1 Jɔnn 2:17 - UWONBƆR A GBƆNPƆŊ LIKƆƆNL

¹⁷ Dulinya nin ki kɔlisa li jo, amaa wan tun Uwonbɔr kaah ban man ke, udaan yin gbaa be le ki chaa.

Uwumbɔr aagbaŋ

¹⁷ Dulnyaa wee ga doo. Tiwan ni binib aanimbil man ni pu na, ni mu ga doo. Unii umɔk ŋani Uwumbɔr aageehn na ga li bi n‑yoonn mu kaa kpa ndoon na.

1 Jɔnn 2:17 ပူးပေါင်းရင်းမြစ်များ

Matiu 21:31

“Nbuwaab bilee nan, ŋma tun u baa a bamaa?” Le bi jiin ke, “Uninkpelin.” Le Yisa bei bi ke, “Ibamɔn le n bei ni nan, bilanpogaab nin ban tun iwanjaab toon na li chinn kɔɔ ni Uwonbɔr a niin a naam n-yaan.

Matiu 24:35

Paab nin tum na li jo, amaa n bɔr kaa jɔɔ tin jo.

Matiu 7:21

“Naa ye ban biɛn beim ke, ‘Uyudaan, Uyudaan,’ li na li kɔɔ paab a naamin ni, amaa wan chee ki tun n Baa wan be paab a bamin.

Tibɔnyaan ti Mak ŋmee ti na 3:35

Wan biɛn tun Uwonbɔr a bamin, u ma ye n kpel nin n waal nin n ninsa nin n na.”

Jɔnn 4:14

amaa wan biɛn nyun nnyum man wee n tenn win ke nnyunyum kaa ji li choo wi. Ibamɔn, nnyum man wee n tenn win yin kpann nnyunbunkaam le ki bun u poolin ki sei u limiɛfol lan kaa jɔɔ diɛmi.”

Jɔnn 6:58

Boroboro kan nyan paab ki jiirin nin sɔ. Ni yaajam nan ŋman kulɔŋ a boroboro le ki kpo, amaa wan ŋman boroboro nan ke u li be ki gbaa be.”

Jɔnn 7:17

Ni ye wan gann ke un tun Uwonbɔr a bam ke, u li biɛ ke n wɔɔnimin nya Uwonbɔr ban le bee ni ye n tɔɔl a biɛm lee.

Rom Yaab 12:2

Ni laa chee sei dulinya nan yaab a binbem jigin ni, amaa ni mann pɔŋ ni potiɛla wee ni binbemin kpenn. Ni ma le ni li fir mag ki chee Uwonbɔr a bam kaah ye man. U bam man ŋan ki jɔɔ linungbeel ki be chasi-n.

1 Korenti 7:31

ban jɔɔ dulinya nan a wan yɔɔr ki jɔɔ tun bi toon yin, bi li be ke bi baga kaa be niin len. Nan bu-n dulinya kaah be man daandaan nan ni, naa li yuuri ni li fɔɔr ki jo.

Kolosiya 1:9

Ni niɛ nan bu, lidaal lan wee ti gbir ni bu-n, taa ta Uwonbɔr a miɛm ni bu ki jiɛn ni, le ki le miɛ Uwonbɔr ke Un gbeen ni nnyinyin man ye u bam ki sei ni kinaaŋ a lam nin nbiɛm.

Kolosiya 4:12

Epafarasi, wan ye ni ni uba wee ki ji ye ni toontunn kpiɛg Masiya a toon nin mu poor ni. U miɛ Uwonbɔr le nin linunmanl iyoo biɛn ki tenn ni, ke ni sir kenken ki li ye bininfob chegirikaab ban tun Uwonbɔr a bam.

1 Tesalonika 4:3

Ni ye Uwonbɔr a bam le ke ni li be kasi wee ki nyan ni ba iwanchɔgin toon nin ni jabanlin bee ni piibanlin;

1 Tesalonika 5:18

niwann biɛn a poolin ke ni li poor Uwonbɔr a, Uwonbɔr a bam le yen ki sei ni Masiya bu.

Hiibru Yaab 10:36

Ni ŋan nin ni li jɔɔ limɔril wee ni nan fir tun Uwonbɔr a bam ke, ni li kan nan wee U nan siin limɔsiinl ke U li sei nin.

Jemisi 4:14

Ba ŋaa? Naa nyi nan wo li ŋa won ni. A miɛfol ye baa? Ni nann le ke liŋunl kaa lu ke naa yuur wee ki fɔr man ni.

1 Piita 1:5

ban wee Uwonbɔr a pɔɔm guu ni-n, ni yada bu-n, hali nin feegab a nyɔɔr kaah na li foon, tan ŋa sili ki na li kpiir iyoo yan na yin joorin.

1 Piita 4:2

Naah ŋa man nin, waa che u binbem a joorim dulinya nan yaan ye tigbanann a kɔlisa, amaa Uwonbɔr kaah ban man.