Matyu 25:10 - Yesus kamo wakai

¹⁰ “Ana ambai pirpogl sikrikwa ye kerosin topo eramnedi ende eingo, ana ambu kor bogl inambuka yagle ungwa. Ana ambai 5 akekun ere meglkwa ikra, ye bogl akiye yagl ambu bogl ingwa kaiya mokna nemara ende suna eingo, ana yungu dra yongugl getndungwa.

Matyu 25:10 ပူးပေါင်းရင်းမြစ်များ

Matyu 24:42

“Yeglpre ene kanpoglsi sugl molo, ene Yaglkandeno enge aunake unambuka i pirkrikwa.

Matyu 24:43

Ana i pirpogl siyo. Yungu nemyagl ye kunogl gogl yomba unaglkwa enge i ta piran, ana ye enduwer ugl paikre kor-mogltre, ana kunogl gogl yomba ta kanwinge eran ye yungumo ta si anda bogl ende yungugl pikrambuka.

Matyu 24:44

Yeglpre ene engenge akekun ere moraglkwa. Sraglpre, Yomba Wam unambedi ene pirkre moraglkwa enge ye unambuka.

Matyu 25:6

“Ba enduwer suna yongo wiyau ta ungwa, ‘Ambu kor bogl inambuka yaglmo ikra umiwo. Ene wu bange kaniyo!’

Matyu 7:21

“Ene yegl di pirkraglkwa, yomba na kangina dagl, Yaglkande, Yaglkande di moraglkwa, ba ye prapra heven enaglmedi ta pirkraglkwa, yomba ta Nina heven moglkwa imbo ye prumere mere sika sinambuka i ye heven kingdom enambuka.

Kamambuno Wakai Luk Muno Boglkwa 12:35

“Ene gatno ende kumatno de gidindre ana taragl plau dinambuka ipre akekun erimbi ana ken-lamno aimande depanambuka.

Kamambuno Wakai Luk Muno Boglkwa 13:25

Ana yungu nemyagl andigltre yungu dra yonguran ene wu menda andigl mogl dra sigiu dindre ana dinaglkwa, ‘Yagl kande, yungu dra yauro ende noro.’ “Ba ye di ikine endinambuka, ‘Ene dumo aglokra mogl wingwa. Na ene ta kanpogl sikrika.’

Kolosi 1:12

Ene gun yendre God Neno Kande diwakai yei tenaglkwa, sraglpre, ye ere endungo ene kuno kaima orko kade ana God kingdomo ambuglange si yomara ye yombama taragl wakai inaglmedi endungo yongwa i ene ye bogl yumbusi inaglkwa.

2 Timoti 4:8

Ana mukundi ende okuna wingwa topono du-yene inaglkwa ipre yei-pangwa; topomo i ekin nogl bitno gagl, i Yaglkande ka tange du-yene pirpir orkwa yagle enge kande mina i na narambuka. Te na keunde manga, ba yomba tau ye kanwakai yei unambuka pre sugl kanmeglkwa i ombugl akiye bitno gagl tenambuka.

1 Pita 1:13

Ipre ene nomano du-wakai yenan akekun eremoraglkwa. Te nomano mundu koglosi pirngino mina pandigl, ana Yesus Krais unongugl enan God wakaimo i tenambuka ipre suglmo moraglkwa.

Ka Teke Pangwa 1:7

Kaniyo, ye kamun kua mina suna mogl una orkwa, ana yomba prapra ongumutno mina ye kanaglkwa, te kuglange mina ya buglo-nil mina singwa yomba ikra ama kanaglkwa. Te makandle yomba prapra ye pre kinano suwo gundo piutno tagla sindre kai giglange sinaglkwa. I kaima yene, yegl panambuka.

Ka Teke Pangwa 19:7

Nono wakai pir gunyei kangiye kande tenamga! Sraglpre, Sipsip Nangigle ye ambu inambuka engemo yongo te ye inambuka ambumo i yene akekun ere kondungwa.

Ka Teke Pangwa 22:20

Yomba taragl i prapra dinongugl endungwa yagle yegl dungwa, “Kaima yene, na oglandi unaglka!” I kaima, Yaglkande Yesus, ene wo!