1 Jɔnn 2:27 - UWONBƆR A GBƆNPƆŊ LIKƆƆNL

²⁷ Nim bu ke naah nan gaa likpanwuril lan nin be ni ban, ni bu naa ji ban uba nwɔɔn ni. Amaa a li ke likpanwuril nmɔn kaah wɔɔn ni niwann biɛn nin, wee likpanwuril nmɔn ye ibamɔn nin, kaa ye kularugin, a li ke likpanwuril nmɔn kaah wɔɔn ni man nin, ni li be u ban na.

Uwumbɔr aagbaŋ

²⁷ Nimi le Yesu nan tii Waafuur Nyaan. Waafuur Nyaan ngbaan beenin bi ni ni. Nima pu na, naa ki ban ke unii ubaa mɔk nimi waabɔr. Waafuur Nyaan le mɔk nimi Uwumbɔr aabɔr mɔmɔk. Waafuur Nyaan aah mɔk nimi pu na, ni ye mbamɔn la, naa ye nnyamɔn. Nima pu na, kii man Waafuur Nyaan aah mɔk nimi pu na, ki li kpaan Yesu chee n‑yoonn mɔmɔk.

1 Jɔnn 2:27 ပူးပေါင်းရင်းမြစ်များ

Matiu 13:11

Le u bei bi ke, “Nim ma, Uwonbɔr ta paab a naamin a bɔr woon kaar ki sei na. Amaa bi ma, waa che bi biɛ.

Jɔnn 14:16

Le n li baan Baa-n, wee un ji sei ni utiter uba wan na li gbaa be nin ni n-yonn biɛn.

Jɔnn 14:17

Ni ma ye ibamɔn a Naaŋin. Dulinya nan a ninfob kaa li fir gaa wi, nan bu-n baa nyi kan wi, laa baan bin biɛ wi. Amaa ni nyi u, nan bu-n u be nin ni le ki li be ni ni.

Jɔnn 14:26

Amaa Utiter, Kasi a Naaŋ, wan wee Baa-n yin tun u n yinl bu-n, li wɔɔn ni niwann biɛn ki tiɛr ni niwann nan biɛn wee n nan bei ni.

Jɔnn 16:13

Amaa u ma, wan ye ibamɔn a naaŋin, nan dan ke, u li che ni biɛ ibamɔn biɛn. Waa li pag u tɔɔl a pɔɔm bu; u li pag waah gbir tan nin a binba le, le u li bei ni niwann nan la chaan nin ŋa.

Jɔnn 4:14

amaa wan biɛn nyun nnyum man wee n tenn win ke nnyunyum kaa ji li choo wi. Ibamɔn, nnyum man wee n tenn win yin kpann nnyunbunkaam le ki bun u poolin ki sei u limiɛfol lan kaa jɔɔ diɛmi.”

Jɔnn 6:45

Ni sɔb bilinlem a gbɔŋin ke: ‘Uwonbɔr na li wɔɔn bi biɛn.’ Ban biɛn pelig Baa-n kaah len man nin wee ki tinn u ban nin li dan n ban.

1 Korenti 2:12

Kinaaŋ kan wee ti gaa-n, kaa ye dulinya nan a naaŋi, amaa ki ye Kinaaŋ kan nyan Uwonbɔr ban le. U li che U naaŋin ter ti wee ti biɛ u piini nmɔn.

1 Korenti 2:13

Taah pag imɔleen yan nmɔn kaa nyan Uninfosaal a wɔɔnim a lamin ni, amaa imɔleen nmɔn nyan Kinaaŋin le, yan ye kinaaŋ a mɔleen ki wɔɔn ibamɔn ni.

2 Korenti 1:21

Daandaan nan Uwonbɔr le che tim nin nim si nbamɔm Masiya ni. U ma gann ti le ti jɔɔ nbɔgirim,

Efesusi 4:21

N nyi naah gbir u bu, le bi tinn ni u bɔr ki wɔɔn ni ibamɔn yan be Yisa ni nmɔn.

Kolosiya 2:6

Ni ma bu, naah pii nan gaa Masiya ke Uyudaan nan, ni li gbaa be u ban na,

1 Tesalonika 2:13

Ti mu le poor Uwonbɔr le iyoo biɛn, nan bu-n, naah gaa Uwonbɔr a bɔr tan wee ni gbir ti ban nin, ni chee sei tibɔr nmɔn le ke taa ye bininfosaalib a bɔri, amaa ke ti sin ye Uwonbɔr a bɔr ibamɔn le, tan tun nin nim ban ŋa yada-n.

1 Tesalonika 4:9

Daandaan nan ki jiin kunabitiig a jiɛmin paam, naa ji ye ti sɔb le ki sei ni, Uwonbɔr le wɔɔn ni tɔɔl naah li jiɛ tab man.

1 Timoti 2:7

Ni niɛ nan bu le Uwonbɔr gannim ki ŋaam wan mɔɔn nin ntoon. N pag ibamɔn le, maa por tibɔkari, ki ye wan wɔɔn ban kaa ye Juu yaab yada a bamɔn.

1 Piita 1:23

Ni ma bu, ni ji kan nmaam jigin na, naa ye biwanboolib ban buri, amaa biwanboolib ban kaa bur, Uwonbɔr a mɔleen yan jɔɔ limiɛfol, ki be iyoo yan kaa jɔɔ diɛmin bu.

1 Jɔnn 2:28

Tɔ daandaan nan n bijiɛkaam ni li be u ban na, wee u nan degirin ke ti li jɔɔ tidindann ki laa san ifa u jirimin daali.

1 Jɔnn 3:24

Ban chee U siimin be U ban le, le U mu be nin bi. Ni nan le che ti biɛr ke U be nin ti: Kinaaŋ kan wee U sei ti nbu le che ti nyi.

2 Jɔnn 1:2

nan bu-n ibamɔn yan be ti ban ki yin gbaa be ti ban chaan bu.