Pol pepa muno bogl Rom yomba tongwa 5:7 - Yesus kamo wakai

⁷ Kaima yene, yomba ta eremogl yomba suwarata du-yene moglkwa i akeple dina pre ye goglkrambuka. Te nono kamun yomba ta embriye wakai kaima eremoran, ana nono nomano pir gigle dindre ana ye pre gogltre akeple ditenamga.

Pol pepa muno bogl Rom yomba tongwa 5:7 ပူးပေါင်းရင်းမြစ်များ

Matyu 13:15

Yomba i nomano giglendi kondungwa, te kinano gidi kondungwa, te ongumutno kugl kondungwa. Aglau eran ye ongumutno kanimbi, ye kinano ka pirmbi, te nomano mina ka mem pirpogl simbi, ana ye kan akete na mina endinaglkwa, ana na ye erewakai ere tenaglka.’

Kamambuno Wakai Jon muno boglkwa 15:13

Ana yomba ta ye yombama tau pre kan wakai kaima yeinan, ana ye pra yombama ipre kor-moglkwa i kondo gogl tenambuka. I ye pamere orkwa.

Aposel 11:24

Barnabas yagl wakai moglko ana Holi Spirit ye mina mogl kau sungo pirngi dindre ana yomba merkinde kaima iyu Yaglkande mina endungwa.

Pol pepa muno bogl Rom yomba tongwa 16:4

Ye na akeple dindre ana ye gorambrika i pirmbrika taragl yoko orkwa. Na keunde diwakai yeitekrika, ba Yomba Bina God kamo pirkwa prapra ama ye suwo diwakai yeiteingwa.

Pol pepa muno bogl Rom yomba tongwa 5:6

Ba no nono akeple dinamga yomburo i paikruko mounga enge, ana God enge bagl diendungwa pamara i mina Yesus wu gogltre ana tandaglme yomba akepledi norkwa.

Pol pepa muno bogl Rom yomba tongwa 5:8

Ba nono tandaglme yomba moglpai mounga enge, Krais nono akeple dina pre goglkwa, mambuno i God nono pre munduwo argan orkwa i nono i-pene ende ombunodi norkwa.

1 Jon 3:16

Yomba sraglmere wakai kanamga mambuno i yegl mina no kanpogl sumga: Yesus Krais nono pre ere kor-moglkwa i kinde kondungwa, te nono ama angro wagle pre munduno panan kor-mounga i kinde kondinamga.