Kamambuno Wakai Luk Muno Boglkwa 9:12 - Yesus kamo wakai

¹² Ana kamun pokndi ande beinagledi orko, disaipel 12 ye moglmara undre, ana dingwa, “Yomba prapra diendo, sraglpre ye yungu epigl mangigl yeimara igle pindre ana yungu panaglkwa ya kaiya mokna doko topo eraglkwa, sraglpre, yawagle nono dumo waule suna mounga.”

Kamambuno Wakai Luk Muno Boglkwa 9:12 ပူးပေါင်းရင်းမြစ်များ

Matyu 14:13

Ana Yesus prukwa Jon sigeglme digo, dumo i kindekondo ye yene bot indre ende makan waule ongwa. Ana yomba ye ende omedigo pirtre, ye tauno tau kondo makandle ye omara eingwa.

Matyu 15:23

Ba Yesus ka ta di ikine ende ambumo i tekrukwa. Ana disaipelma wagle ye moglmara undre yegl diteingwa, “Ambu i agle dindre nono umunara mokonomugl ungwa, ene ambu i diendimin ende enano.”

Matyu 15:32

Yesus disaipelma agle dungwa ye moglmara wingo ana ditongwa, “Na yomba i mitno goglka. Ye ande enge suwota na bogl akiye mounga pre, erme taragl ta ninaglkwa yeikrukwa. Na kaiya mokna tekre yoko diendimbo kindan gogl enaglmedi ta pirkrika. Ba ye ende yungunomugl enaglkwa konbo bange ongumutno mangran yange sinaglkwa.”

Kamambuno Wakai Luk Muno Boglkwa 9:11

Ba yomba merkinde ka i pirtre, Yesus omara mokomugl eingwa. Ana ye yomba diwakai yei tendre, God kingdomo pre dite ana yomba kinde singwa erewakai ere norambedi pirkwa mere erewakai eretongwa.

Kamambuno Wakai Luk Muno Boglkwa 9:13

Ba Yesus di ikine endungwa, “Ye sragl ninaglkwa pre enene ta i teiyo.” Ye di ikine endingwa, “No bret 5 keunde yongo ana fis suwo yongwa. Ene pitnga no pindre yomba i prapra kaiya moknano topo eramuno?”

Kamambuno Wakai Jon muno boglkwa 6:1

Yesus ka di kondo okuwo ye Galili Niglmong sipraksi ende koglo imbo ongwa, ana niglmo mong i kangiye ta Taiberias.

Filipai 1:19

sraglpre, na pirkan erika ene kamange erikwa i mina Yesus Krais Spiritmo i na akeple dinan ana na kane painga i kondo yoko wanmoraglka.