Pol pepa muno bogl Rom yomba tongwa 13:7 - Yesus kamo wakai

⁷ Yeglpre ene taragl ta gavman tenaglkwa panan, i teiyo: Ene takis kanekane tenaglkwa panan, i takis ingwa yomba teiyo; te taragl kanekane ake-neingwa ipre topomo tenaglkwa panan, i topo inambuka yomba teiyo; te ye dinaglmere ere yomba ta mina mogl-atne endinaglkwa panan, i ye mina atnekra molo; te yomba ta kangiye dembiye sitenaglkwa panan, i dembiye sitenaglkwa.

Pol pepa muno bogl Rom yomba tongwa 13:7 ပူးပေါင်းရင်းမြစ်များ

Matyu 17:25

Pita di ikine ende tongwa, “Owo, ye tongwa.” Ana Pita ende yungugl ungo. Yesus komnaiye kana dungwa, “Saimon, ene sragl wedi pitne? Makan koglkoglo kingno wagle takis ingwa i yomba ira mina ime? Yomba yongugl mina imo? Mo yene yombano mina ime?”

Matyu 22:21

Ye di ikine endingwa, “Sisa.” Yesus yegl ditongwa, “Wakai kaima, Sisa taraglmo i yene Sisa teiyo, te God taraglmo i yene God teiyo.”

Kamambuno wakai Mak muno boglkwa 12:17

Ana Yesus ditongwa, “Sisa taraglmo Sisa teiyo, te God taraglmo God teiyo.” Ana ye prapra Yesus kamo i pirtre sipuglo dingwa.

Kamambuno Wakai Luk Muno Boglkwa 20:22

Dinoro, nono takis Sisa tenamuno mo tekramne?”

Kamambuno Wakai Luk Muno Boglkwa 20:25

Ye di ikine endingwa, “Sisa pangwa.” Yesus di yomba tongwa, “Ana Sisa taraglmo Sisa teiyo, te God taraglmo God teiyo.”

Kamambuno Wakai Luk Muno Boglkwa 23:2

Ana ye mambuno bogl kakimbi kogl di Yesus nangiye dangindre, ana dingwa, “No yagl i mambunomo kan kondumga. Ye eremogl no yombano bakagl tendre ana dumo kande kinde erambe dungwa te takis Sisa tekriyo dindre, ana yene pre Krais mogl, ana king mole dungwa.”

Pol pepa muno bogl Rom yomba tongwa 12:10

Te ene God yombamo meglkwa ipre pirimbi munduno pond panan enene mina ikine-ikine kanwakai yei moraglkwa. Te ene suwara suwarandi yomba ta pre pirimbi mitna erambuka mambuno i enene mina panambiwo.

Pol pepa muno bogl Rom yomba tongwa 13:6

Mambuno ipre ene ama takis teingwa: Sraglpre, gavman yombamo kande wagle ye God kongunmo yomba meglkwa. Ye engenge God kongun tongwa i yombuglo ere nono sugl meglkwa.

Efesus 5:33

Kaima, ene suwara suwarandi ombugl enene pre kanwakai yeimere yegl embino ama kanwakai yenaglkwa, te ambu prapra wino nomano wakai tendre pirmitna endinaglkwa.

Efesus 6:5

Yomba ene nigl-kongun yoko ertre topo ikrikwa ene eremogl makandle kongun nemyagl mo yagl kande mogltre sutno moglkwa, ye kamo pinande ertre kunduglmo goraglkwa. Ana ene eremogl ye bakagl nomano kinde yei tekraglkwa, ba ene deno munduno ya nomano mina pinande ere tenaglkwa, i Yesus Krais kamo pinande orumnedi ene piraglkwa.

1 Timoti 5:13

Te ye ama yomburo doko yoko mogl ana yungu prapra yomara yungu pegl kugltre, yomba mokono ka dindre ana ka guagua dingwa, ye engeno erekinde ere ka yeglmere dinaglkwa paikrumara dingwa.

1 Timoti 5:17

God yombama mina ende okuna eingwa yomba ye kongun wakai erikwa ipre kangino di mitna ende topo wakai tenaglkwa. Ana yomba kamambuno mendigl pandigl dipene endingwa ya God kamo beke teingwa yomba ye topo gumamugl teiyo.

1 Timoti 6:1

Ana nigl-kongun yoko ere topo ikrikwa ye yombamo kande wagle pre diwakai yei kangino dimitna endinaglkwa. Yegl erimbi yombano kande eremogl God kamo ya no ka beke tomga i ye dikinde yeikraglkwa.

1 Pita 3:7

Wino wagle ene ama nomano wakai duglo bogltre ana embino wagle bogl nangino giugl dikrukwa molo. Sraglpre, ambu wagle nangino giugl dikrukwa pre akewakai ere tenaglkwa. Te ombugl embino ama ene bogl akiye kor-moraglkwa i inaglkwa. Ene mambuno yegl duglo beglmbi ana ene kamange eraglkwa taragl ta siget-ditekrambuka.