1 Jɔnn 1:7 - UWONBƆR A GBƆNPƆŊ LIKƆƆNL

⁷ Amaa ni ye ti choon nwonween nin, a li ke waah be nwonween nin man nin ke, tim nin nim jɔɔ nɔɔnintab, le Yisa wan ye U Bija-n a cham li ŋunn ti biɛn nan a bir.

Uwumbɔr aagbaŋ

⁷ Ti yaa dii nwiihn aasan ke Uwumbɔr aah bi nwiihn ni pu na kan, ti kpaan kijɔtiik tɔb chee la. Le Uwumbɔr Aajapɔɔn Yesu Kristo aasin finni tipobil ki nyani titunwanbir mɔmɔk.

1 Jɔnn 1:7 ပူးပေါင်းရင်းမြစ်များ

Matiu 6:12

Jiɛn ti bir ki per ta. Ke ti mu kaah jiɛn per ti pɔndam man ni.

Jɔnn 1:29

Ni nan wonn le Jɔnn nan kan Yisa kaah chaan u ban le ki ke, “Lig, Uwonbɔr a Peebig, wan nyann dulinya nan a birin!

Jɔnn 12:35

Le Yisa bei bi ke, “Naa li yuuri nwonweenin li be ni ban. Nwonween kaah la be ni ban nin, ni li chonn na wee libunbɔnlin laa pii ni. Usaal wan chonn libunbɔnlin kaa nyi waah chaa nan yaan ni.

Jɔnn 5:4

N-yonn nba ke, Uyudaan a malaka jiirin le ki nan gbir nnyumin. Le wan chinn jiir nnyum n-yaan ke u li kan waah bu iwiɛn yan biɛn nin a tebug.

Rom Yaab 13:12

Kutaag a wonim mala; le nweehn be forin le nmɔn. Ni ma bu ni che ti ta libunbɔnl a toon yin ki bil ngbaan wee ki ta nwonween a gbaginu ki yee.

1 Korenti 6:11

Nim bibam nan ye man le. Amaa le Uwonbɔr ŋunn ni bir, ki ŋa ni kasi, ki ke ni bɔr ŋan Uyudaan Yisa Masiya a yinlin nin Uwonbɔr a Kasi a Naaŋin bu.

Efesusi 1:7

Yisa a chamin bu le ti kan nkpenim a manug, ni ma ye tibir a jiɛn per, Uwonbɔr a nyunyunbasanl takpenlin bu

Efesusi 5:8

Ni gbaa tɔɔl la nan be libunbɔnlin le, amaa le ti Yudaau bu, ni nin kpann ban be nwonweenin le daandaan nan. Mambu ni li be ke nwonween a buwaaba,

1 Timoti 6:16

U yaa binba ni le limiɛfol lan kaa jɔɔ ndiɛmin be, ki be nween man yaan wee uba kaa li fir foon niin ni, uba kaa la nyi kan wi, bee ki li fir kan wi. Uma kpaan nin jilima ki ye npɔɔn takpendaan hali nin iyoo yan kaa jɔɔ diɛmi. Ibamɔn.

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

Hiibru Yaab 9:14

Mambu ke, Masiya ma a chamin tun nan jon man na, uma wan kaa jɔɔ igalin wee kinaaŋ kan be u ni kaa jɔɔ diɛmin nan che u ta uba ki mann kumanug ki sei Uwonbɔr, ki ŋunn ti potiɛri a toon yan yin liin ti kɔɔn nkumin nin, wee nin che ti fir jiɛn Uwonbɔr wan foo-n!

Jemisi 1:17

Nan ŋan nin nan be kasi biɛn ye ipiin yan nyan paab le, ki nyan ti Baa wan jɔɔ papaab a weemin, wan kaa kpenn ke nbɔɔm kaah kpenn man nin.

1 Piita 1:19

amaa ni nan ye Masiya wan a cham ŋan nin le, Masiya wan ye kipeebig kan kaa jɔɔ igalin bee kidaŋi.

1 Jɔnn 1:3

Ti bei ni nan wee ti kan ki sin gbir le, ke nin che ni mu li jɔɔ nɔɔ nin tab nin tim. Le ti nɔɔ nin tab nmɔn be ti Baa Uwonbɔr nin U big Yisa Masiya ban le.

1 Jɔnn 1:5

Tibɔr tan wee ti gbir u ban sɔ, le ti bei ni nan: Uwonbɔr ween le; libunbɔnl kaa be U ban kolibi.

1 Jɔnn 5:6

Yisa Masiya le ye wan nan dan nin nnyum nin ncham. Naa ye nnyum a binba bu le u nan dan ni, amaa nnyum nin ncham bu. Le Kasi a Naaŋ jin ni siɛra, nan bu-n Kinaaŋin ye ibamɔn le.

1 Jɔnn 5:8

Kinaaŋin, nin nnyum nin ncham; le tiwann titaa nmɔn jɔɔ limɔcheel nin tab.

2 Jɔnn 1:4

Ni seim nmɔn takpen le maah kan ke a buwaab biba nɔɔ ibamɔn a samin, ke ti Baa kaah siin ti man nin.

3 Jɔnn 1:4

Maa jɔɔ npopeen niba bu ki lagir nin maah gbir ke n buwaab nɔɔ ibamɔn a samin ni.

Tibɔkpiirkaan 1:5

Linyunyunbasanl nin nposɔɔn lan ji nyan Yisa Masiya, wan ye ibamɔn a siɛradaau win, kibininkpeeg kan chinn fii nkumin, nin wan ye dulinya nan a bɔrtiib biɛn a bɔru win li be ni ban. Wan jiɛ ti wee ki ta u cham ki nyan ti tibirin nin,

Tibɔkpiirkaan 12:11

Bi nyaŋ wa kipeebig a cham bu nin bi siɛram bu baa nan jiɛ bi miɛfolin ki tan kaagi ki sul jir bɔɔn ki nyan nkumin ni.

Tibɔkpiirkaan 7:14

Le n jiin ke, “N yudaau, fin le nyi.” Le u len ke, “Bi ma ye ban nyann limug takpenl a poolin; ki ye ban wee bi ta Kipeebigin a cham ki ŋunn biwan yɔɔr le ti nin peen.