Matyu 22:31 - Yesus kamo wakai

³¹ Ana yomba geglkwa andigl ukor enaglkwa i God ka ene ditongwa ikra kere pirkrimo? God dungwa,

Matyu 22:31 ပူးပေါင်းရင်းမြစ်များ

Matyu 12:3

Ana Yesus yegl di ikine ende tongwa, “Ene okuna Devit yombama bogl kindan gogl sragl erikwa i ene kere pirkrimo?

Matyu 12:7

Ka ta yegl God pepamo mina beglko pangwa, ‘Na kombuglange gagl naraglkwa pre manga, na ene yomba mitno goraglmedi pirka.’ Tandaglme erekrikwa yomba ene dikinde yeikraglkwa.

Matyu 21:16

Ana ye krapogl Yesus teingwa, “Ene gak kembra ka dingwa i pitno?” Ana Yesus yegl di ikine ende tongwa, “Owo, ene kamambuno pepa mina pangwa i kerekrimo? “‘Gak kembra ya, kuglambu ye drano mina ene dembin si tenaglkwa.’”

Matyu 21:42

Yesus ditongwa, “Ene kamambuno mina ka suna okuna beglko pangwa i kere pirkrimo? “‘Yungu keingwa yomba kombuglo i kinde yomedi plendi menda endingwa, ba kombuglo i yungu uglomugl kauglange giglendi pangwa, i Yaglkande ye yene orkwa. Ana taragl i no ongumutno mina wakai kaima pango kamga.’

Matyu 22:30

Yomba geglkwa andigl ukor enaglkwa enge, ye angelo heven suna meglkwa yeglmere mogltre ana yagl ambu ta bogl ikraglkwa.

Matyu 22:32

‘Na Abraham Godmo mogl, te Aisak Godmo mogl, ana Jekop Godmo moglkwa.’ God ye yomba geglkwa Godno ta manga. Ye yomba kor-meglkwa Godno moglkwa.”

Matyu 9:13

Ene pindre God kamo pangwa i kere piryo, ‘Kombuglange gaglkwa ipre na nomana kande paikrukwa, ba yomba mitno goraglkwa pre na nomana kande pangwa.’ Na yomba du-yene aglendi inagledi pre ta ukrika, na tandaglme yomba di-inagledi pre winga.”