Kamambuno Wakai Luk Muno Boglkwa 9:11 - Yesus kamo wakai

¹¹ Ba yomba merkinde ka i pirtre, Yesus omara mokomugl eingwa. Ana ye yomba diwakai yei tendre, God kingdomo pre dite ana yomba kinde singwa erewakai ere norambedi pirkwa mere erewakai eretongwa.

Kamambuno Wakai Luk Muno Boglkwa 9:11 ပူးပေါင်းရင်းမြစ်များ

Matyu 12:15

Parisi wagle ka dingwa i Yesus pirtre, ana dumo igle kindekondo endongwa. Ana yomba merkinde kinde sungwa ye omara mokomugl eingo, ana ye kindeno erewakai ere tongwa.

Matyu 14:14

Yesus bot mina ende atne wu, ana yomba merkinde meglkwa kandre, ye mitno gogl ana yomba kindeno erewakai ere tongwa.

Matyu 21:31

“Gakmo suwo i, ira nem dumere orme?” Ye dingwa, “Gak komuno.” Ana Yesus ye ditongwa, “Na kaima ene diteinga, takis ingwa ya te nangino kunogl gundingwa yomba ye ene ake okuwo ende, ye okuna kana ende God kingdomo mina suna eingwa.

Matyu 21:43

“Yeglpre, na ene diteinga, God kingdomo ene mina i-eglke ende, ana yomba yungu ombuno ta tenan ye mongo pamere wakai koraglkwa.

Kamambuno Wakai Luk Muno Boglkwa 1:53

Kindan gogl meglkwa yomba ye taragl wakai merkinde tongo kau sungwa, ba taragl merkinde pai tongwa yomba ta tekre yoko diendungo endeingwa.

Kamambuno Wakai Luk Muno Boglkwa 5:31

Yesus di ikine ende tongwa, “Yomba du-wakai meglkwa ye dokta pre ta dokokrikwa. Ba kinde sungwa yomba keunde dokta moglmara eingwa.

Kamambuno Wakai Luk Muno Boglkwa 8:1

Enge tau okuwo Yesus ende taun tau ya yungu epigl tau pindre, ana kamambuno wakai God kingdomo pre dipene endungwa. Disaipelma 12 ye bogl akiye eingo,

Kamambuno Wakai Luk Muno Boglkwa 8:10

Ana Yesus ditongwa, “God kingdomo teke pangwa i ene piraglkwa pre ditongwa, ba yomba tau pre na ka i di simbogl diteinga, yegl pre, “‘ye kanaglkwa, ba kan dime dikraglkwa, te piraglkwa, ba mambuno pir dime dikraglkwa.’

Kamambuno Wakai Luk Muno Boglkwa 9:10

Aposel wagle ende ikine undre ana ye taragl prapra erimere i Yesus diteingwa. Ye aposel keunde auro yungo, ye yene ende taun ta kangiye Betsaida we dimara mangigl eingwa.

Kamambuno Wakai Luk Muno Boglkwa 9:12

Ana kamun pokndi ande beinagledi orko, disaipel 12 ye moglmara undre, ana dingwa, “Yomba prapra diendo, sraglpre ye yungu epigl mangigl yeimara igle pindre ana yungu panaglkwa ya kaiya mokna doko topo eraglkwa, sraglpre, yawagle nono dumo waule suna mounga.”

Kamambuno Wakai Luk Muno Boglkwa 9:2

Ana ye aposel wagle dimenda endungwa, God kingdom pre kamo dipene endindre ana kinde sinambuka erewakai eraglkwa.

Kamambuno Wakai Jon muno boglkwa 4:34

Ana Yesus eremogl disaipel wagle ditongwa, “Na kaiya moknana, i na diendungwa yagle prumere ertre, ana na kongunmo ero di narkwa i ere kondinaglka.

Kamambuno Wakai Jon muno boglkwa 6:37

Yomba prapra Nina na narkwa i ye ende na mina unaglmiwo, yomba ta na mina unambuka ana na ye kinde kondokraglka.

Aposel 28:31

Pol kundugl goglkre God kingdomo kamo i giglendi yomba dipene ende tendre, te Yaglkande Yesus Krais pre kamo ama bekete moglko ana yomba ta mane ditekrikwa.

Pol pepa muno bogl Rom yomba tongwa 10:14

Ba ye Yesus wedi pirngi dikre meglmbi ana ye srambre ere kangiye dagl no akepledo dinaglme? Mo Yaglkande kamo i ta pirkrimbi ana ye srambre ere pirngi dinaglme? Mo Yaglkande kamo i ta dipene ende tekrimbi ye srambre ere piraglme?

Pol pepa muno bogl Rom yomba tongwa 10:17

Yeglpre nono pirkan ounga; God kamo boglo kiglko pirtre pirngi dumga, te ka boglo wakai punga i Krais mina ungwa.

Pol pepa muno bogl Rom yomba tongwa 15:3

Te Krais ye yene akeple dinambuka ipre ta erekrukwa, ba kamambuno pepa mina ka yegl muno beglko pamere orkwa: “Yomba ka kinde di ene tengwa, ka kinde dingwa i ama ende na mina ungwa.”

2 Timoti 4:2

Ipre kamo giglendi i yegl: Ene kamambuno dipene ende tenatnga. Yomba piramnedi piraglkwa mo pirkramnedi piraglkwa i ene akekun ere ana ningadi dipene ende te moratnga. Ye aglau eraglkwa ene akedu ende, te tandaglme ere dinaglmedi ka giglendi ditendre te pirngi dinaglkwa pre dipoglsi tenatnga. Ana ene noman pokndi yenan wakai ere ka bekete wanmoratniwo.

Hibru 4:16

Yeglpre God nono wakai kangwa yaglmo ye sia kingmo mina suna enamga i kundugl goglkre enamga. Ana igle nono wakaimo ya wakai kangwa mambuno i nono inamunedi piramga enge ana nono wakaimo akepledi norambuka.