Matyu 23:4 - Yesus kamo wakai

⁴ Ye taragl yumbun pond dongwa koglo sindre ana ipi yomba kombano mina kake teingwa. Ba ye yene onguno mongo ta suna ende akeple dimbi kake yenaglkwa manga.

Matyu 23:4 ပူးပေါင်းရင်းမြစ်များ

Matyu 23:23

“Lo beke teingwa yomba ya Parisi wagle, ene kakimbi yomba, yumbun kandekinde ene mina plau dinambuka! Ene taragl demine orkwa gene ya bongugl-dange ya, te karaugl yaundo ingwa enge, 10 mina suwarata God tengwa. Ba lo giglekuidi kaima beke tendre enene erekrikwa. I embriye du ya mitno geglkwa ya, mambuno du-wakai te pirngi dingwa. Taragl i prapra ene duwo ere ana ta kinde kondokriyo.

Matyu 23:3

Yeglpre taragl eriyo ditenaglmere ene eraglkwa. Ba ye embriyeno i ta ene sikasi erekriyo. Ye ka beke teingwa ba ye yene ka beke teimere i ta erekrikwa.

Kamambuno Wakai Luk Muno Boglkwa 11:46

Ana Yesus di ikine endungwa, “Lo pirpogl singwa yomba ene mina ama yumbun kinde kaima plau dinambuka. Sraglpre ene yomba yumbun pond teingo ye kake yenaglkwa yumbun orkwa. Ba enene onguno mongo suwarata ta duglosi yumbun ye kake yeingwa i ta akeple dikrikwa.

Aposel 15:10

Sraglpre ene erme God ta eran kanamnedi erme? Ene taragl yumbun murki dongwa i disaipel ta kake tekriyo. Ana okuna imbo nono kowano awano ya te nono yumbun kakumgra, i aglketa kakinamga pre dimo?

Aposel 15:28

Ana Holi Spirit no mina mogl norko no ka yegl dumga, no aglke yumbun ta ene pandigl tembe ende tekramga. Ba ka ditomnere i keunde ene sika siyo.

Galesia 6:13

Te yomba tau nangino punduwo beglkwa ye lo dumere ta pinande erekrikwa. Ye pirkwa ene nangino punduwo boraglmara i mina ye kangino kande inamunedi pirkwa.

1 Jon 5:3

Nono God pre munduno panan, ye lomo prapra pinande eramga. Ye lomo i wirigl ta paikrukwa.

Ka Teke Pangwa 2:24

Ba ene yomba tau Taiataira kamun meglkwa i ambumo ka kinde beke tongwa i ene erekre te ‘Satan mambunomo teke kaima pangwa,’ we dingwa i ene ta beke pirkrikwa. Ipre na yumbun tau-tau ta ene tekraglka.