Pol pepa muno bogl Rom yomba tongwa 9:5 - Yesus kamo wakai

⁵ Okuna imbo kowano awano meglkwa i Israel yomba kowano meglkwa, ye epitno mina igle Yesus Krais wu yomba ongwa. Ye God kaima mogl taragl prapra Yaglkandeno moglkwa. Ana nono engenge ye dembiye si te mitna ende wanmoramniwo! Kaima.

Pol pepa muno bogl Rom yomba tongwa 9:5 ပူးပေါင်းရင်းမြစ်များ

Matyu 28:20

Na taragl prapra ene dite kondingra, i ene beke tembi yomba pir pinande eraglkwa. Ana kaima yene, na ene bogl akiye engenge mogl-eimbo enge i dundinambuka.”

Matyu 6:13

Ene no auro i baglnu mina pikro. Taragl kinde mina ene no i-eglke endo.’

Kamambuno Wakai Luk Muno Boglkwa 20:44

Devit eremogl ye pre ‘Yaglkande’ we dungwa, ana sraglmere Yaglkande i Devit wam morambe?”

Kamambuno Wakai Jon muno boglkwa 10:30

Nina ya na yomba suwara yene mouglka.”

Aposel 20:28

Enene sutno wakai mogltre, te sipsip wagle prapra sutno moraglkwa pre Holi Spirit kongun i ene tongwa, God yombamo wagle sutno molo, i yene Wam bormaimo mina topo ere yungwa.

Aposel 3:13

Abraham ya Aisak ya Jekop Godno, te ama nono kowano ye Godno, ye kongunmo yomba Yesus kangiye kande dembiyesi mitna ende tongwa. Ana yaglmo i sigoraglmedi pre ene mokono tendre yomba kande wagle teingo, ana Pailat ka-tange sigoglkraglme dungwa. Ba Pailat dungwa i ene mane dindre sigolo dingwa.

Pol pepa muno bogl Rom yomba tongwa 1:25

Te ye God kamo kaima kindekondo ana kakimbi dingwa. Yegl ere taragl god beke yongwa ikra dembino karaugl ere te ana nigl kongunmo erete wanmogl ana taragl prapra ere yongwa Godmo ikra kinde kondingwa. Ba nono engenge God dembiye site wanmoramga. Kaima.

Pol pepa muno bogl Rom yomba tongwa 1:3

Kamambuno wakai i yene Wam Yesus Krais pre dungwa, ye Devit gawama mina unongugl pi ana yomba kaima yene moglkwa.

Pol pepa muno bogl Rom yomba tongwa 10:12

Nono pirkan ounga: Juda ya Grik yomba ye kane perepere ta moglkiurka. Yaglkande suwara i yomba prapra Yaglkandeno moglkwa. Ipre yomba prapra ye kangiye dagl no akeple dinambedi krapogl teingo ana ye dimere God ere wakai eretongwa.

Pol pepa muno bogl Rom yomba tongwa 11:28

Kamambuno wakai dingo Israel yomba sendingwa mambuno ikra ene akeple dungo ana ye God yaglkumbamo meglkwa. Ba God komnaiye kana Juda yomba pinde yungwa, i ye kowano awano mina God munduwo pango digi dungwa ipre yegl orkwa.

1 Korin 14:16

Ba ene spiritno mina keunde kamange ere God diwakai yembi ana yomba ta suna morambuka, ye ene God diwakai yengwa i pirpogl sikrukwa pre, ana ye sraglpre “I kaima” dinambe? Tamanga. Ene ka dingwa i ye prukrukwa pre dikrambuka.

2 Korin 11:31

Ana God ye Yaglkande Yesus Krais Nem, no ye kangiye aimande aimande dembiye sumga! Ye pirkan orkwa na kakimbi ta dikrika.

1 Timoti 3:16

Kaima. God kamo i mem pond kaima pangwa, ana yomba ta eremogl kamo i di uglmange erekraglkwa. I mambuno yegl: Ye wu yomba kaima ongo ana yomba prapra kaningwa. Ye mambuno du-wakai Holi Spirit ombuno dungo angelo wagle kaningwa. Ye kamo yomba dipene ende waidi dumo bange bange eingo ana uglomugl koglkoglo yomba ye wedi pirngi dingwa. Ana God ye yend heven pindre kangiye kande tongwa.

1 Timoti 6:15

i God yene enge dipanduglmara, ana enge i mina God eremogl Krais ere i-pendigl endinambuka. God yene suwara gun yeingwa i mem mambuno moglkwa, te ye suwara yombuglo pond pangwa. Ye king prapra mogl-eingwa i ye kingno moglkwa. Te yomba kande prapra mogl-eingwa i ye Yaglkande Kaima moglkwa.

2 Timoti 2:8

Ene engenge Yesus Krais pre poglodi pir wanmoglo. Ana ye gogl andigl ukor ongwa. Devit epiglmo mina ta moglkwa. Na kamambuno wakai i diteinga,

Hibru 7:24

Ba Yesus kor aimande moglkwa pre pris kongun orkwa i aimande kamun ere morambuka. Ana okuwo yomba ta dumomo ikraglkwa.

1 Jon 5:20

Nono ama pirkan ounga God Wam undre ana pirpogl sinamga nomano norkwa. Yegl orko kade nono God kaima moglkwa i pirpogl sumga. Ana God kaima ya Wam Yesus Krais, ye mina nono sidakagl mounga. Ye God kaima moglkwa, te kor aimande meglkwa i ye mina yongwa.

Ka Teke Pangwa 1:18

Na kor-moglka yagle! Na okuna goglkra, ba kano, na kor aimande moglka, te aimande aimande mogl enaglka. Te na geglkwa ki ya geglkwa yomba dumono i ki suwo-akiye na ake moglka.

Ka Teke Pangwa 22:16

“Na Yesus, na angelona okuna ene mina diendigo ye ka i di God yombama tongwa. Na iwe, Devit nangiglma gawamo mogl wimara i mina na dire-kane ta moglka, te tangina kana kugl-kuri ambuglange pond sungwa i na moglka.”

Ka Teke Pangwa 22:20

Yomba taragl i prapra dinongugl endungwa yagle yegl dungwa, “Kaima yene, na oglandi unaglka!” I kaima, Yaglkande Yesus, ene wo!

Ka Teke Pangwa 5:14

Te taragl kor-meglkwa 4 ikra yegl dingwa, “I kaima” Ana ende okuna eingwa yomba ye mangidi goglkuno bondugl dembiye karaugl ere tengwa.