Kamambuno wakai Mak muno boglkwa 9:44 - Yesus kamo wakai

⁴⁴ Dumo igle kimin negle goglkre meglmara ya donga bauglo gongokre depamara suna endinaglkwa.

Kamambuno wakai Mak muno boglkwa 9:44 ပူးပေါင်းရင်းမြစ်များ

Matyu 25:41

“Ana ongo kondakra meglkwa ditenambuka, ‘Na moglmara ende eglke piyo, God ene taya enaglme ditongwa yomba. Ene endpi donga aimande depamara suna piyo, i Satan ye angelomo bogl moraglkwa pre ana akekun ere yeingwa.

Matyu 25:46

“Ana ye ende eglke pi giugl aimande gogl moraglmara enaglkwa, ba yomba mambuno du-wakai erikwa ye endpi kor aimande moraglkwa dumo enaglkwa.”

Matyu 3:12

Ye ikanmo sawol ake indre ungwa. Ye wit sundina prapra siplendi menda ende ana wit mongo gande i yene kaiya moknamo yungu yungugl endinambuka. Ana sundina mongo paikrambuka ye donga gongokre aimande depamara gagltenge erambuka.”

Kamambuno wakai Mak muno boglkwa 9:43

Ene ongun ta eran pirngi dinga gugl sinan tandaglme etn, ana sigoglumdi endo. I wakai kaima, ene ongun suwara panan kor aimande moratnga inatniwo. Te ongun suwo panan ene ende guglo kamun donga gongokrukwa depamara igle suna enatnga.

Kamambuno wakai Mak muno boglkwa 9:45

Ana ene katn tandaglme erondi eran, ene pirngi dinga gugl sinan, ana sigoglumdi endo. Katn koglo ekrike panan i wakai kaima, kor aimande moratnga inatniwo. Katn suwo-akiye panan ana ene piyasi guglo kamun suna endinambrika.

Kamambuno wakai Mak muno boglkwa 9:48

Igle “‘Ye kimin negle goglkrikwa giugl kaglmbi, te endi donga denaglkwa i gongokrambuka.’

2 Tesalonaika 1:9

Yomba kinde topono waule kinde aimande moraglkwa. Ye Yaglkande mambuglo mina ya ambuglangemo kande mina mogl eglke ende ana ye aimande kamun wu kinde pi moraglkwa.

Ka Teke Pangwa 14:10

ye wain ninambuka. Wainmo i God dem kumbrukwa. Ye niglkor bogl ta sikuglmagl endekrukwa, tamanga. Ye dem kumbrukwa i toindi kap mina ende topomo kinde bagl te ikine endinan ana yombamo ninambuka. Ana God angelomo holi ya te Sipsip Nangigle ongumutno-mugl yombamo i donga kombuglo salpa mina de wangigldi pamara igle giu kinde inambuka.

Ka Teke Pangwa 20:10

Te Satan eremogl kimbirnem wagle kakimbi dite wanmoglkwa, piyasi maugl beiye paikrukwa kombuglo salpa depamara suna endingo, igle okuna kambu are ya propet kakimbi piyasi atne endingo miurara, ana ye wu suna ongo suwota orko ana ermine ya enduwer giugl engenge pir moraglkwa.

Ka Teke Pangwa 20:15

Ana kor aimande meglkwa buk i mina yomba ta kangiye paikrukwa ye maugl beiye paikrukwa mina donga depamara piyasi atne endingwa.

Ka Teke Pangwa 21:8

Ba yomba kundugl gogl inik singwa ya pirngi dikrikwa ya mambuno kinde kanekane erikwa ya yomba sigeglkwa yomba ya yagl ambu kunogl gundingwa ya nimbine kirai erikwa ya god kimbi pirngidi dembiye karaugl erikwa ya te kakimbi dingwa, ye dumono maugl beiye paikrukwa mina kombuglo salpa donga depamara igle moraglkwa. I geglkwa namba 2 orkwa.”