Matyu 12:36 - Yesus kamo wakai

³⁶ Ba na ene i diteinga, God yomba prapra ka-tange tenambuka enge baglkwa, enge igle yomba ka kinde kanekane dimere yumbu sinambuka.

Matyu 12:36 ပူးပေါင်းရင်းမြစ်များ

Matyu 10:15

Na ka kaima ene diteinga, enge kande mina God yomba ka-tange tenambuka enge igle, Sodom ya Gomara yumbun ikra engre atne ende tendre, ana taun igle nem taragl yumbun pond kaima inaglkwa.

Matyu 11:22

Ba na ene diteinga, enge kande mina God yomba yumbu sinambuka i Taia ya te Saidon yomba ye mitno pond gogl tendre, ene mitno kurita gorambuka.

Matyu 12:37

Enene kanno mina, God ene ka-tange te, ene yomba du-wakai we dinambuka. Te enene kanno mina, God ene yomba kinde we dinambuka.”

Pol pepa muno bogl Rom yomba tongwa 14:12

Yeglpre nono prapra suwara suwarandi mambunono ounere ounere dipoglsi God tenamga.

Pol pepa muno bogl Rom yomba tongwa 2:16

Ana okuwo enge suwarata God eremogl Yesus Krais mina yomba prapra mambunono teke pangwa i yumbu sinambuka. Kamambuno wakai na yegl diteinga.

Jems 3:6

Ana yomba drambino i donga bauglo mereyegl ye nangino ikine pandre, ana mambuno kinde kanekane i-pene ende yomba mundu erekinde ere norkwa. Te donga mereyegl gaglko nangino mundu ninga dungo ana mambuno kinde kanekane plau dungo ana yombamo i nomanemo ya nangiye mundu sideglmbi yei tongwa. Ana donga i yene guglo kamun dongamo i gaglkwa.

Ka Teke Pangwa 20:12

Yomba kande ya kindewond geglkwa ye sia king yomara gumamugl andigl meglko kaniga. Ana yagl sia king mina amedi moglkwa i buk tau poglkwa, te buk ta ombugl poglkwa i kor aimande meglkwa buk. Ana ye ka buk mina beglko pangwa i kandre ana ye yomba geglkwa yumbusi i-perepere endungwa, i ye yene mambunono erimere erimere yumbu sungwa.