Matyu 24:30 - Yesus kamo wakai

³⁰ “Enge igle Yomba Wam diumo kamun kua moro endumara suna plau dinambuka. Ana makan koglkoglo yomba prapra piutno taglasi kai ere kanimbi, ana Yomba Wam heven kamun kua kruwo mina bolamugl ye yombuglomo ya ambuglangemo pond bogl akiye unambuka.

Matyu 24:30 ပူးပေါင်းရင်းမြစ်များ

Matyu 24:3

Yesus Olip Kamun Muglo igle amedi moglko, ana disaipelma keunde Yesus moglmara undre dingwa, “Dinoro, taragl i enge aunake plau dinambe? Ana ene unatnga enge diu sraglmere eran kamuno ana kamkua ya makan dundinambe?”

Matyu 24:37

Noa engemo erimere yeglmere, yomba Wam unambuka enge kuno yegl eraglkwa.

Matyu 24:39

Ana ye taragl yegl plau dinambedi pirkre meglko, nigl kande si wu prapra sikake yendongwa. Ormere yeglmere, Yomba Wam unambuka enge kuno yegl plau dinambuka.

Matyu 26:64

Yesus di ikine ende tongwa, “Kaima dinga iwe. Ba na ene prapra diteinga, okuwo ene kanimbi Yomba Wam ye God Yombuglo Norkwa Nem ongo wokra amedi mogltre ana heven kamun kua bolamugl unambuka.”

Kamambuno wakai Mak muno boglkwa 13:26

“Ana enge igle Yomba Wam kamun kua mina sunakra yombuglomo kande ya ambuglangemo bogl unan ana yomba kanaglkwa.

Kamambuno wakai Mak muno boglkwa 13:4

“No dinoro, taragl i enge aunake plau dinambe? Deu sraglmere plau dinan kandre ana taragl i prapra pai inambuka magl ormedi piramne?”

Kamambuno Wakai Luk Muno Boglkwa 21:27

Enge igle yomba kanimbi Yomba Wam kuakawa mina suna unambuka i yombuglo ya ambuglangemo kande bogl akiye unambuka.

Kamambuno Wakai Luk Muno Boglkwa 22:69

Ba enge erme yei ende imbor enambuka, Yomba Wam ye God yombuglo kande pangwa, ongo wokra amedi morambuka.”

Aposel 1:11

ana yegl dimbrika, “Galili yomba! Sragl orko ene igle aimande andigl mogl kan mitna kamun kua mina ende meglme? Yesus erme ene kindekondo ende heven ongo kanigwa, ana okuwo omere yeglmere ye ikine unambuka.”

2 Tesalonaika 1:7

Ana okuwo Yesus ya angelomo gigle dingwa wagle bogl heven kondo te donga bauglo bogl ende atne ombuno dinaglkwa enge i ene yumbun ingwa pre God ere endinan wakai meglmbi te no ama yegl wakai moramga.

Ka Teke Pangwa 1:7

Kaniyo, ye kamun kua mina suna mogl una orkwa, ana yomba prapra ongumutno mina ye kanaglkwa, te kuglange mina ya buglo-nil mina singwa yomba ikra ama kanaglkwa. Te makandle yomba prapra ye pre kinano suwo gundo piutno tagla sindre kai giglange sinaglkwa. I kaima yene, yegl panambuka.

Ka Teke Pangwa 12:1

Ana heven suna diu kande ta wu pene ongwa. Igle ambu ta moglko ana ande ye gaglmo suna mereyegl endungwa te ba ye kagle mina atnekra pangwa. Te bre mina kugl-kuri 12 ekin bre gagl wakai kaima mereyegl ende moglkwa.