Matyu 26:56 - Yesus kamo wakai

⁵⁶ Ba taragl prapra plau dungwa i propet yegl erambedi kamambuno pepa mina suna boglmere kaima plau dungwa.” Ana disaipelma wagle prapra ye kindekondo ana teke ende perepere eingwa.

Matyu 26:56 ပူးပေါင်းရင်းမြစ်များ

Matyu 21:42

Yesus ditongwa, “Ene kamambuno mina ka suna okuna beglko pangwa i kere pirkrimo? “‘Yungu keingwa yomba kombuglo i kinde yomedi plendi menda endingwa, ba kombuglo i yungu uglomugl kauglange giglendi pangwa, i Yaglkande ye yene orkwa. Ana taragl i no ongumutno mina wakai kaima pango kamga.’

Matyu 26:24

Yomba Wam gorambedi kamambuno pepa mina muno beglko pangwa ye kaima gorambuka. Ba Yomba Wam yaglkumba ikine tongwa yomba i yumbun kande inambuka, mam okuna kugl yeikruma daglma i wakai kaima orko.”

Matyu 26:31

Ana Yesus disaipelma wagle ditongwa, “Erme enduwer i keunde ene prapra na pre teke ende pindre ana na kondinaglkwa. Kamambuno pepa mina yegl dungwa: “‘God eremogl sipsip sugl yomba sigoran, ana sipsip undupagl ere ende perepere enaglkwa.’

Matyu 26:54

Ba yegl erimbo kande, kamambuno pepa mina okuna muno beglko pangwa i mongo kaima srambre ere pai inambe? Taragl i prapra na mina pai inambuka.”

Kamambuno Wakai Jon muno boglkwa 16:32

Ba enge ta unambuka ikra wu kondungwa. Engemo igle ene teke wu perepere pindre ana ende enene yungunomugl enaglkwa. Na kondimbi mundu moraglka, ba nana mundu ta moglkraglka, Nina na bogl akiye mouglka.

Aposel 1:16

“Angrima wagle! Judas eremogl yomba auro ipi Yesus moglmara ombunodi tenan sikane sinaglkwa i kamo Holi Spirit akeple dungo Devit kamambuno pepa mina okuna muno boglkwa i kaima pai inambuka.

Aposel 2:23

God yene kamkand eragledi di panduglmara pre ana yagl i tekoglo ene mina endungo ana yomba kinde akeple dingo ene ye ipi endi-prak mina buglo-nil si pandiglkwa.

2 Timoti 4:16

Komnaiye kana na kot erika enge yomba ta na bogl mogl kanna ta dikrikwa, tamanga. Yomba prapra na kinde kondingwa. Ba ye mambuno kinde erikwa i God kindekondo tenambedi pre na kamange ereteinga.