Matyu 11:3 - Yesus kamo wakai

³ Ana ye yegl krapogl dipirkwa, “Ene yomba ta unambe dingura ikra uno mo, manan no yomba ta unambuka pre suglmo moramne?”

Matyu 11:3 ပူးပေါင်းရင်းမြစ်များ

Matyu 11:10

Jon suwara pre God pepamo mina ka yegl beglko pangwa. God dungwa, “‘Na kakepna yomba di endimbo ene okuna yei tendre, konbaunan si akedu ende tenambuka.’

Matyu 11:4

Ana Yesus yegl di ikine ende tongwa, “Ene ende ikine pi taragl pirkan erikwa i Jon diteiyo.

Matyu 21:5

“Saion yagl ambu diteyo, ‘Kaniyo, ene kingno meglmara ungwa. Ye yomba yoko kangiye paikrukwa mere ere, ana bugla-dongi bolamugl ausi moglkwa. Ana ye bugla-dongi nangigle ta moko bolamugl amedi mogl endungwa.’”

Matyu 21:9

Yomba merkinde Yesus omara okuna eingwa ye ya te yomba tau mokomugl wingwa, ana ye mambuno ere mangre kaglkadi yegl dingwa, “Devit Wam dembiye siteiyo!” “God erewakai ere tenambuka, ye Yaglkande kangiye mina ungwa!” “God dembiyesi mitna imbo kaima endiyo!”

Kamambuno wakai Mak muno boglkwa 11:9

Ana yomba tau ende okuna eingo te yomba tau okuwo wingo ana mambuno bogl mangre kaglka dingwa, “God dembiye siyo!” “God ye erewakai ere tongwa, ye Yaglkande kangiye mina ungwa!”

Kamambuno Wakai Luk Muno Boglkwa 19:38

“God wakai ere king tongwa, Yaglkande kangiye mina ungwa!” “Heven suna bipokndi yenano, ana God dembiyesi mitna imbo kaima endiyo!”

Kamambuno Wakai Jon muno boglkwa 11:27

Marta di ikine endungwa, “Owo, Yaglkande. Kaima na pirngi dinga. Ene Mesaia, God Wam. Ene ende makandle unatne dingura.”

Kamambuno Wakai Jon muno boglkwa 12:13

Ipre yomba endi palm yaundongo bukondi ake indre ana ye umara kanamnedi ende menda pindre ana ye mangre, oodi, dingwa, “God dembiye siyo!” “God ere wakai ere yomba i tenambuka, ye Yaglkande kangiye mina ungwa!” “God ere wakai ere Israel yomba kingno tongwa!”

Kamambuno Wakai Jon muno boglkwa 16:14

Na kangina kande ya yombura wu pene enambuka pre, na ka dinga i ye indre ana ene ditenambuka.

Kamambuno Wakai Jon muno boglkwa 4:21

Yesus yegl di ambumo tongwa, “Ambu ya, ene na ka dinga i pirngi do, okuwo enge ta plau dinan kade ana makan muglo i mo Jerusalem suna i keunde ta yomba ye nina dembiye karaugl ere te moglkraglkwa.

Kamambuno Wakai Jon muno boglkwa 6:14

Ana Yesus kimagl orkwa i yomba kandre yegl dingwa, “Kaima yene, ye propet ta ende makandle unambe dingwa ikra ungwa.”

Kamambuno Wakai Jon muno boglkwa 7:31

Ana yomba prapra meglkwa i merkinde ye Yesus pre pirngi dindre ana dingwa, “Ba Krais unambuka enge ye kimagl mere ertre ana yagl i engrambo?”

Hibru 10:37

Sraglpre kamambuno pepa mina yegl dungwa: “Kaima ene ta mogl inde pikraglkwa. Enge sungagle keme ta meglmbi, ana yaglmo unagle dungwa ikra oglandi unambuka,