Matyu 9:1 - Yesus kamo wakai

¹ Yesus bot mina wu tembe pindre, ende ikine pi nigl koglo imbo ye yene kamunmo kaima plau dungwa.

Matyu 9:1 ပူးပေါင်းရင်းမြစ်များ

Matyu 4:13

Ye Nasaret kamun kindekondo endpi Kaperneam kamun Galili niglmong bina moglpai orkwa, iwe Sebulun ya te Naptali yomba makanomugl.

Matyu 7:6

“Taragl God teingo holi yongwa i ene indre agl tekriyo, te ene taragl wakai i-wan meglkwa i bugla tekriyo. Ene yegl erimbi, ye katno mina engre deruwagl baruwagl ere, okuwo ana kan ikine ende enene si ninaglkwa.”

Matyu 8:18

Yesus kangwa, yagl ambu merkinde wu ye moglmara mogl winambo digo ana ye disaipelma wagle yegl ditongwa, “Ene ende niglmong koglo imbo piyo.”

Matyu 8:23

Yesus ende bot mina suna ongo ana disaipelma wagle omara mokomugl eingwa.

Kamambuno wakai Mak muno boglkwa 5:21

Yesus kordagl bot mina ende ikine niglmong koglo imbo pi niglmong bina moglko, yomba merkinde ye moglmara makaisi mogl winambo dingwa.

Kamambuno Wakai Luk Muno Boglkwa 8:37

Ana Gerasa kamun yomba prapra Yesus no kamunomugl kondo ende enambedi pre krapogl teingwa, sraglpre ye kundugl pond geglkwa. Yeglpre Yesus disaipelma wagle botno mina ende suna pindre ana endongwa.

Kamambuno Wakai Luk Muno Boglkwa 8:40

Ana Yesus ende ikine niglmong koglo ongwa. Ana yomba merkinde ye diwakai yeitengwa. Sraglpre ye prapra unambedi pre suglmo meglkwa.

Ka Teke Pangwa 22:11

Ipre yomba taragl ere yewe yeingwa ye aimande ere yewe yei wanmoraglkwa; te yomba ta mambuno deglmbi yongwa erikwa ye aimande mambuno deglmbi yongwa eremoraglkwa. Te yomba mambuno du-wakai erikwa ye aimande du-wakai eremoraglkwa. Te God yombama holi meglkwa ye aimande holi mogl-enaglkwa.”