1 Jɔnn 2:16 - UWONBƆR A GBƆNPƆŊ LIKƆƆNL

¹⁶ Niwann nan biɛn be dulinya nan yaan nan, uninfosaal a toonbirin a bam, inunbil a kɔlisa nin ligbingbanfaal waah jɔɔ nan nin waah li fir tun nan, naa nyan ti Baa ban ni, amaa ni nyan dulinya nan yaan le.

Uwumbɔr aagbaŋ

¹⁶ Binib aanimbil man tiwan ni kaa ŋan na pu. Binimbil man baah kan tiwan ni na pu. Bi kpa kalmbaani baawan pu. Tiwan nimina mɔmɔk ye dulnyaa wee aasan la, naa ye Tite Uwumbɔr aasan.

1 Jɔnn 2:16 ပူးပေါင်းရင်းမြစ်များ

Matiu 4:8

Le ulinlaril ji ta u ki don lijɔɔl lan kper a paab, ki wɔɔn u kutingbɔŋ nan a yagi nin i ŋam biɛn.

Matiu 5:28

Amaa N bei ni le ke wan lig upii nin kɔlisa ke u pii tun iwanchɔgin toon nin upii nmɔn u sufu ni na.

Tibɔnyaan ti Luk ŋmee ti na 4:5

Ni bɔɔn bu le ulinlarilin ji yuur u ki ta u don lijɔɔl lan kper a paab, ki tan wɔɔn u kutingbɔŋ nan a wan yɔɔr biɛn,

Rom Yaab 13:14

Amaa ni ta Uyudaan Yisa Masiya ki yee ke kuwan yee waŋin, ki laa ban nsan man wee ni li nɔɔ ki tun tigbanann a kɔlisa birugin a bami.

1 Korenti 10:6

Tibɔr tan be nan ye limagil le ki sei ti, ke ti laa tiɛr nan bir ke baah nan be man nni.

Galantiya 5:17

Tigbanann kaah ban nan nin kaa chee sei kinaaŋ kaah ban nan nin ni, le kinaaŋ mu kaah ban nan nin kaa chee sei tigbanann kaah ban nan nin ni. I kɔn nin tab le, ni ma le che naa fir tun naah ban nan ni.

Galantiya 5:24

Masiya kaah ye ban nin ta tigbanann a kɔlisa nin bi binben biimin biɛn ki kpaa lidapunpunl buu.

Efesusi 2:3

Ti biɛn nan be nsiim a biim nin tibirin nmɔn yaan le, ki tun ti tɔɔl a gbanann a kɔlisa a toon, ki tun nan mɔ ki sei ti gbanann a bam nin ti sufu. A li ke bi ma-n, ti nan ye ban li ji Uwonbɔr a ŋuufiiŋin a fala le.

Taitus 2:12

U nyunyunbasanl nmɔn wɔɔn ti ke ti yiim nan kaa ye nwonjiɛn binben nin dulinya nan a kɔlisa birug biɛn, wee ki li chor ti ba ki li ye ban jɔɔ lasaab, ki li jɔɔ nwonjiɛn binben n-yonn man wee ti be nan yaan.

Taitus 3:3

Isaŋ iba ti mu nan ye tijɔri le nin tukangbirdam, le ni lar ti ki ta ti ŋa tiyomir, ki jɔɔ kɔlisa birug nin dulinya nan a wan ŋan. Le ti jɔɔ kininaŋ nin linunchɔril, le bi nan ti le ti mu nan bitab.

Jemisi 3:15

“Nlam nmɔn a bosu kaa nyan paab a naamin ni amaa mi ye dulinya nan a lam man kaa gbee nin Kinaaŋ ki ye ulinlaril yaamin le.

Jemisi 4:16

Ke naah ye man nin, ni far igbingban le ki jɔɔ kalanbaani, ni gbingbanfaal nmɔn ye yɔli le.

1 Piita 1:14

Naah ye nbuwaab ban jɔɔ limɔcheelin, ni laa ji nɔɔ kɔlisabirug, kan wee naa la nan nyi wee ki nɔɔ nni.

1 Piita 2:11

N jɔtiib, n balin ni le, naah kaa ye dulinya nan yaab wee ki sin be dulinya nan ki ye bichamin, ni jiɛn titoonbir a kɔlisau, tan kɔnn nin ni naamin.

2 Piita 2:10

Ni niɛ nan sin ye ibamɔn le ki jann tɔɔ ban nɔɔ kuŋmaruŋ kan ye bi gbanann a bamin ziɛn tininkper a pɔɔma. Bi ye ban jɔɔ ipoobil le nin ban jɔɔ kalanbaani, baa san bijawaam nin bin ŋa kutingbiig nin paab a wann naan wann tan fo;

2 Piita 2:18

Bi mɔɔŋi kaa jɔɔ nyɔɔri, kalanbaani a mɔleen le bi jɔɔ, ki lar ban ban bin nya tigbanann a kɔlisa a toon yin ni, le bi jir kuŋmaruŋ a toon yin.