Pol pepa muno bogl Rom yomba tongwa 15:1 - Yesus kamo wakai

¹ Nono pirngino gigle dungwa yomba eremogl yomba pirngino gigle dikrukwa yomba yumbuno akepledi tenamga. No nono akeple dina pre ta erekramga.

Pol pepa muno bogl Rom yomba tongwa 15:1 ပူးပေါင်းရင်းမြစ်များ

Pol pepa muno bogl Rom yomba tongwa 14:1

Yomba ta pirngimo gigle dikrambuka, ene ye bogl tengramo dikraglkwa ba kanwakai yeimbi ye ende ikine kamambuno pirkwa yomba meglmara unambuka.

Pol pepa muno bogl Rom yomba tongwa 14:2

Yomba ta pirngimo gigle dungwa pre ye kaiya mokna kanekane nongwa. Ba ta ye pirngimo gigle dikrukwa, ye mokna keunde nongwa.

Pol pepa muno bogl Rom yomba tongwa 4:20

God ka giglendi dipandigl tongwa ikra Abraham nomano suwo yeikrukwa, te pirngimo gugl sikrukwa, tamanga. Ye pirngimo gigle dungwa ikra God dembiye sitongwa.

1 Korin 4:10

No Krais kangiye pre ere dubonge moungo te ene Krais mina bitno pai pogl sungwa! Te no yomburo paikrukwa ba ene yomburo pangwa! Ene kangino kande pangwa ba no kangino paikrukwa!

1 Korin 9:22

Te yomba pirngino gugl sungwa meglmara mogltre na ama pirngina gugl sungwa mereyegl eremoglka. Yegl ere ana pirngino gugl sungwa yomba ere-ina pre erika. Ana yomba prapra ye mambunono pamere i na erika, na mambuno kanekane yegl ere ana yomba tau ere-inagledi erika.

2 Korin 12:10

Ana Krais kongunmo erika ipre na yombura paikrukwa. Ana yomba na erekinde ere nariko, yumbun kanekane na mina ungo, na sigoramnedi eriko, ana na dena munduna wakai yeikrukwa. Ana na yombura paikrukwa enge, i keunde na yombura giglendi pangwa.

Efesus 6:10

Na ka yegl di dundinaglka. Yaglkande yombuglomo mina ene giglekui di moraglkwa.

Filipai 2:4

Ana enene suwara suwarandi enene taratno keunde sugl moglkraglkwa ba yomba tau taratno akiye akeple di sugl moraglkwa.

1 Tesalonaika 5:14

Angrima wagle, no ka giglendi ene ditomga yomba oglka ere wakan meglkwa i ka kindine ditendre te inik singwa yomba di akedu ende tendre te yomburo paikrukwa akeple diteiyo. Te ene yei-pai ere yomba akeple diteyo.

2 Timoti 2:1

Na wana Timoti, ene Yesus Krais wakaimo mina suna igle giglendi wanmoratniwo.

1 Jon 2:14

Nenma wagle, na pepa bogl ene teinga. Sraglpre, ye okuna imbo mambuno bogl moglkwa i ene pirkan erikwa. Te ene kumugl wagle, na pepa bogl ene teinga. Sraglpre, ene yombuglo eremeglko ana God kamo ene mina suna yei-pango, ana ene Satan si-atne endingwa.