Matyu 15:9 - Yesus kamo wakai

⁹ Ye na dembina karaugl yoko erikwa. Sraglpre, ye yomba ka kindine bekingwa i keme yomba ditendre ana i God kamo we dingwa.’”

Matyu 15:9 ပူးပေါင်းရင်းမြစ်များ

Matyu 15:10

Ana Yesus yomba merkinde aglendi moglmara ende, ana ditongwa, “Kinano yei ana pirpogl siyo.

Kamambuno wakai Mak muno boglkwa 7:7

Ye na dembina karaugl yoko erikwa. Sraglpre, ye yomba ka kindine bekingwa i keme yomba ditendre ana i God kamo we dingwa.’

1 Korin 15:2

Na kamambuno wakai dipene ende teinga ikra ene kakimbi kogl pirngi dikrikwa, ba ene akegidi wanmeglkwa pre ana kamambuno i mina God ene ere-yungwa.

1 Timoti 1:4

I kumbu kaman dorugl dingwa ya kowano awano kangino epigl poriye singwa i ene mane dito. Taragl yeglmere tengramo panan ana God taragl wakai eragledi prukwa i ene ta pirngi dikraglkwa.

Taitus 1:14

Ye yegl ertre ana Juda yomba kumbu kaman ka dingwa te ka kaima sendingwa yomba lono beke tengwa i pirkriyo do.

Hibru 13:9

Ana ene kanwinge erimbi ka kanekane bekete auro yendpi konbo gua pi dinaglmiwo. Yeglpre wakai ta pangwa i God wakaimo nono nomano ake giglendi norambuka, te kaiya mokna ta nono nomano akegiglendi norokrambuka, sraglpre, kaiya mokna neingwa lomo i yomba ta akeple ditekrukwa.

Jems 2:20

Ene yomba kinde du wagle, ene pirngi yoko dindre kongunmo erekrikwa ana pirngi dingwa i sragl yoko orkwa i mambunomo ene piramnedi pirmo?

Ka Teke Pangwa 22:18

Ka propet buk i mina pangwa pirkwa yomba prapra na ka giglendi di teinga. Yomba ta ka pamara ta di ainan ana God ere kinde ere tongwa buk i mina dipanduglkwa i ye mina aine tenambuka.