Kamambuno wakai Mak muno boglkwa 1:24 - Yesus kamo wakai

²⁴ “Yesus Nasaret nem, ene sragl taragl ere noragledi une? Ene no erekinde ere nora pre un kana? Na ene pirpogl siga. Ene God Holi Yombamo!”

Kamambuno wakai Mak muno boglkwa 1:24 ပူးပေါင်းရင်းမြစ်များ

Matyu 2:23

Ye endpi taun ta kangiye Nasaret we dimara igle meglkwa. I propet ka dingwa pangwa i paiyungwa, “Ye Nasaret nem we dinaglkwa.”

Matyu 8:29

Ye kaglkane kande ere dimbrika, “God Wam, ene no sragl ere noratn? Enge yeikrumara unga, ene no nangino giu ere noragledi pre un kana?”

Kamambuno wakai Mak muno boglkwa 1:23

Enge igle ye makaino yungu mina yagl ta spirit kinde moglkwa yungugl mogl ana kaglkane binan bogl yungwa.

Kamambuno wakai Mak muno boglkwa 1:25

Yesus ka giglendi di spirit kinde tongwa, “Ene dran simundo ana yagl i mina kindekondo ende menda wo!”

Kamambuno wakai Mak muno boglkwa 10:47

Ana ye pruko i Yesus Nasaret nem umiwo dingo pirtre ana ye mambuno bogl kaglkane yungwa, “Yesus Devit Wam, na mitna goglo!”

Kamambuno wakai Mak muno boglkwa 14:67

Enge igle ye kango Pita endi domara pir moglko ana ambai toro giglendi kandre dungwa, “Ene ama Yesus, Nasaret nem bogl akiye wanmiurkra.”

Kamambuno wakai Mak muno boglkwa 16:6

Ana ye ditongwa, “Waikuglkriyo, na pirka ene Yesus Nasaret kamun nem endi-prak mina singura i kanamnedi pre wingwa. Ye yawagle ta pai moglkrukwa. Ye okuna kana andigl ukor ongwa! Kaniyo, dumo igle okuna ye nangiye yengura.

Kamambuno wakai Mak muno boglkwa 5:7

Ana kaglkane pond kaima yungwa, “Yesus, God mitna imbo kaima Wam! Ene na sragl ere naratne? God kangiye mina na yana diga, ene na giu ere narekro!”

Kamambuno Wakai Luk Muno Boglkwa 1:35

Angelo di ikine endungwa, “Holi Spirit ene mina unan ana God Mitna Imbo Kaima yombuglomo ya kuiyamo ene si yokonambuka. Yegl eran ene gak holi kugl yemin, ana ye kangiye God Wam we dinaglkwa.

Kamambuno Wakai Luk Muno Boglkwa 24:19

Ana ye krapogl tongwa, “Sragl taragl ne?” Ye di ikine endimbrika, “Yesus Nasaret kamun nem ye mina taragl plau dungwa. Ye propet ta moglkwa. Ana God ya yomba prapra ongumutno mina ka dungwa ya kongun orkwa i yombuglo pond pangwa.

Kamambuno Wakai Luk Muno Boglkwa 4:34

“Aya Yesus Nasaret nem, ene no sragl ere noratn? Ene igle no si pindigl pandigl era pre un kana? Ene ira motnga i na pirkan erika. Ene yomba du-wakai, God yomba holi motnga.”

Kamambuno Wakai Luk Muno Boglkwa 8:28

Yaglmo i Yesus kangwa enge, ye kaglkane indre ana yange Yesus kagle mina sindre ana kaglkane binan bogl yungwa, “Yesus God mitna imbo kaima Wam, ene na sragl ere naraglendi pitne? Na ene yana diteinga, ene giu ere narekro!”

Kamambuno Wakai Luk Muno Boglkwa 8:37

Ana Gerasa kamun yomba prapra Yesus no kamunomugl kondo ende enambedi pre krapogl teingwa, sraglpre ye kundugl pond geglkwa. Yeglpre Yesus disaipelma wagle botno mina ende suna pindre ana endongwa.

Kamambuno Wakai Jon muno boglkwa 6:69

Ana no etne pirngi dumga, te pirkan ounga i ene Suwara Holi mogltre, God mina unga.”

Aposel 2:27

Sraglpre, ene na kanwinge etn giglpene ta pai moglkraglka, te ene Yomban Holi Moglkwa Suwara i ta kanwinge etn nangiye giglpene ta buglkrambuka.

Aposel 24:5

“Yagl i no kamga ye tandaglme merkinde akeningandi orkwa. Te Juda yomba makan koglkoglo mogl-emara ye di nusungo kunda bogl oglagl di-di erikwa. Te Nasaret yomba wu pere pi epigl ta eremeglkwa i ye neno wu okuna ongwa yagle.

Aposel 3:14

Yombamo ye Holi mogltre te ama du-yene moglkwa, ba okuna ene eremogl ye wedi pirkre mokono tendre ana ene yagl ta yomba sigogl kane pangwa ikra imenda ende norambedi pre krapogl Pailat teingwa.

Aposel 4:27

I kaima, Herot ya Pontias Pailat yembriko te kamambuno kiurikwa yomba ya Israel yomba yeingo, ye prapra siti igle wu suwara pindre ana Yesus sinamnedi kundamo kande gaglkwa, ye ene kongun yomba holi, enene pinde inga, ye yomba ere-inambuka.

Jems 2:19

God suwara kaima moglmedi ene pirngi dingwa ipre wakai kaima. Te spirit kinde wagle ama yegl pirngi dindre, ana kundugl gogl onguno katno sungwa.

1 Jon 2:20

Ba Yesus Krais eremogl Holi Spirit ene pinde yungo ana ene prapra ka kaima pirpogl singwa.

Ka Teke Pangwa 3:7

“Ka i pepa muno bogl Piladelpia kamun God yombama angelono moglkwa i to. Kamo i yegl: Na holi kaima ya te ka kaima mambuno moglka. Na Devit kimo ake moglka, na konbo dra yauro endimbo ana yomba ta yonguglkrambuka, te na konbo dra yonguglmbo ana yomba ta yauro endekrambuka.