Matyu 20:21 - Yesus kamo wakai

²¹ Ana Yesus ambu i ditongwa, “Ene sragl taragl inagledi pitne?” Ana ambu i di ikine ende tongwa, “Ene digidi naro, ene king moratnga enge na wana suwo, ta ene ongun wokra amedi moran, ta ene ongun kondakra amedi moran erambrika.”

Matyu 20:21 ပူးပေါင်းရင်းမြစ်များ

Matyu 18:1

Enge igle disaipelma wagle Yesus moglmara undre kra yegl peglkwa, “Heven kingdom suna ira kande kaima moglme?”

Matyu 19:28

Yesus ditongwa, “Na ka kaima ene diteinga, kamun kua ya makan kor mina suna, Yomba Wam ye ambuglange boglmo mina bolamugl amedinambuka enge na mokona mina wingwa ene ama bogl wakai 12 mina amedi mogltre, ana ene Israel yungu ombuno 12 sutno moraglkwa.

Matyu 20:22

Ba Yesus di ikine ende tongwa, “Ene taragl ta pre na krapeglkwa, i ene ta pirpogl sikrikwa. Na geu nigl mingi neimbo ene ama pra ninambro?” Ye di ikine endimbrika, “No ninambuglka pra kuno orkwa.”

Matyu 20:32

Ana Yesus andigl mogl yaglmo suwo i aglendi krapogl tongwa, “Na ene sragl eretenaglka pre munduno pango dimbre?”

Kamambuno wakai Mak muno boglkwa 10:51

Yesus krapogl tongwa, “Ene na sragl ere narambedi pitne?” Ana ongumuglo mim orkwa yagle ye dungwa, “Beke Notnga, na pinedi kanagledi pirka.”

Kamambuno wakai Mak muno boglkwa 16:19

Yaglkande Yesus eremogl disaipelmo 11 wagle ka dite kondungo, okuwo God auro yend imbo heven suna ongo ana ye God ongo wokra amedi moglkwa.

Kamambuno wakai Mak muno boglkwa 6:22

Enge igle Herodias ambuglo ende suna undre ana kagle engrukwa. I Herot ya yomba kande digaglko kaiya mokna ne meglkwa, ye kan gun yeingwa. Ana king di ambai tongwa, “Ene taragl kanekane ta inagledi piratnga, krapogl naro? Ana i na ene tenaglka.”

Kamambuno Wakai Luk Muno Boglkwa 18:41

“Ene na sragl ere narambedi pitne?” Ye di ikine endungwa, “Yaglkande na ongumutna kanagledi pirka.”

Kamambuno Wakai Luk Muno Boglkwa 19:11

Yomba ka i pir meglkwa enge, Yesus ama ka aine di simbogl suwarata di ye tongwa. Sraglpre, ye Jerusalem mangigl ongo ana yomba eremogl God kingdomo oglandi plau dinambedi pirkwa.

Kamambuno Wakai Luk Muno Boglkwa 22:24

Disaipelma wagle yene mina tengramodi ira yagl kande morambe dingwa.

Kamambuno Wakai Jon muno boglkwa 15:7

Ene na mina meglmbi, ana na kanna ene mina yei panan, ana taragl kanekane ta munduno panan kra poraglkwa, i pra inaglkwa.

Aposel 1:6

Ye makaisi meglko ana aposel wagle krapogl Yesus dipirkwa, “Yaglkande, ene enge erme Israel yomba yombutno te ikine endimin, ana no nono kingno ta wu pene pi no sugl morambo mo manambe?”

Pol pepa muno bogl Rom yomba tongwa 12:10

Te ene God yombamo meglkwa ipre pirimbi munduno pond panan enene mina ikine-ikine kanwakai yei moraglkwa. Te ene suwara suwarandi yomba ta pre pirimbi mitna erambuka mambuno i enene mina panambiwo.

Pol pepa muno bogl Rom yomba tongwa 8:34

Yesus Krais gogltre ana andigl ukor pi God ongo wokra moglkwa. Ana yomba ira nono wu kinde enaglme dinambe? Ipre God nono akeple dinambedi ye kamange erete moglkwa.

Kolosi 3:1

God eremogl ene Krais bogl akiye ikor endungwa. Ana Krais eremogl God ongo wokra amedi king moglmara igle taragl wakai yongwa ipre ene deno munduno ya nomano taragl wakai mitna yongwa imbo pre piraglkwa.