Matyu 22:18 - Yesus kamo wakai

¹⁸ Ba Yesus ye nomano kinde i kan-kondo ana ye yegl dungwa, “Ene kakimbi yomba, sraglpre ene na sigoramnedi pre ka dikeglme?

Matyu 22:18 ပူးပေါင်းရင်းမြစ်များ

Matyu 12:15

Parisi wagle ka dingwa i Yesus pirtre, ana dumo igle kindekondo endongwa. Ana yomba merkinde kinde sungwa ye omara mokomugl eingo, ana ye kindeno erewakai ere tongwa.

Matyu 19:3

Parisi wagle tau Yesus moglmara krapogl diporamnedi pre wu yegl dingwa, “Yagl ta mambuno kanekane mina embiye sendinambuka nono lono mina prawe dumo?”

Matyu 22:17

No dinoro, ene sragl we dipitn? Nono takis Sisa pra tenamuno mo tekramne?”

Matyu 22:19

Ene moni mongo takis tenaglkwa na ombuno dimbi kanimbo?” Ye moni mongo ta yundre Yesus teingwa.

Kamambuno wakai Mak muno boglkwa 12:5

Te kongun yomba ta ama diendungwa. Ana yaglmo suwara i ye sigeglkwa. Ana ye tau ama kuno yeglmere diendungo, ana tau ye ere sindre, tau sigeglkwa.

Kamambuno wakai Mak muno boglkwa 2:8

Yomba nomano mina poglodi pirkwa i Yesus oglandi kandre ana ye ditongwa, “Sraglpre ene taragl i poglodi pirme?

Kamambuno Wakai Luk Muno Boglkwa 10:25

Lo beke tongwa yagl ta undre ana Yesus dipiragledi pre krapoglkwa, “Beke Notnga, na sragl ere kor aimande moraglka inagle?”

Kamambuno Wakai Luk Muno Boglkwa 20:23

Yesus eremogl ye kakimbi kogl dingwa i kanpogl sindre ana ye ditongwa,

Kamambuno Wakai Luk Muno Boglkwa 5:22

Yesus ye pirkwa i kan kondo ana ye krapogl tongwa, “Sraglpre ene nomano mina suna ka yegl pirme?

Kamambuno Wakai Luk Muno Boglkwa 9:47

Ana ye ka pirkwa i Yesus kandre ana gak kembra ta indre ana yene moglmara koglokra endungo andigl moglkwa.

Kamambuno Wakai Jon muno boglkwa 2:25

Yeglpre yomba ta eremogl Yesus ditendre ye mambunono yegl we ta dikrambuka, sraglpre Yesus yene yomba nomano mina taragl suna yongwa i kan-kondungwa.

Kamambuno Wakai Jon muno boglkwa 8:6

Ye yegl dingwa i ana Yesus ka ta di aglau eran pirtre ana ka di nangiye dangina mounedi pre dingwa. Ba ye kan makandle ende ana ongo mongo pagl makan mina muno bogl moglkwa.

Aposel 5:9

Yegl dungo ana Pita di ye tongwa, “Sraglpre ene win bogl ka dikogltre Yaglkande Spiritmo bakagl tenapre dimbre? Pitno, ene win maugl singwa yomba wingwa yungu dramugl meglkwa, ye ama ene yombugl ipi maugl sinaglkwa.”

Ka Teke Pangwa 2:23

Ye yombama ombugl sigoglmbo ana God yombama prapra pirkan eraglkwa, na yomba prapra nomano ya deno munduno mina kanpogl sungwa yagle moglmedi piraglkwa. Te ene suwara suwarandi mambuno sraglmere erimere i na topo pond bagl te ikine endinaglka.