Matyu 21:43 - Yesus kamo wakai

⁴³ “Yeglpre, na ene diteinga, God kingdomo ene mina i-eglke ende, ana yomba yungu ombuno ta tenan ye mongo pamere wakai koraglkwa.

Matyu 21:43 ပူးပေါင်းရင်းမြစ်များ

Matyu 12:28

Ba na God Spiritmo mina spirit kinde sendiga panan ana ene kanaglkwa, God kingdomo i ene meglmara wu plau dungwa.

Matyu 21:41

Ye di ikine ende teingwa, “Sugl yomba kinde ye erekinde erete, sigogltre, ana wain togl i sugl yomba tau tenan, ye engemo pamere kuno ere wain mongo uro tenaglkwa.”

Matyu 21:42

Yesus ditongwa, “Ene kamambuno mina ka suna okuna beglko pangwa i kere pirkrimo? “‘Yungu keingwa yomba kombuglo i kinde yomedi plendi menda endingwa, ba kombuglo i yungu uglomugl kauglange giglendi pangwa, i Yaglkande ye yene orkwa. Ana taragl i no ongumutno mina wakai kaima pango kamga.’

Matyu 21:44

Ana yomba ta yange kombuglo i mina bolamugl sinan ye ama bogl deruwagl baruwagl erambuka. Ba kombuglo i yange yomba ta mina sinan, yombamo i deruwagl kaima ere wu kungane enambuka.”

Kamambuno Wakai Jon muno boglkwa 3:3

Yesus yegl di ikine endungwa, “Na ka kaima ene di teinga, yomba ta ye kor kugl yeikrimbi ukor pikran ye God kingdomo ta kankrambuka.”

Kamambuno Wakai Jon muno boglkwa 3:5

Yesus ka mongo ditongwa, “Na ka kaima diteinga, yomba ta nigl ya Holi Spirit mina ta kugl yeikrambuka, ye God kingdomo mina suna ta pikrambuka.

1 Korin 13:2

Mo na ka propet dindre, te God nomanemo teke pangwa i pirkondo, te taragl tau mambunomo pirpogl sinaglka, te makan muglo ukandi wu koglo enambedi pirngi giglendi dinaglka, ba na yomba kanwakai yeikrimbo ana na taragl yunguglo yoko mereyegl moglka.

1 Pita 2:9

Ba God ene pinde i-kondungo ene ye yombama meglkwa. Ene king pris mogltre ana yungu ombunomo holi meglkwa. Te ene ama God yombama kaima yene meglkwa. Ene mim ormara meglko ana ye aglendi yend menda wu yene ambuglange wakai mina suna endungo meglkwa. Yeglpre God mambunomo wakai i ene dembiye si tenaglkwa.