Matyu 4:13 - Yesus kamo wakai

¹³ Ye Nasaret kamun kindekondo endpi Kaperneam kamun Galili niglmong bina moglpai orkwa, iwe Sebulun ya te Naptali yomba makanomugl.

Matyu 4:13 ပူးပေါင်းရင်းမြစ်များ

Matyu 11:23

Ana ene Kaperneam kamun nem, enene akepledi i-kamun mitna endinaglmo? Tamanga. Ene ake piyasi endimbi geglkwa dumo atne enaglkwa. Ene mina suna kimagl ounga i Sodom kamun ouna daglma, kamun i erme yei pango.

Matyu 17:24

Ana okuwo Yesus disaipelma bogl Kaperneam kamun wu plau dingo, ana God holi yungumo pre takis ingwa yomba ye wu Pita moglmara krapeglkwa, “Ene beke tongwa yomba takis toduno?”

Matyu 4:14

Sragl yegl orkwa i propet Aisaia ka dungwa pamara i kaima paiyungwa:

Matyu 4:15

“Sebulun makan ya te Naptali makan, konbo endpi mundi nigl kande ongwa, Jodan Nigle bina Galili kamun igle Yomba Bina meglmara.

Matyu 9:1

Yesus bot mina wu tembe pindre, ende ikine pi nigl koglo imbo ye yene kamunmo kaima plau dungwa.

Kamambuno wakai Mak muno boglkwa 1:21

Ye ende Kaperneam kamun eingo ana Sabat enge yongwa, Yesus ende makai yungu yungugl pindre ana mambuno bogl ka beke tongwa.

Kamambuno wakai Mak muno boglkwa 2:1

Ande enge tau endongo okuwo, Yesus aglke ende ikine Kaperneam kamun ongwa. Ye ende yungugl ongwa i ana ka wai dungo yomba pirkwa.

Kamambuno Wakai Luk Muno Boglkwa 10:15

Ana ene Kaperneam yomba enene akepledi yend mitna imbo heven enaglmo? Tamanga, ene piyasi geglkwa dumo atne endinaglkwa.”

Kamambuno Wakai Luk Muno Boglkwa 4:23

Yesus di ye tongwa, “Na pirka ene na pre kaima ka yegl dinaglkwa, ‘Dokta, enene kinden erewakai ero! No punga ene Kaperneam kamun suna etnere ikra mere kuno yegl ama enene kamun kande mangigl igle ero dinaglkwa.’”

Kamambuno Wakai Jon muno boglkwa 2:12

Ana okuwo Yesus ya mam ya angiglma ya te disaipelma bogl akiye end-ime Kaperneam kamun eingwa. Ye ande enge suwomta igle meglkwa.

Kamambuno Wakai Jon muno boglkwa 4:46

Ana Yesus aglke kordagl ende ikine Kena dumo kande Galili kamun suna ongwa. Igle ye okuna niglkor orko wu wain ongwa. Ana igle king kongunmo yomba ta wam kinde sungo Kaperneam kamun paimoglkwa.

Kamambuno Wakai Jon muno boglkwa 6:17

Igle ye bot ta mina ende egli pindre ana niglmong sipraksi ende Kaperneam kamun enapre ende eingwa. Ana kamun mim pai kondungo, ye eimara igle Yesus akiye ta pikrikwa.

Kamambuno Wakai Jon muno boglkwa 6:24

Yomba kanigwa Yesus disaipelma bogl igle moglkrikwa, ana ye bot tau wingwa ikra mina ende suna pi, Yesus pre doko ende Kaperneam kamun eingwa.

Kamambuno Wakai Jon muno boglkwa 6:59

Kaperneam kamun makai yungu yungugl kra Yesus ka bekete mogltre ana ka i ditongwa.