Matyu 12:18 - Yesus kamo wakai

¹⁸ “Kaniyo, i na konguna yomba, na ye morambedi pinde i kondiga. Ye pre suwara munduna pangwa, te ye wakai kaninga. Nana Spiritna di ye mina endinaglka, ana ye yomba makan koglkoglo mambuno du-wakai eraglmedi pre, dipendigl ende tenambuka.

Matyu 12:18 ပူးပေါင်းရင်းမြစ်များ

Matyu 12:17

Ye yegl orkwa i God kamo propet Aisaia ka pandum ta dungwa i paiyungwa:

Matyu 17:5

Pita ka yegl di moglko ana kamun kua kruwo oglandi wu ye were kondungo, ana kamun kua mitna sunakra ka ta yegl dungwa, “Iwe na Wana, na ye wakai kandre gun yeiteinga. Ene ye kamo piryo!”

Kamambuno wakai Mak muno boglkwa 1:11

Ana heven imbo ka ta yegl dungwa, “Ene na Wana, na ene wakai kandre nomana wakai ene teinga.”

Kamambuno wakai Mak muno boglkwa 9:7

Ana kamun kuakawa ta plau dindre, ana ye prapra were isuna ende si yokungo ana ka ta kamun kua mina igle menda ungwa, “I na Wana, ye na wakai kaninga, ye kamo piryo.”

Kamambuno Wakai Luk Muno Boglkwa 23:35

Yomba igle andigl kanmeglko ana Juda yomba mina ende okuna eingwa ye eremogl Yesus nangiye ka-singwa, “Ye yomba tau ere-yungura, ana God pinde yungwa yomba Mesaia kaima moran kade yene ere-yondo.”

Kamambuno Wakai Luk Muno Boglkwa 3:22

Holi Spirit kua yumugl mereyegl ende atne ye moglmara ungwa. Ana heven imbo ka ta yegl dungwa, “Ene nana Wana, na ene wakai kandre nomana wakai ene teinga.”

Kamambuno Wakai Luk Muno Boglkwa 4:18

“Yaglkande Spiritmo na mina moglkwa. Sraglpre, kiuglgiunde yomba kamambuno dipene ende tenaglka pre ye na pinde yungwa. Na dipene endimbo yomba kane paingwa kondo yoko meglmbi, te ongumutno kin yongwa aglke kanimbi, te yomba mina yumbun i waningwa i yendinaglka pre ye na diendungwa.

Kamambuno Wakai Luk Muno Boglkwa 9:35

Ana ka ta kamun kuakawa mina dungwa, “I na Wana, ye na pinde i kondiga, ye kamo piryo.”

Kamambuno Wakai Jon muno boglkwa 3:34

Te God di endungwa yomba ta ungwa i ye God kamo dungwa, sraglpre God eremogl Holi Spirit tongo yomba i mina mogl kau sungwa.

Aposel 10:38

Te Yesus Krais Nasaret kamun nem, God eremogl ye pinde indre ana Holi Spirit ya yombuglomo kande toindi ye mina endungwa. Ana Juda makan ye wan winambodi kongun wakai ere ana Satan yomba erekinde eretongo meglkwa i ye erewakai eretongwa. Sraglpre, God ye bogl moglkwa pre sragl yegl orkwa.

Aposel 11:18

Pita ka i ditongo ye pirtre ana ye pre nangiye ka-singwa ikra kindekondo God dembiye sitendre dingwa, “God eremogl Yomba Bina ombugl nomano yakete aimande kor-moraglkwa pre enge ta tongwa.”

Aposel 14:27

Ana ye ende ikine undre God yombama imakai sindre, ana God siriye sitongo ye kongun erimbrere i ka boglo kugl tendre, te Yomba Bina God konbo yauro tongo ye pirngi dingwa i akiye ka boglo kugl tembrika.

Efesus 1:6

God wakaimo pond kaima pangwa ipre nono diwakai yei dembiye sinamga, sraglpre, ye Wam wakai kangwa i nono yoko kaima norkwa.

Kolosi 1:1

Na Pol, God yene prumere na pinde yungo ana Yesus Krais aposelmo moglka, te nono angro Timoti ama akiye

Kolosi 1:13

Kaima, Satan yombuglomo ya mim deglmbi mina God nono ere-indre ana auro ipi yene Wam kanwakai yongwa kingdomo mina igle suna endungwa,

1 Pita 2:4

Ene ende Yaglkande mina wiyo. Ye kombuglo mereyegl kor-moglkwa. Yomba komnaiye kana ye kombuglo kinde wedi plendi menda endingwa. Ba God pinde i-pere ende kondindre ana kombuglo i wakai kaima we dungwa.

2 Pita 1:17

God Neno eremogl Yesus Krais kangiye kande tendre ana ambuglangemo tongo ye yungwa. Ana God yene heven ken ambuglange wakai i mina mogl ana Yesus pre ka yegl dungwa, “Ye na Wana, na ye wakai kaima kaniga, te ye pre na munduna wakai pre teingwa.”