Matyu 6:10 - Yesus kamo wakai

¹⁰ Ene kingdomnen unano. No ene pitnere mere makandle yegl keunde eramniwo, i heven suna erimere yegl.

Matyu 6:10 ပူးပေါင်းရင်းမြစ်များ

Matyu 12:50

Yomba ta na Nina heven suna moglkwa, ye prumere pinande orkwa yomba i ye na angra ya na ambara ya te na mana meglkwa.”

Matyu 16:28

Na ka kaima ene diteinga, yomba tau magl andigl meglkwa i prapra ta goglkre kanmeglmbi kade, Yomba Wam ye king mereyegl ende atne unambuka.”

Matyu 26:42

Ye aglke kordagl ende ikine pi ana kamange orkwa, “Na Nina, geu mingi i pra i-eglke endekratnga panan, i pra na ninaglka, ene pitnere ero.”

Matyu 3:2

Ye yegl dungwa, “Ene nomano yake teiyo. Heven kingdom ende magl ungwa.”

Matyu 4:17

Enge igle Yesus mambuno bogl God kamo di pene endungwa, “Ene nomano yake teiyo. Sraglpre God kingdomo ene mina mangigl ungwa.”

Matyu 7:21

“Ene yegl di pirkraglkwa, yomba na kangina dagl, Yaglkande, Yaglkande di moraglkwa, ba ye prapra heven enaglmedi ta pirkraglkwa, yomba ta Nina heven moglkwa imbo ye prumere mere sika sinambuka i ye heven kingdom enambuka.

Kamambuno wakai Mak muno boglkwa 11:10

“God dembiyesi mitna imbo kaima endiyo! Nono neno King Devit yungumo ombuno mina suna, king kor ta ungwa i God erewakai ere tenambuka!”

Kamambuno wakai Mak muno boglkwa 3:35

Yomba ta God prumere orkwa, i na mana ya angra ya te ambara meglkwa.”

Kamambuno Wakai Luk Muno Boglkwa 19:11

Yomba ka i pir meglkwa enge, Yesus ama ka aine di simbogl suwarata di ye tongwa. Sraglpre, ye Jerusalem mangigl ongo ana yomba eremogl God kingdomo oglandi plau dinambedi pirkwa.

Kamambuno Wakai Luk Muno Boglkwa 19:38

“God wakai ere king tongwa, Yaglkande kangiye mina ungwa!” “Heven suna bipokndi yenano, ana God dembiyesi mitna imbo kaima endiyo!”

Kamambuno Wakai Luk Muno Boglkwa 22:42

“Nina ene prawedi pitn, nigl mingi na mina i korugl endo, na pirka mere i kondinatnga, ba ene piratnere mere eratnga.”

Kamambuno Wakai Jon muno boglkwa 4:34

Ana Yesus eremogl disaipel wagle ditongwa, “Na kaiya moknana, i na diendungwa yagle prumere ertre, ana na kongunmo ero di narkwa i ere kondinaglka.

Kamambuno Wakai Jon muno boglkwa 6:40

Ana Nina yegl prukwa, yomba prapra Wam kandre pirngi ditembi ye kor aimande moraglkwa. Ana enge kande mina na yomba simange ikor endinaglka.”

Kamambuno Wakai Jon muno boglkwa 7:17

Yomba ta God prumere taragl ta eragledi piran kade, ana na ka beke teinga i God mina ungwa mo nana nomano mina diga i ye pirkan erambuka.

Aposel 13:22

Ba God eremogl Sol simenda ende okuwo Devit i-pene endungo ana Israel yomba kingno moglkwa. Yagle Devit pre God yegl dungwa, ‘Na, Jesi wam Devit kan inga i na nomana wakai pir teinga, te taragl prapra erambedi na piraglmere ye erambuka.’

Aposel 21:14

No ka ditomga i ye pir ikruko ana no kindekondo ana yegl dumga, “Yaglkande prukwa mere erambiwo.”

Aposel 22:14

“Ana Ananaias ka yegl dinarkwa, ‘Nono kowano Godno nomane mina taragl ta eragledi prukwa, i ene pirpogl sindre te Yagl Du-yene i kandre te ka dra mina dinambuka i kamo piratnga pre ene pinde yungwa.

Pol pepa muno bogl Rom yomba tongwa 12:2

Ene makandle mambuno kinde pamara igle sidange ere wanmoglkriyo, ba ene ende wu eglke embi God ene nomano suna ere-ikor endinan ana mambuno kor i mina wanmoraglkwa. Yegl ere ana God nomanemo wakai eragledi prukwa i ene pirkan eraglkwa i mambuno wakai ya, God wakai pirambuka ya, te mambunomo pamere kuno kaima erambuka.

Efesus 6:6

Mambuno yegl eraglkwa i kongun sugl yomba ene mina kan meglmbi keunde ertre, ana no yomba wakai wedi dembino sinaglmedi pre pirkraglkwa, i taman. Ene eremogl Yesus Krais kongunmo yomba mereyegl meglkwa, te ene nomano ya deno munduno mina no God prumere orumniwo di piraglkwa.

Kolosi 1:13

Kaima, Satan yombuglomo ya mim deglmbi mina God nono ere-indre ana auro ipi yene Wam kanwakai yongwa kingdomo mina igle suna endungwa,

Kolosi 1:9

Ana ene mambunono wu pene ungo no prumbuglka engemo igle no ene pre kamange engenge ouglka. Te God ene akepledi tenan kade ye kongun ta ene eraglmedi prukwa ya te nomano pirpogl singwa i ene mina tenan pai kuno erambuka pre no ye kra pogl tombuglka. Ana pirpogl singwa te pirkan dime dingwa nomano i Holi Spirit ene tenambuka.

1 Tesalonaika 4:3

God yegl prukwa, ene wu holi pindre ana yagl ya ambu kunogl guagua gundingwa mambuno i mina ene mogl eglke endiyo.

1 Tesalonaika 5:18

Te taragl kanekane plau dinambuka God prukwa i Yesus Krais kangiye mina ene diwakai keunde yeiyo.

Hibru 1:14

Ana angelo wagle ye spirit wakai meglkwa pre, God eremogl yomba ta ere-inagledi prukwa mere, ana angelo wagle kongun tongo ye wu yombamo i akeple diteingwa.

Hibru 10:36

Ene giglendi andigl moraglkwa, yegl erimbi, ana God nomanemo prumere i yegl ertre ana ye taragl okuna tenagle dipanduglkwa ikra ene tenan inaglkwa.

Hibru 10:7

Ana na ka yegl diga, ‘Na pre pepa diglmbi mina muno beglko pangura. Ipre na wu kondiga God, ene pitnere na era pre winga.’”

Hibru 13:21

Ana ene taragl wakai prapra ye prumere eraglkwa ipre ene erekun ere tekondungwa, yeglpre Yesus kangiye mina yene ta wakai prumere i ana nono mina suna kongun orkwa. Ana nono aimande aimande Yesus Krais kangiye kande di ake mitna imbo ende moramga. Kaima.

1 Pita 2:15

God nomanemo yegl pangwa: Ene mambuno wakai eraglmara i ama yomba nomano kinde pango ka guagua di wanmeglkwa i ye drano sigigle di tenaglkwa.

1 Pita 4:2

Yeglpre ene nangino bogl moraglkwa enge, yomba mambunono goglo i mina duglo boglkraglkwa. Tamanga, God prumere i keunde duglo bogl moraglkwa.

Ka Teke Pangwa 11:15

Ana angelo namba 7 biukulmo bendungo, heven imbo tau nunguno embriye binan bogl yegl dungwa: “Yaglkande God ya te ye Kraismo bogl makan koglkoglo yei-ongwa i ye king miurkura. Ana Yaglkande king aimande aimande morambuka.”

Ka Teke Pangwa 12:10

Ana ka kande ta heven suna yegl dungo nungo embriye pirka: “Erme Godno nono ere-yungwa, ya yombuglomo ya ye kingdomo ya te Krais yombuglomo kande i ombuno dinambuka. Sraglpre, nono angro pirngi dingwa wagle God ongumuglo mina ermine ya enduwer ka-tange te meglkwa yomba ikra si makandle endingwa.

Ka Teke Pangwa 19:6

Ana taragl ta yomba merkinde kaima ka dimere yegl digo te nigl kande sungwa mudumere yegl ya kamun gurgagla pond dumere yeglmere digo na pirka i yegl dingwa: “God dembiyesi mitna imbo endiyo, sraglpre, ye Yaglkande nono Godno ye yombuglo kande pango erme king kaima moglkwa.

Ka Teke Pangwa 20:4

Ana na kaniga sia king tau yongo ana yomba tau siamo igle amedingwa. Ye kot mina yomba mambunono yumbu sinaglkwa pre God kongun tongwa. Yomba merkinde sigeglkwa spiritno kaniga ye eremogl Yesus wedi pirngi dindre kangiye dembiyesi pene ende te God kamo ake gidingwa. Yegl erikwa ipre kunda ikine eremogl nunguno gariko ana geglkwa. Te na kaninga yomba eremogl kambu are ya kuiyamo dembiye karaugl erekre te ye munomo mamburo mina ya onguno mina ikrikwa yomba, ye kor-moraglkwa indre ana Krais bogl akiye buglayungu 1,000 king meglkwa.