1 Jɔnn 2:28 - UWONBƆR A GBƆNPƆŊ LIKƆƆNL

²⁸ Tɔ daandaan nan n bijiɛkaam ni li be u ban na, wee u nan degirin ke ti li jɔɔ tidindann ki laa san ifa u jirimin daali.

Uwumbɔr aagbaŋ

²⁸ Maabim, ni li kpaan Yesu chee n‑yoonn mɔmɔk, aan ti li kpa lipobil ki taa san inimɔɔn u chee bundaln u ga gir ni na.

1 Jɔnn 2:28 ပူးပေါင်းရင်းမြစ်များ

Matiu 16:27

Nan bu-n uninfosaal a Big na li jirin nin u Baa a pag, nin u malakam iyaayoo nmɔn, u na li yɔ uninfo biɛn nin u toon kaah ye man.

Matiu 16:28

N bei ni ibamɔn le, biba be doo kaa li kpo see ke bi nan kan Uninfosaal a Big kaah na li foon nin nnaam man.”

Tibɔnyaan ti Mak ŋmee ti na 8:38

Wan mu san ifa nin un ta n bɔr nan ki wɔɔn titoonbirdam nin tukangbirdam dulinya nan yaan ke, wee Uninfosaal a Big nan jiirin nin u Baa Uwonbɔr a pɔɔm nin u malakam ke, u mu na li san u ifa nin un ta u ki kpiɛ u ninfobin.

Tibɔnyaan ti Luk ŋmee ti na 17:30

“Lidaal lan wee min Uninfosaal a Big na li kpiirin ni, ni na yin ye man le.

Rom Yaab 9:33

A li ke naah sɔb man Uwonbɔr a gbɔŋin nin: “Lig, N ta litangbagil le bil Zayɔnn lan li che bininfob ngbiɛr litangbagil takpenl lan li che bininfob nlu, le wan gaa U ki jin ke waa li nyi ki ji ifa.”

1 Korenti 1:7

Ni bu naa lann Uwonbɔr a Naaŋ a piini ke naah ŋa sili ki guu ti Yudaau Yisa Masiya a jirimin.

1 Korenti 15:23

Uninfo biɛn nin u kum a fii yoo, Masiya le chinn fii, le ban ye u ninfob mu na li fii u jirin daal.

Efesusi 3:12

Taah ŋa Yisa yada ki be u ni nbu, le ti jɔɔ lipoobil ki li foo Uwonbɔr ban, nin tidindann.

Kolosiya 3:4

Masiya wan ye ni miɛfolin nan degirin ke, iyaayoo nim nin uma na li degirin nin kupag.

1 Tesalonika 2:19

Ti tama nin ti mɔm ye baa, bee ti nyaŋim a yuchigirig kan wee ti na yin ta kan jilima u Yudaan Yisa ban u jirin daalin ye ki laa? Naa ye nimaa?

1 Tesalonika 3:13

Un pɔɔg ni sufu wee ni laa jɔɔ igbarigi ki li be kasi ti Baa Uwonbɔr a nintogil n-yonn man wee ti Yudaau Yisa na li foon nin u kasi a ninfobin.

1 Tesalonika 5:23

Che Uwonbɔr tɔɔl, wan ye nposɔɔn a Uwonbɔr win n ŋa ni kasi niwann biɛn nin. Ki che ni naaŋ nin ni sufu nin ni gbanann biɛn n laa nan jɔɔ igbarig ti Yudaau Yisa Masiya a dan daali.

1 Timoti 6:14

ke a li ŋmag nsiim nan ki laa jɔɔ igalin ni, hali nin ti Yudaau Yisa Masiya kaah na li degirin,

2 Timoti 4:8

Daandaan nan n buchin yuchigirig ŋa sili ki dɔ guum, kan wee Ubuchin yudaan wan ye ubɔjirin na yin ta ki yɔm lidaal nmɔn, naa yin ye n yaa binba, amaa u na li yɔ ban guu waah na yin degirin lidaal lan nin tɔɔl.

Taitus 2:13

A li ke taah le jɔɔ tama ki guu ti kaar a daalin, le ti lig lidaal lan wee ti Wonbɔr gbingbemilin nin ti feegabdaan Yisa Masiya kaah na yin degirin nin kupag man,

Hiibru Yaab 9:28

man mu le Masiya a manugin nan mann nba bu ki nyan bininfob takpem a bir; le u ji li jirin, kaa ye u nan ji tibir a fala, amaa u li ŋmag feegab ki nan sei ban guu win.

1 Piita 1:7

I niɛ nan dan le, ke ni yada kan ŋan jon salima kan burin, hali nŋmi kaah le mann salima kan li fir bii-n gbaa, yada nmɔn li wɔɔn ke ni ye ibamɔn le, ki ta kupag nin jilima dan ni joorimin, ni ye Yisa Masiya nan kpiirin ke.

1 Piita 5:4

Wee upeekpaabɔr nan degirin ke, a kan kupag a yuchigirig kan kaa wiirin.

1 Jɔnn 2:1

N bijiɛkaam, n sɔb kugbɔŋ nan le ki tenn ni, ke nin laa che ni tun tibiri. Amaa ni ye ke uba tun tibir ke, ti jɔɔ wan gaa pag tenn ti Baa-n ki kpiɛ ti bu, Yisa Masiya, Ubuchin daan nin.

1 Jɔnn 3:2

N jɔtiib, daandaan nan ti ye Uwonbɔr a buwaab le, le taah na yin be man kaa la kpiir wɔɔn ti. Amaa ti nyi ke u nan degirin ke, ti yin be le ke uma-n, nan bu-n ti na yin kan u le ke waah be man nin.

1 Jɔnn 3:21

N jɔtiib, ni ye ti sufu kaa bii ti ke, ti jɔɔ tidindann Uwonbɔr ban,

1 Jɔnn 4:17

Ni niɛ nan bu, njiɛm ŋa dede ti ban na le ti li fir jɔɔ tidindann tibɔr a jidaal, nan bu-n ti nann U le dulinya nan yaan.

1 Jɔnn 5:14

Nan bu wee ti jɔɔ tidindann Uwonbɔr ban sɔ: Ni ye ti miɛ U nan nɔɔ nin U sufu a bam ke, U gbir ti miɛm le.

Tibɔkpiirkaan 1:7

Lig, u be titalangbann nin ki chaan, le nnumbim biɛn na li kan u; hali nin ban nan ŋu win li kan u; le dulinya yaab biɛn na li mɔɔ u bu. Ni sin li ŋa man! Ibamɔn.