Kamambuno Wakai Luk Muno Boglkwa 8:54 - Yesus kamo wakai

⁵⁴ Ba Yesus eremogl ambai ongo akindre ana agle dungwa, “Ambai ya, ene andiglo.”

Kamambuno Wakai Luk Muno Boglkwa 8:54 ပူးပေါင်းရင်းမြစ်များ

Matyu 9:25

Ba ye yomba prapra di wenda endekondo, Yesus ende yungugl pi ambai ongo akungo ana ambai anduglkwa.

Kamambuno wakai Mak muno boglkwa 1:31

Ana Yesus ambumo pamara pi ye ongo ake ana ake bonduglkwa. Ambu nangiye ninga dungwa i dundungo ana ye mambuno bogl kaiya mokna yomba pre akekun ere tongwa.

Kamambuno wakai Mak muno boglkwa 8:23

Ana Yesus yagl ongumuglo kin yongwa ongo ake, ana ye auro yend yungu epigl bina kra ongwa. Ana ye enge i eursi yaglmo ongumuglo mina koglkoglo endekondo ana yene ongo koglkoglo yaglmo ongumuglo mina akindre, ana krapogl tongwa, “Ene taragl kanekane ta kano?”

Kamambuno wakai Mak muno boglkwa 9:27

Ba Yesus gakmo ongo akindre ana ake bonduglko ye anduglkwa.

Kamambuno Wakai Luk Muno Boglkwa 8:51

Ana Yesus pi Jairus keipamara plau dungwa enge, ye yomba mane ditongo ye bogl akiye yungugl ta pikrikwa, ba Pita ya Jon, Jems te gak nem ya mam bogl ende yungugl eingwa.

Kamambuno Wakai Luk Muno Boglkwa 8:53

Ye prapra Yesus bakagl gaugl ereteingwa sraglpre ye kanigwa ambai kaima goglkwa.

Kamambuno Wakai Luk Muno Boglkwa 8:55

Ana ambai spiritmo ende ikine ungo, oglandi anduglko ana Yesus yomba ditongwa, ambai taragl ninambuka ta i teiyo dungwa.

Kamambuno Wakai Jon muno boglkwa 11:43

Yesus ka i di kondo ana agle binan bogl dungwa, “Lasarus, ene ende menda wo!”

Kamambuno Wakai Jon muno boglkwa 5:21

Ana Nem eremogl yomba geglkwa ere-ikor ende, ana kor-moraglkwa tongwa, ormere yeglmere, ana Wam kor-moraglkwa i yomba ta tenagledi prukwa mere tongwa.

Aposel 9:40

Ba Pita diendungo yomba prapra ende menda pi kendingo ana ye goglko bondugl kamange orkwa. Kamange erekondo kan akete ambu goglkwa nangiye briye kandre yegl dungwa, “Tabita, ene anduglo!” Dungo ye ongumuglo pinedi Pita kandre ana bondugl moglkwa.

Pol pepa muno bogl Rom yomba tongwa 4:17

Kamambuno muno yegl beglko pangwa: “Na, eremogl ene yomba epigl merkinde neno moratnga pre i-nongugl endiga.” Abraham, ye nono neno moglkwa, te ye God wedi pirngi dungwa. God ye yomba geglkwa ikor endungwa, te ye agle dungo ana taragl paikrikwa wu plaudi paingwa Godmo i Abraham pirngi dungwa.