biminmanib a yudaau nmɔn le tenn ti taah ban nan, ki ye wan be kasi, kaa jɔɔ igalin ni, kaa jɔɔ tijaginn ni, le Uwonbɔr che u be u binba kaa ŋmar nin tibirdamin ni, ki don u yinl ki jon ban biɛn be paab a naamin yaan.

Jemisi 1:18

U yaa wiib bu le U ma ti, ibamɔn a mɔleen yin bu, ke nin che ti kpann u bininkpeem waah naan nan biɛn ni.

1 Piita 1:23

Ni ma bu, ni ji kan nmaam jigin na, naa ye biwanboolib ban buri, amaa biwanboolib ban kaa bur, Uwonbɔr a mɔleen yan jɔɔ limiɛfol, ki be iyoo yan kaa jɔɔ diɛmin bu.

1 Piita 1:3

Ipoor ye Uwonbɔr wan ye ti Yudaau Yisa Masiya a Baa-n yaal le! U nyunyunbasanl takpenlin bu ti kan nmaal pɔɔn man be tama kan fo-n, waah nan fiin Yisa Masiya nkumin,

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

2 Piita 1:4

Ni niɛ nan bu, le u sei ti imɔsiin takpen yan ŋan wee ni ma bu nin che ni por Uwonbɔr a wonaaŋ a pɔɔm wee ki ŋmar dulinya a ŋmaruŋin kan nyann tibir a kɔlisa-n.

1 Jɔnn 2:1

N bijiɛkaam, n sɔb kugbɔŋ nan le ki tenn ni, ke nin laa che ni tun tibiri. Amaa ni ye ke uba tun tibir ke, ti jɔɔ wan gaa pag tenn ti Baa-n ki kpiɛ ti bu, Yisa Masiya, Ubuchin daan nin.

1 Jɔnn 3:5

Amaa ni nyi ke u nan degirin un nan ta ti yaa bir le. Le u ni tibir kaa be.

1 Jɔnn 3:7

N bibankaam, ni laa che uba nlar ni ki kɔɔn kulɔŋi. Wan tun nan ŋan nin uma ye ubuchin, a li ke Yisa kaah ye ubuchin man nin.

1 Jɔnn 4:7

N jɔtiib, ni che ti li jiɛ taba, nan bu-n njiɛm nyan Uwonbɔr ban le. Uninfo wan biɛn jɔɔ njiɛm ke Uwonbɔr le ma u, le u nyi Uwonbɔr.

1 Jɔnn 5:1

Uninfo wan biɛn ŋa yada ke Yisa le ye Masiya ke, Uwonbɔr le ma u, le uninfo wan biɛn jiɛ Baa-n jiɛ U bigin tɔɔl.

1 Jɔnn 5:18

Ti nyi uninfo wan biɛn wee Uwonbɔr ma win kaa gbaa tun tibiri. Wan wee Uwonbɔr nan ma-n le guu u, le ulinlaril kaa li fir sei u kidaŋi.

1 Jɔnn 5:4

Uwonbɔr kaah ma nan biɛn nyaŋ dulinyau. Nnyaŋim man nyaŋ dulinya sɔ: Hali ti yada-n.

3 Jɔnn 1:11

N jɔ laa toog nan biri, amaa li toog nan ŋan na. Uninfo wan tun nan ŋan nyan Uwonbɔr ban le. Le wan tun nan bir kaa kan Uwonbɔr i.