Pol pepa muno bogl Rom yomba tongwa 7:22 - Yesus kamo wakai

²² Kaima, na nomana sunawom God lomo ipre gun pond yeinga.

Pol pepa muno bogl Rom yomba tongwa 7:22 ပူးပေါင်းရင်းမြစ်များ

Kamambuno Wakai Jon muno boglkwa 4:34

Ana Yesus eremogl disaipel wagle ditongwa, “Na kaiya moknana, i na diendungwa yagle prumere ertre, ana na kongunmo ero di narkwa i ere kondinaglka.

Pol pepa muno bogl Rom yomba tongwa 2:29

Ye nomane suna Juda yomba mounedi pirkwa i ye Juda yomba kaima meglkwa. Te nangiye punduno bogl endingwa mambuno i nomane suna ya poglodi pirmara igle panambuka. I lo pepa mina pamere woina erikwa i keunde ta manga, i God Spiritmo i-pene endungwa. Yomba yeglmere makandle yomba mina kangino kande ta ikrikwa, ba God ongumuglo mina kango kande pangwa.

Pol pepa muno bogl Rom yomba tongwa 8:7

Te yomba ta mambuno goglo pamara i ere wanmoran ana ye God yaglkumbamo moglkwa. Sraglpre, God lomo pamere atnekra moglkrukwa pre ye God lomo sika sinambuka kuno erekrukwa.

2 Korin 4:16

Mambuno ipre no ta nomano sigugl si kongun kindekondo kunga. Kaima, no nangino kinde ere gorambuka mangigl orkwa, ba no nomano i engenge sikor yongwa.

Efesus 3:16

Na kamange yegl pre erika God yombuglomo kande mina ye Spiritmo ene yombuglo bogl tenan kade, ana ene nomano suna sigigle dinambuka.

Kolosi 3:9

Te enene mina kakimbi di imboriya endekraglkwa. Taragl ipre, ene nomano goglo kinde kondingo dundi kondungwa.

Hibru 8:10

Yaglkande yegl dungwa, Enge ta unan na kontrak kor ta eraglka i Israel yungu ombuno mina eraglka, ana na lona i ye nomano mina ya te deno munduno mina pepa muno bogl pandraglka, te na ye Godno moglmbo ana ye na yombanma moraglkwa.

1 Pita 3:4

Tamanga. Ene nomano sunakra, taragl wakai kanekane kinde erekrambuka yongwa i ene ekin teiyo. Ana ekinmo i yeglmere, nomano wakai ya te nomano pokndi yongwa mambuno yegl mina God ongumuglo wagle wakai tawa pangwa.