Kamambuno Wakai Luk Muno Boglkwa 8:30 - Yesus kamo wakai

³⁰ Ana Yesus krapogl tongwa, “Ene kangin irane?” Ye di ikine endungwa, “Na kangina Ami.” Sraglpre, okuna spirit kinde merkinde ende ye mina suna eingwa.

Kamambuno Wakai Luk Muno Boglkwa 8:30 ပူးပေါင်းရင်းမြစ်များ

Matyu 26:53

Ene i pirkitno, na Nina agle dimbo ye oglandi angelomo merkinde diendinan ana kimbirnem epigl 12 imara ende ana wu na akeple dikraglmo?

Matyu 4:24

Ye taragl orkwa i yomba diwai digo Siria makan prapra pirkondingwa. Ana yomba kinde kanekane sungwa i-wingwa. Nangino giugl singwa ya te spirit kinde bogl meglkwa ya te kuakiku singwa ya te mau singwa i prapra i-wingo, ana ye erewakai ere tongwa.

Matyu 8:29

Ye kaglkane kande ere dimbrika, “God Wam, ene no sragl ere noratn? Enge yeikrumara unga, ene no nangino giu ere noragledi pre un kana?”

Kamambuno wakai Mak muno boglkwa 16:9

Yesus Sande enge tangina kinde kaima andigl ukor pindre, ye okuna kana Maria Makdala kamun mam moglmara plau dungwa, ambumo i okuna spirit kinde 7 suna meglko Yesus simenda endungura.

Kamambuno wakai Mak muno boglkwa 5:9

Ana Yesus krapogl ye tongwa, “Ene kangin irane?” Ye di ikine endungwa, “Na kangina Ami, sraglpre no merkinde kaima mounga!”

Kamambuno Wakai Luk Muno Boglkwa 8:2

ana ambu tau akiye eingwa. Ambumo i okuna spirit kinde moglkwa ya te kinde imbo kanekane pango erewakai ere tongwa. Ta Maria (ye Makdala kamun mam we dingwa) ambumo ye mina okuna spirit kinde 7 meglko simenda endungwa.

Kamambuno Wakai Luk Muno Boglkwa 8:29

Ye dungwa i sraglpre, Yesus ka giglendi spirit kinde ditendre yaglmo i mina kondo ende menda po dungwa. Enge mere spirit kinde yagle i auro i wanmoglko, ana ye ongo kagle sen kogl sugl meglko, ye sen simbiglki dungo ana spirit kinde ye auro yendpi makan waule ta yomara suna pipi orkwa.