Matyu 25:34 - Yesus kamo wakai

³⁴ “Ana King ye yomba ongo wokra meglkwa yegl ditenambuka, ‘Wiyo, na Nina ene mina wakai ere tongwa pangwa. Ana undre kingdom inaglkwa, i Nina kamun makan ere yongwa enge ene pre erekuno erekondo endungwa yongwa.

Matyu 25:34 ပူးပေါင်းရင်းမြစ်များ

Matyu 13:35

Yegl orkwa i propet ta ka yegl dungo pangwa i mongo kaima paiyungwa. Ana propet i ka yegl dungwa: “Na ka di simbogl keme ditenaglka, na dumo makan plau dungwa enge ime taragl kanekane tau teke pai ungwa i dinaglka.”

Matyu 19:29

Ana yomba ta ye na kangina mina yungumo ya angiglma ya ambaglma ya nem ya mam ya nangiglma mo te dumo makanmo kinde kondungwa, ye taragl suwara suwarandi kondumara i taragl merkinde indre, te kor aimande morambuka akiye inambuka.

Matyu 20:23

Yesus yegl ditongwa, “Ene kaima na nigl mingina i ninambrika. Ba na onguna wokra mo kondakra amedi morambre dinaglka paikrukwa. Angai dumo suwo i Nina erekuno ere yomba tekondungwa yongwa.”

Matyu 21:5

“Saion yagl ambu diteyo, ‘Kaniyo, ene kingno meglmara ungwa. Ye yomba yoko kangiye paikrukwa mere ere, ana bugla-dongi bolamugl ausi moglkwa. Ana ye bugla-dongi nangigle ta moko bolamugl amedi mogl endungwa.’”

Matyu 25:21

“Ana yagl kandemo di ikine endungwa, ‘Kuno orkwa. Ene kongun yomba wakai, pamere etnga. Ene taragl kembra mina sugl wakai motnga, ana na ene diendimbo taragl kande mina sugl moratnga. Ene ende suna wu, ana na bogl gun yenatnga.’

Matyu 25:23

“Yagl kandemo yegl di ikine endungwa, ‘Wakai etnga, ene ama kongun yomba wakai pamere etnga. Ene taragl kuri mina sugl wakai motnga, ana na ene diendimbo taragl mere mina sugl moratnga. Ene ende suna wu na bogl gun yenatnga.’

Matyu 25:40

“Ana king di ikine endinambuka, ‘Na ka kaima ene ditenga, ene taragl ta na angrima wagle kiuglgiunde atne meglkwa i suwarata eretengwa, i ene na ere narikwa.’

Matyu 25:41

“Ana ongo kondakra meglkwa ditenambuka, ‘Na moglmara ende eglke piyo, God ene taya enaglme ditongwa yomba. Ene endpi donga aimande depamara suna piyo, i Satan ye angelomo bogl moraglkwa pre ana akekun ere yeingwa.

Matyu 27:37

Ye bre wagle egli kra kot ereteingwa kamo ikra, yegl muno bogl endingo pangwa: i yesus, juda yomba ye kingno.

Matyu 3:2

Ye yegl dungwa, “Ene nomano yake teiyo. Heven kingdom ende magl ungwa.”

Matyu 5:19

Yeglpre yomba ta God lomo i suwarata piran taragl yoko mereyegl eran sende pandigl, ana pi yomba ta bekete mambuno yegl ero dinan, ana ye heven kingdom imbo kangiye wu atne enambuka, ba ye na lona i sika sindre ana yomba ta bekete kuno yeglmere eriyo dinan, ye kangiye kande heven kingdom suna panambuka.

Kamambuno wakai Mak muno boglkwa 10:17

Yesus mambuno bogl endongo yagl ta mukundi wu Yesus guma mina undre, yange goglko bondugl tendre ana krapogl tongwa, “Beke Notnga, yagl wakai, na sragl ere kor aimande moraglka inagle?”

Kamambuno wakai Mak muno boglkwa 10:40

ba onguna wokra amedinaglkwa mo kondakra, i na ta moglo ditenaglka kuno erekrukwa. Dumo yeglmere yomba inaglmedi pre God akekun ere kondungwa yongwa.”

Kamambuno Wakai Luk Muno Boglkwa 11:28

Ba Yesus di ikine endungwa, “Yomba ta God kamo pirtre ana dumere pinande erikwa, ye gun yenaglkwa.”

Kamambuno Wakai Luk Muno Boglkwa 11:50

Yeglpre yomba enge erme meglkwa yumbun inaglkwa, i ye propet sigogl wingwa i God mambuno bogl kamun makan ere yongwa enge pai ende wu erme mangigl i ungwa.

Kamambuno Wakai Luk Muno Boglkwa 12:32

“Sipsip kuri meglkwa ene kundugl goglkriyo. Sraglpre Neno kingdom ene tenagledi munduwo pangwa.

Kamambuno Wakai Luk Muno Boglkwa 19:38

“God wakai ere king tongwa, Yaglkande kangiye mina ungwa!” “Heven suna bipokndi yenano, ana God dembiyesi mitna imbo kaima endiyo!”

Kamambuno Wakai Jon muno boglkwa 1:49

Nataniel di ikine endungwa, “Beke Notnga, ene God Wam, Israel yomba Kingno.”

Kamambuno Wakai Jon muno boglkwa 12:13

Ipre yomba endi palm yaundongo bukondi ake indre ana ye umara kanamnedi ende menda pindre ana ye mangre, oodi, dingwa, “God dembiye siyo!” “God ere wakai ere yomba i tenambuka, ye Yaglkande kangiye mina ungwa!” “God ere wakai ere Israel yomba kingno tongwa!”

Kamambuno Wakai Jon muno boglkwa 17:24

“Nina, yomba na natnga i keunde na moraglmara igle mogltre ana ye na ambuglangena i kanaglkwa, te ambuglangemo i ene na natnga, sraglpre kamkua ya makan ere yeikre ene okuna kana na kanwakai yenga.

Kamambuno Wakai Jon muno boglkwa 19:15

Ana Juda yomba ka muglkumdi di ikine endingwa, “Ye sigolo! Sigolo! Ye endi-prak mina siyo!” Pailat krapogl ye tongwa, “Ene kingno i na endi-prak mina sinambedi pirmo?” Ana pris kande wagle di ikine endingwa, “No kingno ta-ta moglkrikwa, Sisa suwara kaima moglkwa.”

Aposel 15:18

i okuna imbo Yaglkande dungo pirkondingwa.

Aposel 3:26

Ana God nigl-kongunmo yomba ta i-pendigl ende ana diendungo wu ene meglmara komnaiye moglkwa, i ye erewakai ere ene tendre te suwara suwarandi akeple ditenan ana tandaglme kinde kanekane erikwa i mokono te kondinaglkwa.”

Pol pepa muno bogl Rom yomba tongwa 8:17

Ana nono God nangiglma kaima moun, okuwo God Neno taragl wakai yombama inaglme dipanduglkwa ikra nono inamga, i ama Krais bogl akiye inamga. Ipre Krais yumbun yumere yegl nono yumbun yumun ana ye kangiye kande yumere yegl nono ama kangino kande indre ye bogl akiye moramga.

1 Korin 15:50

Angrima wagle, na ka kaima ene diteinga, yomba makan nangino pangwa ya bormai moglkwa i God kingdomo mina suna pikraglkwa. Te makan taragl dundinambuka i pi heven taragl dundikrambuka i ta ikraglkwa.

1 Korin 2:9

Ba no ka dumga i pepa mina yegl beglko pangwa: “Taragl yomba ongumutno kankrikwa, te kinano pirkrikwa, te taragl i plau dinambedi nomano mina ama pirkrikwa, ana yomba God wakai kaningwa ye pre taragl i ye ake non-nan ere yeitongwa.”

1 Korin 6:9

Ana tandaglme erikwa yomba ye God kingdomo mina suna pikraglkwa, i ene pirkrimo? Yagl ye ambu kunogl gundingwa, god kimbi dembiye karaugl erikwa yomba, yagl ya ambu bogl ingwa ye kunogl gundingwa, yagl ye yene kambrika gundingwa, te ambu yene kambrika gundingwa.

Galesia 5:21

Te yomba mirmogl tengwa ya wain gigle dungwa ne du ka dindre te karaugl engrikwa te mambuno kinde kanekane erikwa. Na okuna ka yegl ditekondigra ikra erme kordagl diga. Yomba mambuno yegl erikwa ye God kingdomo mina suna pikraglkwa.

Efesus 5:5

Ipre, ene pirkan erikwa. Yagl ambu guagua ere kunogl gundingwa ya te taragl kinde tau nike dongwa te ye yene wedi nomane kande pangwa yomba ana yomba yeglmere god kimbi duglo beglkwa, yombamo ye eremogl Yesus ya God kingdomno mina suna ukraglkwa.

1 Tesalonaika 2:12

No ene nomano uglo yoko te deno munduno sigigle ditendre, te God kanambumere yegl wanmoraglmedi pre no ene ditomgra. Sraglpre God yene kingdomo mina ambuglange si dumara suna moraglmedi pre ene digaglkwa.

2 Timoti 2:12

Nono andigl gidi mogl yumbun kanekane kakumun, ana ye king morambara igle nono ama akiye moramga. Te nono ye mokono tomun, ye ama nono moko norambuka.

2 Timoti 4:8

Ana mukundi ende okuna wingwa topono du-yene inaglkwa ipre yei-pangwa; topomo i ekin nogl bitno gagl, i Yaglkande ka tange du-yene pirpir orkwa yagle enge kande mina i na narambuka. Te na keunde manga, ba yomba tau ye kanwakai yei unambuka pre sugl kanmeglkwa i ombugl akiye bitno gagl tenambuka.

Hibru 1:14

Ana angelo wagle ye spirit wakai meglkwa pre, God eremogl yomba ta ere-inagledi prukwa mere, ana angelo wagle kongun tongo ye wu yombamo i akeple diteingwa.

Hibru 11:16

Ye makano okuna ipre ta dikrikwa, ba ye dumo makan kor wakai ta inamunedi pre munduno pangwa i heven suna yongwa. Te God pre ye Godno we dinaglkwa i God angai ta goglkrukwa, sraglpre, ye sitino God akekun ere yei kondungwa.

Hibru 4:3

Ana nono ta pirngi dinamga yomba ende wakan meglkwa dumomo suna enamga pre God ka yegl dungwa, “Na dena kumbruko ka giglendi dipandigl ende pandiglkra i ‘ye na wakan moglmara dumo i ta ukraglkwa.’” Ba dumo makan ere yongwa enge kongun kanekane pra orkwa dundungwa.

Hibru 9:26

Te ye ofa tongwa i enge mere ta tenambuka pama daglma, ana God dumo makan kor ere yongwa enge ikra Yesus mambuno bogl ofa te uma erme ungo. Ba tamanga, ye enge suwarata bormaimo God ofa tongwa i yomba prapra pre kuno orkwa. I enge dundinambuka magl orko ana ye enge suwarata bormaimo tongwa i yomba tandaglmeno koko endungwa.

Jems 2:5

Angrima wagle, ene piryo yomba tau makandle yomba ongumutno mina kiuglgiunde meglkwa i God pinde i-pere endungo, ye pirngi dimara i taragl merkinde paitongwa. Ana yomba God deno munduno teingwa mere ye ka okuna dipandiglmara i mina ye kingdomo tenan kiuglgiunde yomba suna igle moraglkwa.

1 Pita 1:9

Ana ene pirngi dingwa i mina mongo yegl koglkwa: God ene kuiyano ere-yungwa.

1 Pita 3:9

Mambuno kinde ere tembi ene mambuno kinde ere te ikine endekriyo. Te tori baglte tembi, ene mongo tori bagl tekraglmiwo. Ba God ere wakai ere ye tenambedi pre kamange ere teiyo. Ene yegl eraglkwa pre God ene pinde yungwa, ana yegl erimbi God ere wakai ere tenan ene inaglkwa.

Ka Teke Pangwa 13:8

te yomba makandle koglkoglo mogl-eingwa, ye God dumo makan ereyongwa enge kangino kor aimande meglkwa buk mina paikrukwa, ye kambu are dembiye karaugl ere tenaglkwa. Ana bukmo i Sipsip Nangigle okuna sigeglkwa ikra bukmo.

Ka Teke Pangwa 17:8

Kambu are ene kanga i okuna moglkwa ba erme moglkrukwa. Ana okuwo guglo kamun mina wu egli pi ana wu kinde kaima pi kondinambuka. Makandle yomba tau okuna God dumo kamun makan ere yongwa enge, ye kor aimande meglkwa pepa mina i kangino suna paikrukwa, ye kambu are kandre sipuglo dinaglkwa. Sraglpre, ye okuna moglkwa te erme moglkrukwa ba okuwo unambuka.

Ka Teke Pangwa 19:16

Ana gaglmo suna mina ya te bikiye mina ye kangiye yegl beglko pangwa: King prapra ye kingno mogltre te yomba kande prapra ye yombano kande moglkwa.

Ka Teke Pangwa 21:7

Ana yomba ta kunda yombuglo ere wanmoglkwa, ye taragl i prapra inan ana na ye Godmo moglmbo te ye na wana morambuka.

Ka Teke Pangwa 5:10

Ana ene etngo ye king yungumo ombuno ta mogltre te no Godno prismo mogl. Ye makandle yomba sutno mogl ana God kongunmo erikwa.”