Kamambuno wakai Mak muno boglkwa 2:20 - Yesus kamo wakai

²⁰ Ba enge ta yenambuka enge, ambu inambuka yaglmo ye mina ikorugl endimbi, ana enge igle ye kaiya mokna mawagl moraglkwa.

Kamambuno wakai Mak muno boglkwa 2:20 ပူးပေါင်းရင်းမြစ်များ

Matyu 26:31

Ana Yesus disaipelma wagle ditongwa, “Erme enduwer i keunde ene prapra na pre teke ende pindre ana na kondinaglkwa. Kamambuno pepa mina yegl dungwa: “‘God eremogl sipsip sugl yomba sigoran, ana sipsip undupagl ere ende perepere enaglkwa.’

Matyu 9:15

Yesus yegl di ikine ende tongwa, “Ambu inambuka yagl ye yombama bogl akiye meglmbi sraglpre ye miriye goraglme? Tamanga. Enge ta yenan ye ikorugl endimbi kade ana yombamo kaima kaiya mokna mawagl eraglkwa.

Kamambuno wakai Mak muno boglkwa 2:19

Ana Yesus yegl di ikine ende tongwa, “Ambu inambuka yagle ye digaglko wingwa yomba bogl akiye mogl panan kade, ye sraglpre kaiya mokna mawagl eraglme? Taman. Ye bogl akiye meglkwa pre ye yegl ta erekraglkwa.

Kamambuno wakai Mak muno boglkwa 2:21

“Yomba ta gagl alap kor kembra ta bagladi indre, gagl suna kande goglo mina simborambuka. Ye yegl eran, gagl kor simboglkwa i yombuglo ere gagl goglo si arglandi wu kande kaima enambuka.

Kamambuno Wakai Luk Muno Boglkwa 17:22

Ana ye disaipelma wagle ditongwa, “Okuwo enge ta yenan ana ene Yomba Wam ande enge suwarata kanamnedi piraglkwa, ba ene ta kankraglkwa.

Kamambuno Wakai Luk Muno Boglkwa 5:35

Ba enge ta yenambuka enge ambu wiye ye mina i korugl endimbi ana enge igle ye pra kaiya mokna mawagl eraglkwa.”

Kamambuno Wakai Jon muno boglkwa 12:8

Ana yomba kiuglgiunde ene bogl engenge moraglkwa. Ba na ene bogl engenge ta moglkraglka.”

Kamambuno Wakai Jon muno boglkwa 13:33

“Nangrima wagle, enge sungunagle ta ene bogl moraglka. Ana okuwo ene na pre doknaglkwa, te Juda yomba prapra diteimere ikra ene erme diteinga. Na enaglmara dumo i ene ta ukraglkwa.

Kamambuno Wakai Jon muno boglkwa 16:28

Na Nina mina mogltre ana ende makan mina winga, ana erme na makan mina kondo, ende ikine Nina moglmara enaglka.”

Kamambuno Wakai Jon muno boglkwa 16:7

Ba na ka kaima ene diteinga, ene wu wakai enaglkwa pre na endinaglka. Na ende pikrimbo ana ene akeple dinambuka i ta ukrambuka. Ba na ende imbo ana ye di ene mina endinaglka.

Kamambuno Wakai Jon muno boglkwa 17:11

Na erme ende ene motnara unaglka, na makandle igle wakane ta wanmoglkraglka, ba ye makandle moraglkwa. Nina, ene tandaglme paikrukwa kangin yombuglo pangwa i mina ye sugl wakai mogl tenatnga, ene kangin i na mina pangwa, ipre ene ya na suwara mouglere yegl ye ama wu suwara pi moraglkwa.

Kamambuno Wakai Jon muno boglkwa 17:13

“Na erme ende ene motnara unaglka, ba na makandle mogltre ka i prapra di ye tekondinga te na wakaina i ye mina suna kausi panambuka.

Kamambuno Wakai Jon muno boglkwa 3:29

Ba yagl ta ambu inan ana ambu i ye embiye moglkwa. Yaglmo i yomba ta yeinongwa ye magl mogltre ka dungwa i pirtre ana pir gun yongwa yeglmere na ama gun pond yeinga i pra kuno orkwa.

Aposel 1:9

Yesus ka i dikondungo, okuwo ye kanmeglko ongumutno-mugl ye ende heven ongwa. Yesus ende egli ongo ana kamun kua kruwo wu Yesus were isuna endungo ana aposel wagle aglkekor ta kankrikwa.

Aposel 14:23

Ana Pol ya Barnabas God yombama meglmere meglmere pindre, ana kamambuno mina ende okuna enaglkwa yomba pinde indre ana ye prapra pre yagl suwo kaiya mokna mawagl mogltre, te kamange ere Yaglkande pirngi dimara i ongo mina tembrika.

Aposel 3:21

Ye heven mogl panan ana God taragl prapra ere-ikor endinambuka engemo yenambuka, i okuna imbo ye propetma holi wagle ka i drano mina yongo ka dipandiglmere.

1 Korin 7:5

Wiye embiye ene nangino ikine ikine ake-gingir dikrambriwo. Ba ene enge sungunagle ta yoko morambugledi ka dikiur, i pra nomano suwara yei ana enge dipandiur ere i keunde kamange ere morambrika. Okuwo ene nangino i-suwara endinambriwo. Sraglpre, aglau eran enene nangino sugl wakai moglkiur ana Satan ene bagl nusi tenambuka.

2 Korin 11:2

God yene yomba pinde ingwa i ana yene yombama moraglmedi nomane pond prukwa. Kuno yeglmere na nomana pond ene wedi pirka. Ana ene ambai mor nomanemo guagua yeikrukwa mereyegl meglko na yagl suwara kaima ta bogl inambedi dipandigl kondiga, yaglmo i Yesus Krais.

2 Korin 11:27

Na kongun kanekane pitnbogl erika. Te enduwer na uglpai dime dikre, nigl ya kaiya mokna pre kindan gogl ana enge mere kaiya mokna ta nekrika. Te enge tau na kungugl gagl ta mango ana nangina yoko yongo bi goglka.

2 Korin 6:5

Ana yomba no eresindre, te si kane yungu endingwa, te yomba no sikasi mangre norikwa. Te no kongun ningadi ertre, kaiya mokna ne dime dikre, te ugl wakai paikunga.

Ka Teke Pangwa 19:7

Nono wakai pir gunyei kangiye kande tenamga! Sraglpre, Sipsip Nangigle ye ambu inambuka engemo yongo te ye inambuka ambumo i yene akekun ere kondungwa.

Ka Teke Pangwa 21:9

Ana angelo 7 eremogl God dem kumbrukwa dis 7 mina kausi yongwa ake meglkwa ikra suwarata na moglmara undre yegl di narkwa, “Endwo! Sipsip Nangigle embiye ene ombuno ditenaglka, ye ambu i erme ina orkwa.”